កីឡា

ជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026

បានផុស

១ ម៉ោង មុន

នៅ

ថ្ងៃអាទិត្យ ១៩ កក្កដា ២០២៦

ដោយ

ក្រុមបាល់ទះជម្រើសជាតិកម្ពុជា បានបង្កើតប្រវត្តិសាស្ត្រជាលើកដំបូងក្នុងការឈ្នះជើងឯកពានរង្វាន់បាល់ទះអាស៊ានកម្រិតទី១ SEA V. League ឆ្នាំ ២០២៦ បន្ទាប់ពីបានយកឈ្នះក្រុមបាល់ទះជម្រើសជាតិឥណ្ឌូណេស៊ី ដោយលទ្ធផល ៣-២ នៅវគ្គផ្តាច់ព្រ័ត្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតវគ្គផ្តាច់ព្រ័ត្រ នៅរសៀលថ្ងៃអាទិត្យ ទី១៩ ខែកក្កដា ឆ្នាំ ២០២៦ ក្រុមបាល់ទះជម្រើសជាតិកម្ពុជា ធ្វើបានល្អហួសពីការរំពឹងទុកតាមរយៈជ័យជម្នះដោយលទ្ធផល ៣-១ នៅវគ្គផ្តាច់ព្រ័ត្រ។ សិតទី១ កម្ពុជា បានឈ្នះ ដោយពិន្ទុ ២៥-២៣ សិតទី២ បានឈ្នះដោយពិន្ទុ ២៦-២៤ ខណៈសិតសិតទី៣ និងទី៤ ឥណ្ឌូណេស៊ី បានឈ្នះដោយពិន្ទុ ២៣-២៤ និងដោយពិន្ទុ ២៥-២២។ សម្រាប់ការប្រកួតទី៥ កាត់សេចក្តីចុងក្រោយ កម្ពុជា បានយកឈ្នះដោយពិន្ទុ ១៥-១១ ដើម្បីក្លាយជាជើងឯកដោយជោគជ័យ។

ការប្រកួតពិតជាអស្ចារ្យខ្លាំងមែនទែនដែលក្រុមបាល់ទះកម្ពុជា ស្ថិតនៅបាតតារាងកាលពីឆ្នាំ ២០២៥ មិនស្គាល់បរាជ័យសោះ និងឆ្នាំ ២០២៦នេះស្ថិតនៅក្នុងពូលដែលគិតថា មិនអាចឆ្លងផុតវគ្គក្នុងពូល ប៉ុន្តែបែរជាការបង្កើតការភ្ញាក់ផ្អើលតាមរយៈជ័យជម្នះ ៣-២ លើក្រុមជម្រើសជាតិថៃនៅវគ្គពាក់កណ្តាលផ្តាច់ព្រ័ត្រ។

នៅវគ្គផ្តាច់ព្រ័ត្របានបង្កើតការភ្ញាក់ផ្អើលទៀតតាមរយៈជ័យជម្នះលើ ឥណ្ឌូណេស៊ី ដែលជាក្រុមមិនធ្លាប់ឈ្នះសោះ ប៉ុន្តែបានបង្កើតប្រវត្តិសាស្ត្រឈ្នះលើកដំបូង ហើយបានឈ្នះជើងឯកថែមទៀត។