ព័ត៌មានជាតិ
ស្ថានីយប្រព្រឹត្តិកម្មទឹកកខ្វក់ជើងឯកតម្លៃ ២៤លានដុល្លារ ជួយសម្អាតទឹកកខ្វក់មុនបង្ហូរចូលទន្លេ
ជប៉ុន បានផ្តល់ហិរញ្ញប្បទានឥតសំណងក្នុងទំហំទឹកប្រាក់ប្រមាណ ២៤លានដុល្លារ សម្រាប់សាងសង់អាងស្ថានីយប្រព្រឹត្តិកម្មទឹកកខ្វក់ជើងឯក ដើម្បីសម្អាតទឹកកខ្វក់ចេញពីតំបន់កណ្តាល រួចបង្ហូរចូលបឹងជើងឯក មុននឹងបង្ហូរចូលក្នុងទន្លេបាសាក់។ នេះបើតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ នៅក្នុងសម្ពោធដាក់ឱ្យប្រើប្រាស់ “សមិទ្ធផលគម្រោងអភិវឌ្ឍន៍ប្រព័ន្ធបង្ហូរទឹកកង្វក់ក្នុងរាជធានីភ្នំពេញ” ស្ថិតនៅក្នុងសង្កាត់ចាក់អង្រែលើ ខណ្ឌមានជ័យ នាព្រឹកថ្ងៃទី ២៧ ធ្នូនេះ។
លោក ឃួង ស្រេង បានឱ្យដឹងទៀតថា អាងស្ថានីយប្រព្រឹត្តិកម្មទឹកកខ្វក់ជើងឯក បានបើកការដ្ឋានសាងសង់នៅថ្ងៃទី ២២ ខែកុម្ភៈ ឆ្នាំ ២០២២។ លោកបានបន្តថា គម្រោងគម្រោងអភិវឌ្ឍន៍ប្រព័ន្ធបង្ហូរទឹកកង្វក់នេះ ត្រូវបានរាជរដ្ឋាភិបាលកម្ពុជា ជប៉ុន ចុះហត្ថលេខាលើលិខិតប្តូរសារ កាលពីថ្ងៃទី ០៣ខែ តុលា ឆ្នាំ ២០១៩ និងបន្ទាប់មកទីភ្នាក់ងារ JICA បានចុះកិច្ចព្រមព្រៀងហិរញ្ញប្បទានឥតសំណងជាមួយក្រសួងសេដ្ឋកិច្ច នៅថ្ងៃទី ០១ ខែវិច្ឆិកា ឆ្នាំ ២០១៩។
បើតាមលោកអភិបាលរាជធានីភ្នំពេញ ស្ថានីយនេះ អាចមានសមត្ថភាពបូម ៤៦៨ម៉ែត្រគីប ក្នុងមួយម៉ោង។
លោក អ៊ូអិណុ អាត់ស៊ូស៊ី (UENO Atsushi) ឯកអគ្គរាជទូតជប៉ុនប្រចាំកម្ពុជា បានលើកឡើងថា ប្រទេសជប៉ុន បាននិងកំពុងផ្តល់កិច្ចសហប្រតិបត្តិការដល់ប្រទេសកម្ពុជា លើវិស័យជាច្រើន រួមមាន ការបង្រួបបង្រួមសន្តិភាព និងការស្តារប្រទេសឡើងវិញ បន្ទាប់ពីសង្គ្រាមស៊ីវិលបានបញ្ចប់ ការអភិវឌ្ឍលទ្ធិប្រជាធិបតេយ្យ និងការអភិវឌ្ឍធនធានមនុស្សជាដើម។ នៅក្នុងនោះ ការអភិវឌ្ឍហេដ្ឋារចនាសម្ព័ន្ធ ទាក់ទងនឹងវិស័យទឹក ដែលមានសារសំខាន់មិនអាចខ្វះបានសម្រាប់ប្រជាជន និងឧស្សាហកម្ម ដែលជប៉ុនបានយកចិត្តទុកដាក់បំផុត។
លើសពីពីនេះទៀត លោកថា ភាពជោគជ័យដ៏អស្ចារ្យដែលសម្រេចបានលទ្ធផលយ៉ាងធំធេង ក្នុងការផ្គត់ផ្គង់ទឹកនៅក្នុងរាជធានីភ្នំពេញ ត្រូវបានទទួលស្គាល់ថា ភ្នំពេញអច្ឆិរយៈ។
លោក បានសង្កត់ធ្ងន់ថា កិច្ចសហប្រតិបត្តិការនៅក្នុងវិស័យទឹកកខ្វក់នេះ នឹងក្លាយជាអច្ឆិរយៈមួយទៀត រវាងភាពជាដៃគូជប៉ុន និងកម្ពុជា។
ស្ថានីយប្រព្រឹត្តិកម្មទឹកកខ្វក់ជើងឯក ត្រូវបានដាក់ឱ្យដំណើរការជាផ្លូវការនៅថ្ងៃទី ២៧ ខែ ធ្នូ ឆ្នាំ ២០២៣នេះ ក្រោមអធិបតីភាពសម្តេច ហ៊ុន ម៉ាណែត នាយករដ្ឋមន្រ្តីកម្ពុជា៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង