Connect with us

ព័ត៌មានជាតិ

ក្រុមហ៊ុនចំនួនពីរគ្រោងបោះ​ទុន​វិនិយោគ​ជាង ៤ ០០០ លានដុល្លារនៅ​កម្ពុជា

បានផុស

នៅ

ក្រុមហ៊ុនចំនួនពីរគ្រោងនឹងមកបណ្តាក់ទុន​វិនិយោគនៅកម្ពុជា ដែលមានទំហំ​ទឹកប្រាក់ប្រមាណជាង ៤ ០០០ លានដុល្លារអាមេរិក។ នេះ​បើ​តាមការ​បង្ហើប​ពី​​​លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៏កម្ពុជា។

ថ្លែង​នៅ​ក្នុងកិច្ចប្រជុំផ្សព្វផ្សាយ “សេចក្ដីសម្រេចរបស់រាជរដ្ធាភិបាលស្ដីពីការចាត់តាំងសមាសភាពក្រុមការងាររាជរដ្ឋាភិបាល​​ចុះមូលដា្ឋនរាជធានីភ្នំពេញនៅសាលមហោស្រពចេនឡានៅ​ព្រឹកមិញនេះ លោក ស៊ុន ចាន់ថុល ​បាន​គូស​បញ្ជាក់ថា ការជឿទុកចិត្តពីបរទេសបានធ្វើឲ្យកម្ពុជាទាក់ទាញការវិនិយោគបានយ៉ាងច្រើន ដោយថ្មីៗនេះមានក្រុមហ៊ុនចំនួនពីរគ្រោងនឹងមកវិនិយោគនៅកម្ពុជា ដែលមានទំហំ​ទុន​វិនិយោគ​ប្រមាណ ៤០០០ លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ទាក់ទងគម្រោង​​វិនិយោគតម្លៃ​រាប់ពាន់លាន​ដុល្លារ​នេះ​​ លោក​ ស៊ុន ចាន់ថុល មិន​បានផ្តល់ព័ត៌មាន​បន្ថែមជុំវិញ​ការ​វិនិយោគ​នេះ​ទេ។​

បើ​តាម​លោកឧបនាយករដ្ឋមន្រ្តី​ ការទាក់ទាញ​បាន​ការ​វិនិយោពី​បរទេស​​មក​បើ​កក្រុមហ៊ុន​រកស៊ី ទាល់តែ​ប្រទេស​ជាតិ​មាន​សន្តិសុខ​និង​សុវត្ថិភាព។ លោកឧបនាយករដ្ឋមន្រ្តី​ក៏​ក្រើន​រំលឹក​ដល់​អាជ្ញាធល​មូលដ្ឋាន​បន្តការអនុវត្តគោលនយោបាយ ភូមិសង្កាត់ឱ្យមានសុវត្ថិភាព។

ជាមួយ​គ្នានេះ លោកបានណែនាំ​ឲ្យអាជ្ញាធរមូលដ្ឋានជួយ​ផ្សព្វផ្សាយដល់​ប្រជាពលរដ្ឋ​ក្រីក្រ​ទៅ​សិក្សា​ជំនាញវិជ្ជាជីវៈតាម​គោលនយោបាយ​រាជរដ្ឋាភិបាល ជំរុញ​ការ​បណ្ដុះបណ្ដាលជំនាញវិជ្ជាជីវៈដល់ពលរដ្ឋ​ក្រីក្រ​និង​មានជីវភាព​ខ្វះខាត​​ឲ្យ​បាន​ ១ លាន ៥ សែននាក់ ដោយមិនយកប្រាក់​ ដើម្បីអាចយកចំណេះវិជ្ជាទៅប្រើប្រាស់ជា​ប្រយោជន៍ខ្លួនឯងផង គ្រួសារផង ក៏ដូចជាសង្គមជាតិ។ លោក​លើក​ឡើង​ថា បើកម្ពុជាមិនមានធនធានមនុស្សគ្រប់គ្រាន់ ការវិនិយោគក៏មានការពិបាកផ​ងដែរ​។

យោង​តាម​សេចក្ដីសម្រេចរបស់រាជរដ្ធាភិបាលស្ដីពីការចាត់តាំងសមាសភាពក្រុមការងាររាជរដ្ឋាភិបាល​​ចុះមូលដា្ឋនរាជធានីភ្នំពេញបានចាត់តាំងក្រុមការងាររាជរដ្ឋាភិបាលចុះមូលដ្ឋានខណ្ឌទាំង១៤ ក្នុងរាជធានីភ្នំពេញ ដែលក្នុងនោះរួមមាន៖

ទី១ ខណ្ឌចំការមន លោកហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈជាប្រធាន។
ទី២ ខណ្ឌដូនពេញ លោកឆៃ ណារិទ្ធ ទេសរដ្ឋមន្ត្រី ទទួលបន្ទុកបេសកម្មពិសេស ជាប្រធាន។
ទី៣ ខណ្ឌ៧មករា លោកឈា ប៊ុនរិទ្ធ រដ្ឋលេខាធិការប្រចាំការក្រសួងធនធានទឹកនិងឧត្តុនិយម ជាប្រធាន។
ទី៤ ខណ្ឌទួលគោក លោក ឱម យ៉ិនទៀង ទេសរដ្ឋមន្ត្រី ទទួលបន្ទុកបេសកម្មពិសេស ជាប្រធាន។
ទី៥ ខណ្ឌដង្កោ លោករ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ ជាប្រធាន។
ទី៦ ខណ្ឌមានជ័យ លោក ជា វុទ្ធី អគ្គលេខាធិការ គ.វ.ក នៃ ក.អ.ក ជាប្រធាន។
ទី៧ ខណ្ឌឬស្សីកែវ លោក យឹក លាង អគ្គស្នងការរងនគរបាលជាតិនៃក្រសួងមហាផ្ទៃ ជាប្រធាន។
ទី៨ ខណ្ឌសែន សុខ លោកឈាង រ៉ា រដ្ឋមន្ត្រីក្រសួងសុខាភិបាល ជាប្រធាន។
ទី៩ ខណ្ឌ ពោធិសែនជ័យ លោកហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈជាប្រធាន។
ទី១០ ខណ្ឌជ្រោយចង្វា លោកឯក ស៊ុនចាន់ រដ្ឋមន្ត្រីប្រតិភូអមនាយករដ្ឋមន្ត្រី ជាប្រធាន។
ទី១១ ខណ្ឌ ព្រែកព្នៅ លោកឃួង ស្រេង អភិបាលនៃគណៈអភិបាលរាជធានីភ្នំពេញ ជាប្រធាន។
ទី១២ ខណ្ឌច្បារអំពៅ លោកសុក ស៊ីផាន់ណា ទេសរដ្ឋមន្ត្រីទទួលបន្ទុកបេសកម្មពិសេស ជាប្រធាន។
ទី១៣ ខណ្ឌបឹងកេងកង លោកសំហេង បុរស រដ្ឋមន្ត្រីប្រតិភូអមនាយករដ្ឋមន្ត្រី ជាប្រធាន។
ទី១៤ ខណ្ឌកំបូល លោកស្រី អុឹង កន្ថាផាវី រដ្ឋមន្ត្រីក្រសួងកិច្ចការនារី ជាប្រធាន។

រដ្ឋលេខាធិការដ្ឋាន លោកកើត ឆែ អភិបាលរងរាជធានីភ្នំពេញជាប្រធាន៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៥ វិនាទី មុន

ក្រុមហ៊ុនចំនួនពីរគ្រោងបោះ​ទុន​វិនិយោគ​ជាង ៤ ០០០ លានដុល្លារនៅ​កម្ពុជា

ព័ត៌មានជាតិ៣ នាទី មុន

សម្ដេច ឃួន សុដារី ៖ សន្តិភាព ធ្វើឱ្យ កម្ពុជា អភិវឌ្ឍន៍ និង​ប្រើប្រាស់​គ្រប់សក្ដានុពល ដើម្បីការរីកចម្រើនរបស់សង្គមជាតិ

ព័ត៌មានជាតិ៣៣ នាទី មុន

ក្រសួងការបរទេសកម្ពុជា-បែលហ្ស៊ិក បានរៀបចំកិច្ចពិគ្រោះយោបល់ទ្វេភាគី សំដៅជំរុញកិច្ចសហប្រតិបត្តិការ

ព័ត៌មានជាតិ៣៩ នាទី មុន

រដ្ឋ នឹងបញ្ចប់ការប៉ុនប៉ងធ្វើបដិវត្តន៍ដីធ្លី តាមរយៈការប្រើមនុស្ស វាស់វែង និងចេញបណ្ណកម្មសិទ្ធិជូនពលរដ្ឋ

KPT+៤១ នាទី មុន

មកដឹងសុភាសិត ចិន ក្នុងទស្សនៈរៀនសូត្រពីជីវិតសង្គមទូទៅ

សន្តិសុខសង្គម៧ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

Sokha Hotels

ព័ត៌មានពេញនិយម