ព័ត៌មានជាតិ
សម្តេចតេជោ បញ្ជាឲ្យវាយខ្នោះប៉ូលិសសក្តិ៤ម្នាក់ នៅច្រកឡែម បើរកឃើញកំហុសដោះលែងមេខ្យល់
សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញបញ្ជាដាច់ណាត់ ឲ្យវាយខ្នោះលោកប៉ូលិសស័ក្តិ៤ម្នាក់នៅច្រកឡែម ប្រសិនបើរកឃើញថា លោកស័ក៤ នោះ បានដោះលែងមេខ្យល់នាំពលករខុសច្បាប់ ចេញចូលប្រទេសថៃ និងគេចចេញពីការធ្វើចត្តាឡីស័ករបស់សមត្ថកិច្ចនៅតាមព្រំដែន។
ការចេញបញ្ជារបស់ប្រមុខរាជរដ្ឋាភិបាលនេះ បានធ្វើឡើងតាមរយៈសារជាសំឡេងដែលត្រូវបានផ្សព្វផ្សាយតាមប្រព័ន្ធ តេឡេក្រាម នាព្រឹកថ្ងៃទី១៥ ខែកុម្ភៈ ឆ្នាំ២០២១ នេះ។
សម្តេចតេជោ បានបញ្ជាក់ថា សម្តេចបានទទួលរបាយការណ៍ជាច្រើនអំពីការចេញ ចូលរបស់ពលករនៅច្រកឡែម ដោយ មានការសហការគ្នារ ហើយសម្ដេច ក៏ទទួលបានឯកសារខ្លះអំពីការស្រាវជ្រាវលើករណីនេះ ដែលលោកស័ក្តិ៤ម្នាក់ បានដោះលែងមេខ្យល់ នាំពលករខ្មែរចេញពីប្រទេសថៃ ក្រោយពីទាហានចាប់បាន។
សម្តេចបញ្ជាក់ថា ត្រូវធ្វើការស្រាវ ជ្រាវជាបន្ទាន់លើករណីនេះ។ ចាប់បានមេខ្យល់ហើយ បែរមិនព្រមផ្ដន្ទាទោសខណៈដែលទាហានជាអ្នកចាប់ ហើយប៉ូលីសអ្នកដោះលេង។
សម្ដេចតេជោបានបញ្ជាក់យ៉ាងដូច្នេះថា “បើសិនរឿងនេះជារឿងពិត ត្រូវតែដាក់វិន័យ ឬផ្ដន្ទាទោសអាមេប៉ូលីសនេះតែម្ដង អាហ្នឹងសុំធ្វើសុំឲ្យធ្វើការស្រាវជ្រាវ ក្រ សួងមហាផ្ទៃ អគ្គនគរបាលជាតិ សហការគ្នាជាមួយខេត្ត ចុះធ្វើការស្រាវជ្រាវឲ្យខ្ញុំ ហើយរាយការណ៍មកឲ្យខ្ញុំវិញ។ ឯកឧត្តម នេត សាវឿន ឯកឧត្តម ងួន រតនៈ ធ្វើការស្រាវជ្រាវករណីនេះ នៅមាត់ច្រកឡែម”។
សម្ដេចតេជោ ហ៊ុន សែន បន្តថា”កុំសួរថាឯកសានេះបានមកពីណា ខ្ញុំធ្វើមេដឹកនាំមិនមែនចេះតែល្ងង់នោះទេ ឥឡូវសុំធ្វើ ការស្រាវជ្រាវឲ្យខ្ញុំ ហើយខ្ញុំបញ្ចូលទៅក្នុងគ្រុបតែម្ដង ដើម្បីឲ្យឃើញទាំងអស់គ្នាតែម្ដងអំពីរូបភាព ដាក់ទាំងមេខ្យល់ ដាក់ទាំងស្អី ហើយមានរូបភាពទាក់ទិនជា មួយនឹងការដោះលែង ខាងទាហានអ្នកចាប់ ខាងប៉ូលីសអ្នកដោះលែង”។
សម្តេចបញ្ជាក់ថា ប្រសិនបើរឿងនេះពិត គឺត្រូវតែវាយខ្នោះតែម្តងទៅដើម្បីយកជាគំរូ កុំឲ្យករណីមេខ្យល់ចេះតែកើតឡើងដដែលៗ។
សម្តេចតេជោ លើកឡើបញ្ជាក់ថា “ករណីនេះគឺត្រូវតែដាច់ខាតតែម្តង ពីព្រោះរឿងនេះ ខ្ញុំត្រូវតែធ្វើការស្រាវជ្រាវហើយ ហើយឯកឧត្តម វង្ស ពិសេន ហ៊ុន ម៉ាណែត ធ្វើកិច្ចការងារនេះ ពង្រឹងសមត្ថភាពកងទ័ព ហើយប្រសិនបើប៉ូលិសដោះលែង កងទ័ពត្រូវតែចាប់មកវិញភ្លាម មើលលេងឲ្យណាណីទៅមើល កងទ័ពត្រូវចាប់មកឲ្យប៉ូលីស ប៉ូលិសដោះលែង យើងចាប់មកវិញទៀតមើល ហើយបញ្ជូនមកឲ្យខាងលើ លេងអីចឹងម្ដងមើល ទាំងអាវុធហត្ថ”។
សម្តេចតេជោ ហ៊ុន សែន ក៏បង្គាប់ឲ្យ លោក វង្ស ពិសេន អគ្គមេបញ្ជាការនៃកងយុទ្ធពលខេមរភូមិន្ទ លោក ហ៊ុន ម៉ាណែត អគ្គមេបញ្ជាការរង និងជាមេបញ្ជាការ កងទ័ពជើងគោក នៃកងយោធពលខេមរភូមិន្ទ លោក សៅ សុខា ត្រូវពង្រឹងកងទ័ព ដើម្បីអនុវត្តវត្តវិធានការទាំងឡាយ ហើយមើលមេប៉ូលិស ដែលពុករលួយនោះ នេត សាវឿន មើលឱ្យច្បាស់ អាហ្នឹងតាមបណ្ដាច្រក។
សម្តេចតេជោ ក៏បង្គាប់ឲ្យ អភិបាលខេត្តទាំងឡាយត្រូវទទួល ខុសត្រូវចំពោះមុខនាយករដ្ឋមន្ត្រី ហើយថារឿងនេះ មិនបានទេ គ្រោះថ្នាក់ វាជាឯកសារមួយច្បាស់ ហើយមានរូបថត ហើយមានថ្ងៃខែលើរូបថតទៀត អំពីការដែលចាប់បានមេរត់ពន្ធនាំមនុស្សឆ្លងដែន ហើយបែរជាដោះលែងត្រឡប់ទៅវិញ នេះគឺមានភស្តុតាងនៅក្នុងហ្នឹង៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង