Connect with us

ព័ត៌មានជាតិ

អ្នកនាំពាក្យបញ្ជាក់មូលហេតុ ការស្នើសុំគោលការណ៍ពីរាជរដ្ឋាភិបាល ដើម្បីគ្រប់គ្រង និងមានវិធានការចំពោះប្រព័ន្ធផ្សព្វផ្សាយ

បានផុស

នៅ

កាលពីពេលថ្មីៗនេះ រាជរដ្ឋាភិបាល បានឯកភាពជាគោលការណ៍ចំនួន ៣ចំណុច ជូនក្រសួងព័ត៌មាន ដើម្បីគ្រប់គ្រង និងមានវិធានការចំពោះប្រព័ន្ធផ្សព្វផ្សាយ។ បើតាមអ្នកនាំពាក្យក្រសួងព័ត៌មាន ការស្នើសុំគោលការណ៍ ពីរាជរដ្ឋាភិបាលខាងលើនេះ គឺដើម្បីធ្វើបច្ចុប្បន្នភាពអង្គភាពសារព័ត៌មាន និងអ្នកសារ​ព័ត៌មានទាំងអស់។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទេព អស្នារិទ្ធ អ្នកនាំពាក្យក្រសួងព័ត៌មាន មានប្រសាសន៍ប្រាប់កម្ពុជាថ្មីថា ការដែលក្រសួងព័ត៌មាន ស្នើសុំគោលការណ៍ពីរាជរដ្ឋាភិបាល ដើម្បីគ្រប់គ្រង និងមានវិធានការចំពោះប្រព័ន្ធផ្សព្វ​ផ្សាយនោះ គឺព្រោះតែជាភាពចាំបាច់របស់ក្រសួងព័ត៌មាន ក្នុងការធ្វើបច្ចុប្បន្នភាពទៅលើអង្គភាពសារព័ត៌មាន ក៏ដូចជាអ្នកសារព័ត៌មានទាំងអស់។

លោក ទេព អស្នារិទ្ធ បានបន្ថែមថា «ពាក់ព័ន្ធទៅនឹងឯកសារមួយនេះ គឺដោយសារភាពចាំបាច់នៅក្នុងការដែលក្រសួងព័ត៌មានយើង ត្រូវធ្វើបច្ចុប្បន្នភាពទៅលើអង្គភាពសារព័ត៌មាន អ្នកសារព័ត៌មានទាំងអស់ ដើម្បីយើងដឹងអំពីចំនួន ក៏ដូចជាស្ថានភាពប្រតិបត្តិការរបស់អង្គភាពសារព័ត៌មាន អ្នកសារព័ត៌មានយើង ដើម្បីយើងអាចរៀបចំជាផែនការសកម្មភាព ដើម្បីជួយសម្របសម្រួល ក៏ដូចជាផ្ដល់កិច្ចគាំពារសម្រាប់អង្គភាពសារព័ត៌មាន អ្នកសារព័ត៌មាន នៅទូទាំងប្រទេសកម្ពុជា»។

កាលពីថ្ងៃទី ៣០ ខែតុលា ឆ្នាំ ២០២៣ ទីស្ដីការគណៈរដ្ឋមន្ត្រី បានលិខិតមួយដោយជម្រាបជូនលោក លោក នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងកម្មវត្ថុករណីសំណើសុំគោលការណ៍អនុញ្ញាតពីសម្ដេចធិបតី ហ៊ុន ម៉ាណែត នាយករដ្ឋមន្ត្រី ដើម្បីគ្រប់គ្រង និងមានវិធានការចំពោះប្រព័ន្ធផ្សព្វផ្សាយ។

ក្នុងលិខិតនេះ ទីស្ដីការគណៈរដ្ឋមន្ត្រី បានបញ្ជាក់ថា រាជរដ្ឋាភិបាល ឯកភាពជាគោលការណ៍ជូនក្រសួងព័ត៌មាន ដូចជា៖ ១. ណែនាំឲ្យម្ចាស់អង្គភាពអាជីវកម្មប្រព័ន្ធផ្សព្វផ្សាយទាំងអស់ ដែលកំពុងដំណើរការផ្សាយដោយគ្មានអាជ្ញាបណ្ណ ត្រូវមកសុំច្បាប់អនុញ្ញាតប្រកបអាជីវកម្ម ពីក្រសួងព័ត៌មានដោយទុករយៈពេល ៣ខែ។ ផុតរយៈពេលកំណត់ បុគ្គលណាដែលធ្វើអាជីវកម្មប្រព័ន្ធផ្សព្វផ្សាយដោយគ្មានច្បាប់អនុញ្ញាត ត្រូវប្រឈមចំពោះមុខច្បាប់។

២. អង្គភាពប្រព័ន្ធផ្សព្វផ្សាយទាំងអស់ត្រូវគោរព និងអនុវត្តតាមច្បាប់ ស្តីពី របបសារព័ត៌មាន និងក្រមសីលធម៌ វិជ្ជាជីវៈ ដើម្បីពង្រឹងគុណភាពនៃការផ្សព្វផ្សាយ។ ករណីម្ចាស់អង្គភាពប្រព័ន្ធ ផ្សព្វផ្សាយណាបំពានវិជ្ជាជីវៈ មិនព្រមអនុវត្តតាមការណែនាំ ក្រសួងព័ត៌មានត្រូវដកហូតអាជ្ញាបណ្ណបញ្ឈប់ការធ្វើអាជីវកម្មជាស្ថាពរ។

៣. លុបអាជ្ញាបណ្ណអាជីវកម្មប្រព័ន្ធផ្សព្វផ្សាយគ្រប់ប្រភេទ និងសមាគមអ្នកសារព័ត៌មាន ដែលបានចុះ បញ្ជីហើយ មិនដំណើរការក្នុងរយៈពេល ១ឆ្នាំ។ ដោយឡែក សម្រាប់ស្ថានីយទូរទស្សន៍គ្រប់ប្រភេទទុកលទ្ធភាពជូនក្នុងរយៈពេល ៣ឆ្នាំ ដោយសារប្រើទុនវិនិយោគច្រើន និងត្រូវសិក្សា រយៈពេលយូរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ចរាចរណ៍១ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

Sokha Hotels

ព័ត៌មានពេញនិយម