ព័ត៌មានជាតិ
អភិបាលខេត្តប៉ៃលិន ជំរុញស្ថាប័នជំនាញពាក់ព័ន្ធ ត្រូវខិតខំរកដំណោះស្រាយបញ្ហាទីផ្សារកសិផលជូនប្រជាកសិករ
អភិបាលខេត្តប៉ៃលិន បានជំរុញដល់ស្ថាប័នជំនាញពាក់ព័ន្ធ ត្រូវខិតខំរកដំណោះស្រាយ បញ្ហាទីផ្សារកសិផលជូនប្រជាកសិករ ដើម្បីជំរុញកំណើនសេដ្ឋកិច្ចគ្រួសាររបស់ប្រជាពលរដ្ឋកាន់តែប្រសើរ។
នៅក្នុងពិធីសំណេះសំណាលជាមួយម្ចាស់សៃឡូ និងលានហាល កាលពីថ្ងៃទី ២៣ វិច្ឆិកា លោកស្រី បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាសន៍ថា «ក្នុងនាមអាជ្ញាធរខេត្ត គឺធ្វើយ៉ាងណាចង់ឲ្យទីផ្សារកសិផលរបស់ប្រជាកសិករកាន់តែមានភាពល្អប្រសើរឡើង ធ្វើឲ្យពលរដ្ឋមានជីវភាពធូរធារ ដូច្នេះមន្ត្រីជំនាញពាក់ព័ន្ធទាំងអស់ ត្រូវយកចិត្តទុកដាក់បន្ថែមទៀត ក្នុងការរកទីផ្សារកសិផលជូនប្រជាពលរដ្ឋ ដោយខិតខំរកដៃគូវិនិយោគលើផ្នែកកសិកម្ម ព្រមទាំងលើកកម្ពស់ទីផ្សារកសិផលឲ្យកាន់តែសម្បូរបែប ដែលនេះជាឱកាសមួយអាចជួយឲ្យប្រជាកសិករមានភាពងាយស្រួលក្នុងការទិញ-លក់ដោយមានទីផ្សារស្ថិតស្ថេរ និងច្បាស់លាស់ផងដែរ»។
លោកស្រីអភិបាលខេត្ត បានបន្តថា រាជរដ្ឋាភិបាល បានជំរុញក្រសួងពាណិជ្ជកម្ម និងក្រសួងពាក់ព័ន្ធ រួមទាំងរដ្ឋបាលថ្នាក់ក្រោមជាតិ ត្រូវបន្តផ្សព្វផ្សាយឲ្យទូលំទូលាយពីផលិតផលខ្មែរ និងផ្តល់ជំនាញនានាដល់ផលិតករលើដំណើរការខ្សែសង្វាក់ផលិតកម្ម ការពង្រឹងគុណភាព សុវត្ថិភាពផលិតផលការកែច្នៃ និងការវេចខ្ចប់ជាដើម ដើម្បីឆ្លើយតបទៅនឹងទីផ្សារក្នុងប្រទេស និងក្រៅ ប្រទេស ជាពិសេសត្រូវរៀបចំចងក្រងផលិតផលក្នុងស្រុកដែលមានសក្ដានុពលក្នុងមូលដ្ឋាន របស់ខ្លួន ដោយបញ្ចូលជាផលិតផលភូមិមួយផលិតផលមួយ ស្របតាមគោលនយោបាយជាតិស្ដីពី ការជំរុញចលនាភូមិមួយផលិតផលមួយ សម្រាប់ឆ្នាំ ២០១៦ ដល់ ២០២៦។
លោកស្រី បាន ស្រីមុំ បានជំរុញដល់ស្ថាប័នជំនាញពាក់ព័ន្ធ ត្រូវខិតខំរកដំណោះស្រាយ បញ្ហាទីផ្សារកសិផលជូនប្រជាកសិករ និងបញ្ហាផលប៉ះពាល់បរិស្ថានតាមសៃឡូ ដូចជា ៖ ជះក្លិនមិនល្អ និងបង្ហូរទឹកកខ្វក់ចូលទៅក្នុង អូរ បឹងបួ បង្កជាផលប៉ះពាល់ដល់ការរស់នៅរបស់បងប្អូនប្រជាពលរដ្ឋ ដែលរស់នៅក្បែរនោះ ជាពិសេសមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្ត ត្រូវពិនិត្យមើលជញ្ជីងថ្លឹងកសិផលតាមទីតាំងទិញ-លក់ កសិផល ឲ្យមានភាពសុក្រឹតត្រឹមត្រូវ និងអនុវត្តតាមផ្លូវច្បាប់ជាធរមាន ជៀសវាងការកេងចំណេញដោយប្រការណាមួយ ដែលធ្វើឲ្យបាត់បង់ ទំនុកចិត្ត និងប៉ះពាល់ដល់ជីវភាពរបស់កសិករ។
សូមបញ្ជាក់ថា បច្ចុប្បន្នអាជីវកម្មសៃឡូ (ទិញ-លក់កសិផល) ក្នុងខេត្តប៉ៃលិន មានចំនួន ៤៨ កន្លែង ក្នុងនោះក្រុងប៉ៃលិន មាន ២៥ កន្លែង និងស្រុកសាលាក្រៅ ២៣ កន្លែង ដោយបានចុះបញ្ជីពាណិជ្ជកម្ម ៣៦ កន្លែង មិនទាន់ចុះបញ្ជី ១២ កន្លែង អាជីវកម្មកំពុងដំណើរការ ៣៧ កន្លែង និងផ្អាកអាជីវកម្ម ៩ កន្លែង៕
អត្ថបទ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង