ឯកឧត្ដម ហ៊ុន ម៉ាណែត ណែនាំឲ្យជ្រើសរើសមន្ត្រីបច្ចេកទេសកសិកម្មឃុំ ឲ្យបានច្បាស់លាស់

ឯកឧត្ដមបណ្ឌិត ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំឲ្យជ្រើសរើស មន្ត្រីបច្ចេកទេសកសិកម្មឃុំឲ្យបានច្បាស់លាស់ ហើយផ្ដល់អាទិភាពទៅលើអ្នកមានមូលដ្ឋានចំណេះដឹងកសិកម្ម ពិសេសនិស្សិតកសិកម្ម តែម្ដង។

ការណែនាំនេះ បានធ្វើឡើងក្នុងពិធីជួបសំណេះសំណាលជាមួយកម្មករ-និយោជិត តាមរោងចក្រ សហគ្រាសចំនួន ១៨.០០០នាក់ នៅតំបន់ព្រៃស្ពឺ ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី ២៩ ខែសីហា ឆ្នាំ ២០២៣នេះ។

ឯកឧត្ដមបណ្ឌិត ហ៊ុន ម៉ាណែត មានប្រសាសន៍ថា គោលនយោបាយសំខាន់ជាអាទិភាពមួយ ក្នុងចំណោមគោលនយោបាយផ្សេងទៀត របស់រាជរដ្ឋាភិបាលអាណត្តិទី ៧ គឺការដាក់ពង្រាយមន្ត្រីបច្ចេកទេសកសិកម្មឃុំ នៅទូទាំងប្រទេស ដើម្បីជួយកិច្ចការងាររបស់កសិករ នៅមូលដ្ឋានតែម្ដង។

ក្នុងនោះដែរ ឯកឧត្ដមបណ្ឌិត ហ៊ុន ម៉ាណែត បានណែនាំឲ្យលោក ឌិត ទីណា រដ្ឋមន្ត្រីក្រសួងកសិកម្ម ត្រូវជ្រើសរើសឲ្យបានច្បាស់លាស់ ចំពោះមន្ត្រីបច្ចេកទេសកសិកម្មឃុំនេះ។

ឯកឧត្ដមបណ្ឌិត ហ៊ុន ម៉ាណែត ណែនាំបែបនេះថា «ហើយខ្ញុំសុំឲ្យធ្វើការជ្រើសរើសឲ្យបានច្បាស់ កុំឲ្យរើសមន្ត្រីកសិកម្ម ប្រយ័ត្នបានមកទៅជាវិស្វករសំណង់ យកអ្នកកសិកម្មឲ្យអាទិភាពទៅលើអ្នកដែលមានមូលដ្ឋានចំណេះដឹងកសិកម្ម និស្សិតកសិកម្មម៉ាគគោកឲ្យអាទិភាពទៅ យើងប្រឡងជ្រើសរើស តែយើងបូកកម្រិតណា ត្រូវរើសឲ្យមានតម្លៃភាព យុត្តិធម៌ អ្នកប្រកួតប្រជែង ព្រោះកំណែទម្រង់មុខងារសាធារណៈ គឺជាអាទិភាពចាំបាច់ដែលយើងត្រូវធ្វើ ខ្ញុំកាន់ជើងគោកខ្ញុកែមុនគេ គឺបុគ្គលិក ទាំងការរើសទ័ព រើសអី»៕