ព័ត៌មានជាតិ
ក្រសួងកសិកម្មគ្មានវិធានការលុបបំបាត់ របាំងសាច់អួនរាងសញ្ញាព្រួញ ខណៈជាឧបករណ៍ស្របច្បាប់
មន្ត្រីជាន់ខ្ពស់ នៃក្រសួងកសិកម្មរុក្ខាប្រមាញ់ និងនេសាទ បានបញ្ជាក់ថា ក្រសួងកសិកម្មមិនមានវិធានការណាមួយក្នុងការលុបបំបាត់ របាំងសាច់អួនដែលមានរាងសញ្ញាព្រួញចោលនោះទេ ខណៈឧបករណ៍នេះ គឺជាឧបករណ៍ស្របច្បាប់។
លោក ពុំ សុថា ប្រធានរដ្ឋបាលជលផល បានបញ្ជាក់នៅក្នុងសន្និសីទសារព័ត៌មានកាលពីរសៀលថ្ងៃទី ២៨ ខែកុម្ភៈនេះថា ឧបករណ៍រាងសញ្ញាព្រួញនេះ មានតាំងពីបុរាណកាលមក ប៉ុន្តែពីមុនមានមិនច្រើនដោយសារមានឡូតិ៍នេសាទ តាំងពីរដ្ឋាភិបាលរំសាយឡូតិ៍នេសាទ ចាប់ពីឆ្នាំ ២០១០ ប្រជានេសាទបង្កើតជាសហគមន៍ឧបករណ៍ប្រភេទនេះ កើនឡើង។
![](https://www.kampucheathmey.com/wp-content/uploads/2024/02/photo_2024-02-29_10-00-50-1024x765.jpg)
លោក ពុំ សុថា៖ «មិនអាចទេ យកឧបករណ៍ហ្នឹងចេញពីបឹងទន្លេសាប គ្រាន់តែកាត់បន្ថយប្រវែង និងក្រឡាញឹក គឺត្រីនៅសល់ដូចរាល់ឆ្នាំ»។
លោក ឃឹម ហ្វីណង់ អ្នកនាំពាក្យក្រសួងកសិកម្ម មានប្រសាសន៍ថា ប្រជាសហគមន៍ ១៨ ម៉ឺននាក់ នៅជុំវិញបឹងទន្លសាបពឹងផ្អែកដោយផ្ទាល់លើរបរនេសាទ។
លោកថា រឿងសំខាន់បំផុត គឺជីវភាពរបស់ប្រជាពលរដ្ឋ ពួកគាត់រស់នៅជុំវិញបឹងទន្លេសាបមួយជីវិតរបស់ពួកគាត់ទៅហើយ ខណៈពួកគាត់មិនមានដីស្រែចម្ការនោះទេ ដូច្នេះរាល់ដំណោះស្រាយយើងត្រូវគិតអំពីបញ្ហាក្រពះរបស់បងប្អូនប្រជានេសាទ។
![](https://www.kampucheathmey.com/wp-content/uploads/2024/02/428711674_952868342871696_4572207709285928185_n.jpg)
លោកថា ក្រុមការងារមានតែជួយសម្រួល ដោយមិនមានគម្រោងណាមួយដកហូតឱ្យផុតពីការប្រើប្រាស់ហើយដាក់វាឱ្យខុសច្បាប់នោះទេ ប៉ុន្តែលោកបញ្ជាក់ថា ឧបករណ៍នេះ អាចប្រែជាខុសច្បាប់បានលុះត្រែតែ គាត់ប្ដូរមកប្រើក្រឡាញឹក និងប្រវែងលើស ២៥០ ម៉ែត្រ។
លោក ឃឹម ហ្វីណង់ ឱ្យសារធារណជនថ្លឹងថ្លែង ខណៈពលរដ្ឋមួយចំនួន ដែលរស់នៅជុំវិញបឹងទន្លេសាបអាចរកចំណូលបានត្រឹមតែ ៦ ម៉ឺន ទៅ ៧ ម៉ឺនរៀល ក្នុងមួយថ្ងៃៗ ហើយមានថ្ងៃខ្លះក៏មិនបានដែរ។
![](https://www.kampucheathmey.com/wp-content/uploads/2024/02/18-new-kpt-1024x614.jpg)
ចំពោះការរិះគន់លើបណ្ដាញសង្គមនៅចំណុចកន្លុកបាយក្អែក ឃុំសណ្ដាយ លោកថា មិនមានហានិភ័យទេ ព្រោះតំបន់នេះ មិនមែនជាច្រកត្រីដើរ ខណៈពលរដ្ឋរកត្រីបានត្រឹមចិញ្ចឹមក្រពះប៉ុណ្ណោះ មិនមានទ្រង់ទ្រាយអាជីវកម្មនោះឡើយ។
ឧបករណ៍នេសាទរបាំងសាច់អួនប្រភេទនេះ នៅតំបន់បឹងទន្លេសាប មានចំនួន ៣.៥០០ នៅទូទាំងផ្ទៃបឹងទន្លេសាប៕
![](https://www.kampucheathmey.com/wp-content/uploads/2024/02/Sequence-553.00_03_45_21.Still001-1-1024x576.png)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ