ព័ត៌មានជាតិ
រដ្ឋមន្ត្រីអធិការកិច្ច ថា ក្រសួងកំពុងធ្វើច្បាប់ ដែលបម្រើឱ្យវិស័យអធិការកិច្ចកាន់តែមានប្រសិទ្ធភាព
លោក ហួត ហាក់ រដ្ឋមន្ត្រីក្រសួងអធិការកិច្ច បានដាក់ចេញនូវផែនការសកម្មភាពសំខាន់ៗចំនួន៤ ដែលក្នុងនោះ ការកសាងលិខិតបទដ្ឋានគតិយុត្តពាក់ព័ន្ធនឹងវិស័យអធិការកិច្ចនេះ គឺជាផែនការបាច់ចាំ ដើម្បីជាត្រីវិស័យក្នុងការបម្រើឱ្យបេសកកម្មរបស់ក្រសួងកាន់តែមានប្រសិទ្ធភាព។
![](https://www.kampucheathmey.com/wp-content/uploads/2024/01/image-246-1024x451.png)
នៅក្នុងវេទិកាពិភាក្សាមួយ ក្រោមប្រធានបទ «អធិការកិច្ចក្នុងបរិបទកំណែទម្រង់ ដែលរៀបចំឡើងដោយក្លិបអ្នកកាសែតកម្ពុជា នាថ្ងៃទី៤ ខែមករា ឆ្នាំ២០២៤នេះ លោក ហួត ហាក់ បានថ្លែងថា ក្រោយការចូលកាន់តំណែងជារដ្ឋមន្ត្រីក្រសួងអធិការកិច្ច លោកបានដាក់ចេញផែនការសកម្មភាពចំនួន៤ ក្នុងការដឹកនាំក្រសួងអធិការកិច្ច នាអាណត្តិថ្មីនេះ។ បើតាមការឱ្យដឹងពីលោករដ្ឋមន្ត្រី ហួត ហាក់ ផែនការសកម្មភាពចំនួន៤នេះ រួមមាន៖ ទី១) ការពង្រឹងសមត្ថភាពស្ថាប័ន ទី២) ការកសាង និងអភិវឌ្ឍន៍ធនធានមនុស្សរបស់ក្រសួង ឱ្យក្លាយជាមូលធនមនុស្ស ទី៣) កសាងច្បាប់ និងលិខិតបទដ្ឋាន គតិយុត្តនានាពាក់ព័ន្ធនឹងវិស័យអធិការកិច្ច និងទី៤) ការកសាង និងថែរក្សាបរិយាកាសសុខដុមនីយកម្មក្រសួង។
![](https://www.kampucheathmey.com/wp-content/uploads/2024/01/image-247-1024x683.png)
ជុំវិញផែនការសកម្មភាពទី៣ គឺការកសាងលិខិតបទដ្ឋានគតិយុត្តនានាពាក់ព័ន្ធនឹងវិស័យអធិការកិច្ច ត្រូវបានលោករដ្ឋមន្ត្រី គូសបញ្ជាក់ថា ក្រសួងអធិការកិច្ច បាននិងកំពុងកសាងសេចក្ដីព្រាងច្បាប់ស្ដីពីអធិការកិច្ច ហើយនឹងបន្តកសាងសេចក្ដីព្រាងច្បាប់ ក៏ដូចជាអនុក្រឹត្យមួយចំនួនថែមទៀត សំដៅបម្រើឱ្យបេសកកម្មរបស់ក្រសួងដែលរាជរដ្ឋាភិបាលបានប្រគល់ឱ្យ។ ចំពោះការកសាង និងថែរក្សាបរិយាកាសសុខដុមនីយកម្មនៅក្នុងក្រសួង គឺលោក ចង់សំដៅសុខដុមរមនីយកម្មទាំងថ្នាក់ដឹកនាំ ទាំងមន្ត្រីរាជការ និងទាំងនៅថ្នាក់ជាតិ ថ្នាក់ក្រោមជាតិ តាមរយៈថែរក្សាឱ្យបានសមិទ្ធផលដែលមានស្រាប់ និងបន្តខិតខំពង្រីកបង្កើនសមិទ្ធផលថ្មីៗថែមទៀតជូនក្រសួង ក៏ដូចជារាជរដ្ឋាភិបាល។
លោករដ្ឋមន្ត្រី សង្កត់ធ្ងន់ថា ថ្នាក់ដឹកនាំ មន្ត្រីរាជការគ្រប់ជាន់ថ្នាក់ នៃក្រសួងអធិការកិច្ច បានប្ដេជ្ញាអនុវត្តឱ្យបានម៉ឺងម៉ាត់នូវបេសកកម្មការងារ ដែលរាជរដ្ឋាភិបាលប្រគល់ឱ្យ ហើយតាមរយៈផែនការទាំងនេះ គឺជាដាវអាជ្ញាសឹករបស់ក្រសួងក្នុងការអនុវត្ដការងារឱ្យបានម៉ឺងម៉ាត់បេសកកម្មការងារដែលរាជរដ្ឋាភិបាលប្រគល់ឱ្យ ស្របតាមច្បាប់កំណត់ធរមាន៕
![](https://www.kampucheathmey.com/wp-content/uploads/2024/01/image-248-edited.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម១៩ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់