Connect with us

ព័ត៌មានជាតិ

កសិករ​ខេត្ត​បាត់ដំបង​​ធ្វើ​ស្រូវ​ប្រាំង​ទិន្នផលមធ្យម​​បានជាង ៤ តោន ខណៈតម្លៃ​ទីផ្សារល្អជាង​ឆ្នាំមុន

បានផុស

នៅ

បើទោះបីនៅឆ្នាំនេះមានតំបន់ខ្លះប្រឈមការ​ខ្វះទឹកស្រោចស្របលើដំណាំស្រូវប្រាំងដែលប្រជាកសិករសម្រុកដាំលើសផែនការ ក៏មិនអាចរាំងស្ទះដល់ការប្រមូលផលរបស់ប្រជាកសិករក្នុងខេត្តបាត់ដំបងនោះទេ ខណៈ​​ទីផ្សារតម្លៃ​ក៏​បានល្អ។

ប្រជាកសិករបាននាំគ្នាលើកឡើងប្រហាក់ប្រហែលគ្នាថា វិស័យកសិកម្មឆ្នាំនេះហាក់មានសន្ទុះ​ល្អ​ប្រសើរ​ បើ​ទោះបីមានការប្រឈមការខ្វះទឹកស្រោចស្រប ក៏មន្ត្រីជំនាញនាំគ្នាដុតដៃដុតជើងជួយឲ្យពួកគាត់ទទួលផលតាមការរំពឹងទុកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំអាត ជាកសិករក្នុងស្រុកបាណន់ខេត្ត​បាត់ដំបង​បានឲ្យដឹងថា លោកបានធ្វើស្រែប្រាំង ២ ហិកតា។ លោកប្រមូល​ផលបាន ១ ហិកតាជិត ៥ តោន និង ១ ហិកតាទៀតបាន ៤ តោនជាង ហើយការ​ដាំដុះមិនមានការខូចខាតទេ ដោយសារ​តែ​ជួយ​សង្គ្រោះទាន់ពេល។

ចំណែកកសិករឈ្មោះ ស៊ុន ដៀប ដែលមានស្រែនៅជិតគ្នានោះ​ ក៏បានសម្តែង​ក្តីរីករាយក្នុងការប្រមូលផលដែរដោយលោកធ្វើបានលើផ្ទៃដី ៥ ហិកតាលើទីតាំងផ្សេងៗគ្នា មិនមានការខូចខាតនោះទេ គឺបានផលល្អទាំង ៥ ហិកតា។

លោកបន្តថា “ឆ្នាំនេះបំណុលគេ ដែលខ្ញុំខ្ចីយកមកធ្វើស្រែបានសងអស់ ហើយក៏បានដល់គ្រាន់បើដែរដើម្បីទ្រទ្រង់ជីវភាពគ្រួសារ”។

លោក ហេង សិទ្ធ មន្ត្រីកសិកម្មខេត្តលើកឡើងថា ខេត្តបាត់ដំបងកសិករប្រមូលផលបានច្រើនតាមការរំពឹងទុក បើទោះបីមាន​ការប្រឈមទឹកស្រោចស្រពខ្លះលើតំបន់មួយចំនួនក៏កំណើនទិន្នផលមិនធ្លាក់ចុះនោះដែរ។

លោកបន្តថា សម្រាប់ទិន្នផលគិតជាមធ្យម ស្រូវប្រាំងបាន ៤,៥០ តោន ក្នុង ១ ហិកតា តែនៅតំបន់ខ្លះទទួលបានទិន្នផលជាង ៥ តោនក្នុង១ហិកតា។

បើយោងតាមរបាយការណ៍ ស្តីពីល្បឿនការងារប្រមូលផលស្រូវរដូវប្រាំង ឆ្នាំ២០២៣-២០២៤ពីមន្ទីរកសិកម្មខេត្ត ដែលកម្ពុជាថ្មី ទទួលបាននៅរសៀលថ្ងៃទី២៧ ខែមករានេះ បានបង្ហាញឲ្យដឹងថា ស្រូវស្រាលរដូវប្រាំងមានផ្ទៃដីអនុវត្ត ៦៤.៥៥៤ ហិកតា និងផ្ទៃដីប្រមូលផលក៏មាន ៦៤.៥៥៤ ហិកតា។ បើធៀបឆ្នាំមុន មានចំនួន ២៨,២៤៣ ហិកតា ស្មើនិង ៤៣,៧៥%។

ដោយឡែក តម្លៃទីផ្សារឆ្នាំនេះគិតចាប់ពីថ្ងៃទី ២២ ខែមករា ឆ្នាំ២០២៤ រហូតដល់ ថ្ងៃទី០៨ ខែកុម្ភ: ឆ្នាំ២០២៤ ស្រូវសែនក្រអូប (សើម) តម្លៃ ១,៣៩០រៀល ក្នុង១គីឡូក្រាម និង ស្រូវស្រងែ-OM (5154)​ ចន្លោះពី ១,១៧០-១,២៧០​រៀល ក្នុង១គីឡូក្រាម៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៦ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម