ព័ត៌មានជាតិ
ជនសង្ស័យម្នាក់ ពង្រត់កូនក្រមុំគេយកទៅដេកផ្ទះសំណាក់ត្រូវអាវុធហត្ថឃាត់ខ្លួន
បន្ទាយមានជ័យ ៖ ជនសង្ស័យម្នាក់លក់ថ្នាំញៀនហើយថែមទាំងពង្រត់កូនក្រមុំគេយកទៅដេកផ្ទះសំណាក់នៅខេត្តបាត់ដំបងទៀត ត្រូវកម្លាំងនាយការិយាល័យប្រឆាំងការជួញដូរមនុស្សអាវុធហត្ថខេត្តដឹកនាំកម្លាំងជំនាញ សហការជាមួយកម្លាំងមូលដ្ឋានអាវុធហត្ថស្រុកមោងឫស្សីខេត្តបាត់ដំបង ចុះធ្វើការស្រាវជ្រាវរហូតរកឃើញជនសង្ស័យមកស្នាក់ក្នុងផ្ទះសំណាក់ឈ្មោះម៉ារី ហើយធ្វើការឃាត់ខ្លួនតែម្ដង។
លោក វរសេនីយ៍ត្រី ធឿង វាសនា នាយការិយាល័យប្រឆាំងការជួញដូរមនុស្សអាវុធហត្ថខេត្តបានប្រាប់ឲ្យដឹងថា យោងតាមពាក្យបណ្ដឹងចុះថ្ងៃទី២៩ ខែមករា ឆ្នាំ២២១ របស់ជនរងគ្រោះឈ្មោះ អឿន លឹប ភេទប្រុស អាយុ៤៩ឆ្នាំ រស់នៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ បានប្ដឹងចោទប្រកាន់លើឈ្មោះ ទាយ យេ ភេទប្រុស អាយុ២២ឆ្នាំ រស់នៅភូមិខ្នាចអំពេរ ឃុំព្រែកជីក ស្រុករុក្ខគីរី ខេត្តបាត់ដំបង បាននាំកូនស្រីគាត់ឈ្មោះ ល.ស.ល អាយុ១៦ឆ្នាំ រត់ចេញពីផ្ទះកាលពីថ្ងៃទី២៥ ខែមករា ឆ្នាំ២០២១កន្លងមក។
លោកធឿង វាសនា បានឲ្យដឹងបន្តទៀតថា ក្នុងការឃាត់ខ្លួនជនសង្ស័យរូបនេះបានរកឃើញគ្រឿងញៀនមេតំហ្វេតាមីនទឹកកកចំនួន៤កូនថង់ ស្មើនឹងទម្ងន់១៤.៣៨ក្រាមផងដែរ ហើយបញ្ជូនមកបញ្ជាការដ្ឋានកងរាជអាវុធហត្ថខេត្តដើម្បីចាត់ការតាមនីតិវិធី។
ក្រោយពីកម្លាំងជំនាញសាកសួរជនសង្ស័យបានឆ្លើយសារភាពថា រូបគេមានទំនាក់ទំនងស្នេហាជាមួយក្មួយស្រីជីទួតមួយ ឈ្មោះ ល.ស.ល តាមរយៈលេងតាមឆាតហ្វេសប៊ុក បន្ទាប់មករូបគេក៏មកលេងដល់ផ្ទះជនរងគ្រោះ រហូតដល់មានចិត្តស្រឡាញ់គ្នាបាននាំគ្នារត់ចេញពីផ្ទះទៅស្នាក់នៅផ្ទះសំណាក់ក្នុងស្រុកមង្គលបូរីចំនួន២យប់ ហើយបន្តទៅស្នាក់នៅផ្ទះសំណាក់ម៉ារី ក្នុងស្រុកមោងឫស្សី ខេត្តបាត់ដំបងចំនួន៣យប់ ទើបសមត្ថកិច្ចឃាត់ខ្លួនបានតែម្ដង ចំណែកគ្រឿងញៀនដែលសមត្ថកិច្ចបានដកហូតនោះ ខ្លួនពិតជាបានទិញមកដើម្បីទុកលក់បន្ត និងទុកសម្រាប់ជក់ខ្លួនឯងទៀតផង។ ផ្អែកលើបណ្ដឹងជនរងគ្រោះ និងបានចម្លើយសារភាពរបស់ជនសង្ស័យនិងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់៕
ដោយ ៖ វ៉ាន់ ណាង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)