Connect with us

ព័ត៌មានជាតិ

​កសិករមួយចំនួន​នៅខេត្តត្បូងឃ្មុំ ​ពង្រីករបរចិញ្ចឹមជ្រូកព្រៃ​

បានផុស

នៅ

បន្ទាប់ពីរបរចិញ្ចឹមមាន់ កសិករភូមិត្រពាំងសង្កែ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ បានពង្រីក​ការ​ចិញ្ចឹមជ្រូកព្រៃបន្ថែមទៀត ព្រោះការចិញ្ចឹមជ្រូកព្រៃស្រួលចិញ្ចឹមជាងជ្រូកស្រុក ដោយវាស៊ី​ចំណីមិនរើស ធន់នឹងអាកាសធាតុ ការបន្តពូជតាមបែបធម្មជាតិតែម្តង និងងាយស្រួលលក់ ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​អ្នកស្រី ពុត សុខជា អាយុ៣៨ឆ្នាំ រស់នៅភូមិត្រពាំងសង្កែ ឃុំស្រឡប់ ខេត្តត្បូងឃ្មុំ បានឱ្យដឹងថា បន្ទាប់ពីមុខរបរចិញ្ចឹមមាន់ដ៏មមាញឹក គ្រួសារគាត់បានជ្រើសរើសការចិញ្ចឹមជ្រូកព្រៃបន្ថែមទៀត ដើម្បីបន្ថែមចំណូលសេដ្ឋកិច្ចគ្រួសារឲ្យបានប្រសើរឡើង។

​ជ្រូកព្រៃពូជយកមកពីខេត្តរតនគីរី អាចចិញ្ចឹមផ្សំក្នុងស្រុកបាន សព្វថ្ងៃមានចំនួន៤០ក្បាល ក្រៅពីនោះជ្រូកសាច់ទាំងអស់។ អ្នកស្រី ពុត សុខជា ប្រាប់ថា ជ្រូកព្រៃវាស៊ីមិនរើសទេ ស៊ីតាមបែបធម្មជាតិ ស្លឹកឈើ ស្មៅ មើមដំឡូង កន្ទក់ បាយ ជាដើម។

តម្លៃកូនជ្រូកមួយក្បាលអាចបាន ៣៥ ម៉ឺន ទៅ ៤០ ម៉ឺនរៀល ខណៈគេពេញនិយមទទួលទាន ព្រោះជ្រូកព្រៃសម្បូរសាច់គ្មានខ្លាញ់ទេ ស្បែកក្រាស អាចយកទៅខ្វៃ ដុត អាំង ឆា។ លោកស្រីប្រាប់ថា ក្នុងរយៈពេល ១ឆ្នាំអាចលក់បាន ៣ ដង ទទួលបានប្រាក់ចំណូលសមរម្យ។

​លោក ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបានឲ្យដឹងថា នៅក្នុងខេត្ត​ត្បូងឃ្មុំ កសិករចិញ្ចឹមជ្រូកព្រៃមានចំនួន ៣ ន្លែង ក្នុងស្រុកត្បូងឃ្មុំមាន២កន្លែង និងស្រុកអូររាំងឪ​១កន្លែង សរុបជ្រូកទាំងអស់មានចំនួន​៥០០​ក្បាល៕

អត្ថបទ៖ សាន វីឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម