ព័ត៌មានជាតិ
កាសែត The Cambodia Daily ចាញ់ក្ដីអ្នកឧកញ៉ា ឡេង ណាវ៉ាត្រា ក្នុងប្រព័ន្ធបច្ចេកវិទ្យា ត្រូវបានក្រុមហ៊ុន Facebook សម្រេចលុបផេកចោលទាំងស្រុង
កាលពីពេលថ្មីៗនេះ ទំព័រហ្វេសប៊ុករបស់សារព័ត៌មាន The Cambodia Daily ដែលមានឈ្មោះថា «The Cambodia Daily Khmer» និងមានអ្នក Follow ចំនួន ១លានកន្លះនោះ ត្រូវបានក្រុមហ៊ុនហ្វេសប៊ុកលប់ចោលហើយ ក្រោយពីមានការប្តឹងតវ៉ាពីសំណាក់អ្នកឧកញ៉ា ឡេង ណាវាត្រា ទៅកាន់ក្រុមហ៊ុនហ្វេសប៊ុក ក្រោយពីសារព័ត៌មានមួយនេះបានបង្ហោះព័ត៌មានបំផ្លៃ បំផ្លើស ប្រាសចាកពីការពិតម្តងហើយម្តងទៀតពាក់ព័ន្ធនឹងក្រុមហ៊ុនរបស់លោក។
ពាក់ព័ន្ធនឹងករណីនេះ អ្នកឧកញ៉ា ឡេង ណាវាត្រា បានធ្វើការបង្ហោះសារនៅលើទំព័រហ្វេសប៊ុករបស់ខ្លួនថា «ផេកហ្វេសប៊ុក The cambodia daily khmer មានអ្នកហ្វូឡូ 1.5 លាននាក់ ត្រូវចាកចេញពីពិភពលោកហើយ បន្ទាប់ពីចាញ់បណ្ដឹងនៅក្នុង facebook ខ្ញុំជាច្រើនករណី។ អ្នកបានទទួលបាបកម្មបណ្ដើរៗហើយ ដោយការប្រើអំណាចសារព័ត៌មាន បំផ្លាញសន្តិភាពចោទថ្នាក់ដឹកនាំទាំងបំពាន និងតាមសម្លាប់សេដ្ឋកិច្ច និងអាយុជីវិត ជីវភាពអង្គភាពខ្ញុំ ដែលទទួលផលទាំងផ្ទាល់និងទាំងប្រយោលរាប់សែននាក់ ដូច្នេះអំពើអាក្រក់ទាំងនេះ គឺជាបាបកម្មបានធ្លាក់ទៅអស់លោកបណ្ដើរៗហើយ។ បើសិនជាអស់លោកចង់បាន ផេកនោះមកវិញ យើងអាចតតាំងគ្នា នៅតុលាការអន្តរជាតិក៏បាន ខ្ញុំកំដរជានិច្ច ខ្ញុំជឿលើភាពត្រឹមត្រូវរបស់ខ្ញុំ ឬក៏ស្នើមកអង្គភាពខ្ញុំ ខ្ញុំនឹងប្រជុំពិចារណា តែក៏មិនប្រាកដថាអង្គភាពខ្ញុំព្រមនោះទេ ឬក៏លោកអាចពឹងពាក់បរទេសតាមទម្លាប់លោកដដែលចុះ។ ខ្ញុំប្រាប់ហើយថាចប់ស៊ីហ្គេមខ្ញុំឲ្យស្ពៃ។ ឡេង ណាវ៉ាត្រា បានប្រាប់ហើយ បើវាយ ឡេង ណាវ៉ាត្រា ត្រូវវាយអោយដួល បើវាយមិនដួលឡេង ណាវ៉ាត្រា នឹងតដៃវិញ»។
គួររំលឹកផងដែរថា ជានិច្ចជាកាល សារព័ត៌មាន The Cambodia Daily ដែលមានមូលដ្ឋាននៅបរទេសមួយនេះ តែងតែធ្វើការបង្ហោះនូវព័ត៌មានមិនពិត បំផ្លៃ និងបំផ្លើស ក្នុងចេតនាបង្ខូចកេរ្តិ៍ឈ្មោះរបស់មន្ត្រីរាជរដ្ឋាភិបាល និងបុគ្គលផ្សេងៗដែលមានទំនាក់ទំនងជិតស្និទ្ធជាមួយនឹងរាជរដ្ឋាភិបាល។ ដូចនេះការលប់ចោលនូវទំព័រហ្វេសប៊ុកផ្លូវការរបស់សារព័ត៌មានមួយនេះគឺជារឿងដ៏គួរឱ្យសាទរសម្រាប់ប្រជាពលរដ្ឋកម្ពុជា ហើយវាក៏ជាមេរៀនមួយសម្រាប់សារព័ត៌មានដែលបម្រើបរទេសដទៃទៀត ដែលកំពុងតែធ្វើសកម្មភាពញុះញង់ បង្កើតនូវព័ត៌មានក្លែងក្លាយដូចជាសារព័ត៌មាន The Cambodia Daily នេះផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង