ACU បណ្តុះបណ្តាលមន្រ្តី ៤០០នាក់ ស្តីអំពីការប្រយុទ្ធប្រឆាំងអំពើពុករលួយ

អង្គភាពប្រឆាំងំពើពុករលួយ (អ.ប.ព) បើកវគ្គបណ្យុះបណ្តាល ច្បាប់ស្តីពីការប្រឆាំងអំពើពុករលួយ និងលិខិតបទដ្ឋានគតិយុត្តនានាពាក់ព័ន្ធការប្រឆាំងអំពើពុករលួយ ដល់បេក្ខជន៤០០រូប ដែលត្រៀមប្រឡង​ក្រមខណ្ឌមន្ត្រីរាជការស៊ីវិល អ.ប.ព ឆ្នាំ២០២៣។ នេះបើតាមការផ្សព្វផ្សាយតាមហ្វេសប៊ុករបស់ អ.ប.ព ថ្ងៃទី១៦ ខែកញ្ញា ឆ្នាំ២០២៣នេះ។

បើតាម អ.ប.ព វគ្គបណ្តុះបណ្តាលនេះ មានរយៈពេល១ថ្ងៃ ដោយធ្វើបទឧទ្ទេសនាមពីលោក ឃាង សេង អនុប្រធាន អ.ប.ព និងលោក កែវ នាថមុនី ប្រធាននាយកដ្ឋានកិច្ចការគតិយុត្ត ពាក្យប្តឹង និងអន្តរជាតិ។

វគ្គបណ្តុះបណ្តាលនេះធ្វើឡើងក្នុងគោលបំណងបញ្រ្ជាបការយល់ដឹង និងស្វែងយល់ពីច្បាប់ស្តីពីការប្រឆាំង​អំពើពុករលួយ លិខិតបទដ្ឋានគតិយុត្តពាក់ព័ន្ធការប្រឆាំងអំពើពុករលួយ និងវាក្យសព្ទគតិយុត្តជាភាសាបរទេស។ បន្ថែមពីនោះក៏មានការបណ្តុះបណ្តាលពីទ្រឹស្តីបច្ចេកទេសក្នុងការប្រើប្រាស់កុំព្យូទ័រសម្រាប់កិច្ចការរដ្ឋបាលដល់បេក្ខជនដែលបានដាក់ពាក្យប្រឡងក្របខណ្ឌ អ.ប.ព ឆ្នាំ២០២៣ផងដែរ៕