ព័ត៌មានជាតិ
អភិបាលខេត្តកោះកុង ចាត់មន្រ្តីកសិកម្មពិនិត្យស្រង់ទិន្នន័យផ្តល់ស្រូវពូជជូនពលរដ្ឋ ក្រោយទឹកជំនន់ស្រកអស់
លោកស្រី មិថុនា ភូថង ប្រធានគណៈកម្មាធិការកាកបាទក្រហមកម្ពុជា ខេត្តកោះកុង នឹងចាត់មន្រ្តីកសិកម្មត្រូវធ្វើយ៉ាងណាសហការជាមួយអាជ្ញាធរភូមិឃុំស្រង់ទិន្នន័យពលរដ្ឋរងផលប៉ះពាល់ទឹកជំនន់ ដើម្បីផ្តល់ពូជស្រូវដាំស្តារឡើងវិញ។
ការប្រកាសបែបនេះរបស់លោកស្រីប្រធានគណៈកម្មាធិការកាកបាទក្រហមកម្ពុជាខេត្តកោះកុង ធ្វើឡើងក្រោយពិធីចែកអំណោយមនុស្សធម៌កាកបាទក្រហមកម្ពុជាជូនពលរដ្ឋសរុប២២៤គ្រួសារ មកពីឃុំដងពែង និងឃុំជីខលើ អំឡុងពួកគាត់ជួបគ្រោះធម្មជាតិជំនន់ទឹកភ្លៀងជាង១សប្តាហ៍កន្លងមកនេះ។
លោកស្រីលើកឡើងថា អាជ្ញាធរសមត្ថកិច្ចគ្រប់លំដាប់ថ្នាក់បានគិតគូរយកចិត្តទុកដាក់ជម្លៀសពលរដ្ឋទៅរកទីទួលសុវត្ថិភាព ដើម្បីចៀសផុតគ្រោះធម្មជាតិដែលកំពុងកើតមានដោយមិនឱ្យពលរដ្ឋណាស្លាប់នោះទេ។ ទោះបីជាមានការខូចខាតផលដំណាំ ផ្ទះសម្បែង សត្វគោក្របី ក៏ដោយ។ លោកស្រី មិថុនា ភូថង បន្តចាត់មន្រ្តីអាជ្ញាធរពាក់ព័ន្ធបន្តតាមដានពិនិត្យ និងត្រៀមជួយសង្រ្គោះពលរដ្ឋនៅតំបន់ប្រឈមគ្រប់ពេលវេលា ព្រោះថា អាកាសធាតុតែងប្រែប្រួលមិនទៀងទាត់ដែលងាយបង្កជាទឹកជំនន់លិចលង់ប្រជាពលរដ្ឋ។
បន្ថែមលើនេះ លោកស្រីប្រធានគណៈកម្មាធិការកាកបាទក្រហមកម្ពុជាខេត្តកោះកុង ក៏បានពាំនាំនូវការសួរសុខទុក្ខរបស់សម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដោយសម្តេចមិនព្រងើយកន្តើយនឹងភាពរងគ្រោះរបស់ពលរដ្ឋណាម្នាក់ឡើយ ពោលគឺសម្តេចតែងចាត់ឱ្យក្រុមការងារចុះជួយអន្តរាគមន៍សង្រ្គោះ និងចែកស្បៀងអាហារសម្រាប់បរិភោគជាបណ្តោះអាសន្នសិនទំរាំអាកាសធាតុវិលមករកភាពល្អប្រសើរធម្មតាវិញ។
យោងតាមរបាយការណ៍របស់លោក ជា ច័ន្ទកញ្ញា អភិបាលស្រុកស្រែអំបិលបង្ហាញថា លំនៅដ្ឋានពលរដ្ឋភូមិបានទៀត ឃុំដងពែង ប្រមាណ៣០ខ្នងផ្ទះបានបាក់រំលំ និងរបើកដំបូល និងមានមនុស្សម្នាក់ស្លាប់ រីឯរបួសធ្ងន់ស្រាល៧នាក់ កាលពីយប់ថ្ងៃទី៣០ ខែកក្ដដា ឆ្នាំ២០២៣កន្លងទៅ។
លោកអភិបាលស្រុកស្រែអំបិល បន្ថែមថា ក្រៅពីនេះ គិតមកទល់ម៉ោងនេះ មានផ្ទះពលរដ្ឋ២២៤ខ្នងផ្ទះរងជំនន់ទឹកភ្លៀង ក្នុងនោះមានភូមិព្រះកែវ បាក់អង្រុត និងភូមិពោធិបឹងនៅក្នុងឃុំដងពែង និងឃុំជីខលើ។ តបតាមទំនួលខុសត្រូវខ្ពស់ចំពោះតួនាទីភារកិច្ច អាជ្ញាធរមូលដ្ឋាន ប្រុងជើងការជានិច្ច ត្រៀមចុះអន្តរាគមន៍ជួយសង្រ្គោះពលរដ្ឋនៅតំបន់ដែលងាយប្រឈមនឹងការជំនន់លិចទឹកភ្លៀង៕
អត្តបទ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង