ព័ត៌មានជាតិ
ក្រសួងសុខាភិបាល ពង្រឹងការផ្សព្វផ្សាយផលិតផលឱសថ គ្រឿងសំអាង ផលិតផលចិញ្ចឹមកុមារ
សាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានណែនាំឱ្យពង្រឹងការផ្សព្វផ្សាយផលិតផលឱសថ ចំណីអាហារ បរិក្ខារពេទ្យ និងគ្រឿងសំអាង និងផលិតផលសម្រាប់ចិញ្ចឹមទារក និងកុមារ។ នេះបើតាមការផ្ដល់ព័ត៌មាន ពីក្រសួងសុខាភិបាលនៅថ្ងៃទី១៥ ខែកញ្ញា ឆ្នាំ២០២៣នេះ។
ការណែនាំនេះ ធ្វើឡើងក្នុងពិធីបើកកិច្ចប្រជុំ នៅថ្ងៃទី១៤ ខែកញ្ញា ឆ្នាំ២០២៣នេះ នៅទីស្តីការក្រសួងសុខាភិបាល។ កិច្ចប្រជុំ ធ្វើឡើងដើម្បីពិនិត្យមើលប្រកាសពាក់ព័ន្ធ និងធ្វើបច្ចុប្បន្នភាពរួមគ្នាជា “ប្រកាស ស្តីពីការគ្រប់គ្រងការផ្សព្វផ្សាយផលិតផលឱសថ ចំណីអាហារ បរិក្ខារពេទ្យ គ្រឿងសម្អាង និងផលិតផលសម្រាប់ចិញ្ចឹមទារក និងកុមារ” ក្នុងគោលបំណងទប់ស្កាត់ និងលុបបំបាត់នូវការផ្សព្វផ្សាយផលិតផលឱសថ និងផលិតផលពាក់ព័ន្ធដទៃទៀត ជាពិសេសការផ្សព្វផ្សាយតាមបណ្តាញសង្គម ដោយពុំមានការអនុញ្ញាតពីក្រសួងសុខាភិបាល ដែលធ្វើឱ្យប្រជាជនមានការយល់ច្រលំ។
សាស្រ្តាចារ្យរដ្ឋមន្រ្តីក្រសួងសុខាភិបាល នឹងបន្តជំរុញការចូលរួមអនុវត្តឱ្យទទួលបានជោគជ័យនូវកម្មវិធីគោលនយោបាយអាទិភាពចំនួន៦ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភា ហើយសម្រាប់ការចាប់ផ្តើមអនុវត្តភ្លាមក្នុងឆ្នាំ២០២៣ ក្នុងនោះអាទិភាពទីមួយគឺ “ការពង្រីកសេវាថែទាំសុខភាពឆ្ពោះទៅរកការគ្របដណ្តប់សុខភាពជាសកល”។ ស្របគ្នានេះដែរ សាស្រ្តាចារ្យរដ្ឋមន្រ្តី ក៏បានដាក់ចេញនូវយុទ្ធសាស្ត្រ សំខាន់ៗ ចំនួន៩ ដែលក្នុងនោះសកម្មភាពពង្រឹងការអនុវត្តនិយ័តកម្ម ឱសថ គឺជាការងារចាំបាច់។
គួរបញ្ជាក់ថា កិច្ចប្រជុំខាងលើដឹកនាំដោយ វេជ្ជបណ្ឌិត ម៉ី សំបូរ រដ្ឋលេខាធិការប្រចាំការ សាស្រ្តាចារ្យ ហ៊ុន ចំរើន ទីប្រឹក្សាសម្តេចធិបតីនាយករដ្ឋមន្រ្តី និងជាអគ្គនាយករងមន្ទីរពេទ្យកាល់ម៉ែត ឱសថការី វ៉ា ពុធនាថ រដ្ឋលេខាធិការក្រសួងសុខាភិបាល ព្រមទាំងមានការអញ្ជើញចូលរួមពីថ្នាក់ដឹកនាំ និងមន្ត្រីបច្ចេកទេស នៃនាយកដ្ឋានជំនាញ តំណាងគណៈឱសថការីកម្ពុជា៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត