ព័ត៌មានជាតិ

រដ្ឋមន្ត្រីព័ត៌មាន ជំរុញដល់អ្នកមានសមាជិកក្នុងបន្ទុកគ្រួសារចុះឈ្មោះជាសមាជិក ប.ស.ស ដើម្បីទទួលរបបសន្តិសុខសង្គម

បានផុស

២ years មុន

នៅ

ថ្ងៃព្រហស្បតិ៍ ១៤ មីនា ២០២៤

ដោយ

លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានជំរុញដល់អ្នកដែលមានសមាជិកក្នុងបន្ទុកគ្រួសារ ឱ្យចុះឈ្មោះជាសមាជិក ប.ស.ស ដើម្បីទទួលបានអត្ថប្រយោជន៍របបសន្តិសុខសង្គមមានចែងក្នុងលិខិតបទដ្ឋានគតិយុត្តិជាធរមាន ស្របតាមយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជំរុញនេះបានធ្វើឡើងកាលពីរសៀលថ្ងៃទី ១៣ ខែមីនា ឆ្នាំ ២០២៤ ក្នុងឱកាសផ្សព្វផ្សាយអំពីអត្ថប្រយោជន៍របបសន្តិសុខសង្គម ជូនថ្នាក់ដឹកនាំ និងមន្ត្រីរាជការក្រោមឱវាទក្រសួងព័ត៌មាន។

ចំណែកលោក គួច សុមាន រដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់មន្ត្រីរាជការក្រោមឱវាទក្រសួងព័ត៌មានទាំងអស់ សូមពន្លឿននាំសហព័ទ្ធដែលជាប្ដី ឬ ប្រពន្ធ និងកូនៗ ក្នុងបន្ទុករបស់ខ្លួន អញ្ជើញមកចុះឈ្មោះធ្វើបណ្ណសមាជិក ប.ស.ស នៅគ្រប់សាខា ប.ស.ស ដែលនៅជិតលោកអ្នក ដើម្បីទទួលបានអត្ថប្រយោជន៍របបសន្តិសុខ រួមចំណែកសម្រេចគោលដៅលើការគ្របដណ្ដប់សុខភាពជាសកលរបស់រាជរដ្ឋាភិបាលផងដែរ។

បើតាមលោក ម៉េង ហុង អគ្គនាយកបេឡាជាតិសន្តិសុខសង្គមស្ដីទីបានឱ្យដឹងថា គិតមកដល់ថ្ងៃទី ១៣ ខែមីនា ឆ្នាំ ២០២៤ នេះ បេឡាជាតិសន្តិសុខសង្គម នៃក្រសួងការងារ និងបណ្ដុះបណ្ដាលវិជ្ជាជីវៈ បានសហការជាមួយបណ្ដាក្រសួងចំនួន ១៣ រួចមកហើយ ដោយក្នុងនោះមានមន្ត្រីរាជការសរុបប្រមាណជាង ៤ ពាន់នាក់ បានចូលរួមឈ្វេងយល់អំពីរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីសាធារណៈ ពីមន្ត្រីជំនាញ ប.ស.ស៕

អត្ថបទ ៖ សំអឿន

Related Topics:លោក នេត្រ ភក្ត្រា ក្រសួងព័ត៌មាន ប.ស.ស

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា