នាំគ្នាមួយសំបុកធ្វើសកម្មភាពលួចម៉ូតូ ចុងក្រោយនគរបាលប៉ុស្តិ៍ក្រៀកបាន

ភ្នំពេញ៖ ជនសង្ស័យប្រុសស្រីចំនួន ០៤ នាក់ត្រូវបានកម្លាំងនគរបាលប៉ុស្តិ៍ស្រះវកនិងប៉ុស្តិ៍វត្តភ្នំនៃអធិការខណ្ឌដូនពេញសហការគ្នាបង្រ្កាប ក្រោយពេលពួកគេបានលួចម៉ូតូ ១​គ្រឿង ហើយយកទៅសម្ងំលាក់ខ្លួន។

មន្ត្រីនគរបាលប៉ុស្តិ៍ស្រះចកបានឲ្យដឹងថា ករណីលួចនេះកើតឡើងនៅវេលាម៉ោង ០៣ និង ៣៥ នាទីទាបភ្លឺ ថ្ងៃទី ២៣ ខែមករា ឆ្នាំ២០២១ នៅចំណុចក្រោមផ្ទះលេខ២៥អឺ១ ផ្លូវលេខ៨២  ភូមិទី១៤ សង្កាត់ស្រះចក ខណ្ឌដូនពេញ រាជធានីភ្នំពេញ។ ម៉ូតូមួយគ្រឿងដែលបាត់ទៅជាម៉ាក HONDA WAVE ពណ៌ខ្មៅ ផ្លាកលេខ ភ្នំពេញ 1II-3929។ ដៅយឡែកម្ចាស់ម៉ូតូឈ្មោះ គី រតនៈ ភេទស្រី អាយុ២១ឆ្នាំ ជនជាតិខ្មែរ មុខរបរ មន្ត្រីអង្គភាពប្រឆាំងអំពើពុករលួយ (ACU)។ ជនរងគ្រោះបានមកដាក់ពាក្យបណ្ដឹងនៅប៉ុស្ដិ៍ ក្រោយពីទទួលបណ្ដឹង កម្លាំងជំនាញផ្នែកយុត្តិធម៌ រួមជាមួយកម្លាំងប៉ុស្តិ៍នគរបាលរដ្ឋបាលស្រះចក និងកម្លាំងប៉ុស្តិ៍នគរបាលរដ្ឋបាលវត្តភ្នំ បើកការស្រាវជ្រាវរហូតដល់វេលាម៉ោង ១២ និង ៣០នាទី នាថ្ងៃខែឆ្នាំដដែលបានរកឃើញម៉ូតូខាងលើនៅចំណុចច្រកឌឿងហែមចូលផ្ទះលេខ ៣៥ អឺ៣ ផ្លូវលេខ១១០ ភូមិ៧ សង្កាត់វត្តភ្នំ ខណ្ឌដូនពេញ  កម្លាំងយើងឈានដល់ធ្វើការបង្ក្រាបបានជនសង្ស័យចំនួន០៤នាក់រួមមាន៖

១-ឈ្មោះ ជា សុវណ្ណ ហៅជ្រុយ ភេទប្រុស អាយុ ៤៩ ឆ្នាំ

២-ឈ្មោះ ហេង មករា ភេទប្រុស អាយុ ១៨ ឆ្នាំ

៣-ឈ្មោះ រុន ប៊ុនរិន ភេទប្រុស អាយុ ២១ ឆ្នាំ

៤-ឈ្មោះ នី សុភី ភេទស្រី អាយុ ២៦ ឆ្នាំ

រួមនឹងវត្ថុតាងមួយចំនួនរួមមាន ម៉ូតូមួយគ្រឿង ដែកកែច្នៃសំប៉ែតមុខស្រួច សម្រាប់កាច់សោរ ក ម៉ូតូចំនួន០២ សោរចិញ្ចៀនលេខ៨ ចំនួន០២រខ្សៀលេខ៨ រាងអក្សរអិល(L) ចំនួន០១ ជាមធ្យោបាយធ្វើសកម្មភាព។

ចំពោះមុខកម្លាំងជំនាញខណ្ឌប៉ុស្តិ៍ កំពុងប្រើប្រាស់វិធានការជំនាញសួរចម្លើយដើម្បីរកបក្សពួកនឹងកសាងសំណុំរឿងបញ្ជូនទៅសាលាដំបូងតាមនីតិវិធីច្បាប់។

រីឯទិសដៅបន្ត អធិការដ្ឋានប៉ុស្តិ៍នគរបាលរដ្ឋបាលទាំង១១ នឹងបន្តខិតខំបង្ការ ទប់ស្កាត់បទល្មើសគ្រប់ប្រភេទដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តមស្នងការ និងលោកអភិបាលខណ្ឌនិងកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់៕

អត្ថបទ៖ រស្មី

ចុចអាន៖ ពលករ​ម្នាក់ លួច​រត់​ចេញពី​មណ្ឌល​ច​ត្តា​ឡី​ស័ក​សមត្ថកិច្ច​កំពុង​ស្វែងរក