Connect with us

ព័ត៌មានជាតិ

ដំណើរការ​សាងសង់​​ផ្លូវ​ល្បឿនលឿន​​ភ្នំពេញបាវិត បន្ត​វឌ្ឍនភាព​សម្រេច​​លទ្ធផល​ជាជំហាន​ៗ

បានផុស

នៅ

ដំណើរការស្ថាបនា​ផ្លូវ​ល្បឿនលឿន​ភ្នំពេញ​បាវិត​ ដែល​​ចាយ​ទុន​វិនិយោគ​ជាង​មួយ​ពាន់​លាន​ដុល្លារ នៅ​តែ​បន្ត​វឌ្ឍនភាពបោះ​ជំហាន​ទៅ​មុខ​។ នេះ​បើ​តាម​លោក ផន រឹម អ្នក​នាំពាក្យ​ក្រសួង​សាធារណការ​ និង​ដឹកជញ្ជូន​ប្រាប់​កម្ពុជា​ថ្មី កាលពី​រសៀលថ្ងៃ​ពុធ​ម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផន រីម អ្នក​នាំពាក្យ​ក្រសួង​សាធារណការ​និង​ដឹកជញ្ជូន

លោក ផន រឹម បានឲ្យ​ដឹង​​ថា ផ្លូវល្បឿនលឿនភ្នំពេញ-បាវិត គឺ​ជា​គម្រោង​ផ្លូវល្បឿនលឿនទី ២ របស់​កម្ពុជា ដែល​​បាន​​បើ​កការដ្ឋាន​សាងសង់​កាលពី​ថ្ងៃទី ០៧ មិថុនា ឆ្នាំ​២០២៣ ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនា​បតី​តេជោ ហ៊ុន សែន អតីត​នាយករដ្ឋមន្ត្រី​កម្ពុជា។

បើតាមអ្នកនាំពាក្យ​រូបនេះ បច្ចុប្បន្ន​គម្រោងសាងសង់ស្ថិតនៅក្នុងដំណើរនីតិវិធីជាច្រើន និងសម្រេចលទ្ធផលបាន ០,០៨​ ភាគរយ ក្នុង​​គម្រោង​ត្រូវ​បញ្ចប់ការ​​សាងសង់​រយៈពេល​ ៤៨ ខែ។

ផ្លូវល្បឿនលឿនភ្នំពេញបាវិត ​​ចាយ​ទឹកប្រាក់វិនិយោគ​ប្រមាណ ១.៣៦៧ លានដុល្លារ​អាមេរិក ​ដែល​ទីតាំងនៃ​ខ្សែ​ផ្លូវគឺចាប់ពីឃុំថ្មគរ ស្រុកល្វាឯម ខេត្តកណ្ដាល និង​ទៅដល់​ខេត្ត​ស្វាយរៀង ឆ្ពោះទៅកាន់ក្រុងបាវិត ព្រំដែនកម្ពុជា វៀតណាម​។ ក្នុង​គម្រោង​​ត្រូវ​សាងសង់​ស្ពាន​ឆ្លងកាត់ទន្លេមេគង្គនៅ​ស្រុកកៀនស្វាយ ដែល​គ្រោងចាយ​ថវិកាប្រមាណ ២៣២,៥៨ លានដុល្លារអាមេរិក ដែលជាថវិកាវិនិយោគរបស់រាជរដ្ឋាភិបាល។

ទាក់ទង​ដំណើរការ​សាងសង់​ស្ពាន​ឆ្លង​កាត់​ទន្លេ​មេគង្គ​ ត​ភ្ជាប់​ទៅ​គម្រោង​ផ្លូវ​ល្បឿនលឿន​ភ្នំពេញ​បាវិត បើ​តាម​មន្រ្តី​អ្នក​នាំពាក្យ​ក្រសួង​សាធារណការ​ លោក ផន រឹម អះអាង​ថា សម្រេចបានលទ្ធផល​​មួយ​ចំនួន​ផងដែរ។

ផ្លូវ​ល្បឿន​លឿន​ភ្នំពេញ​បាវិត សាងសង់​ក្រោម​ទម្រង់​វិនិយោគ BOT។ តាម​រយៈ​គម្រោង​ផ្លូវមួយ​ខ្សែនេះ នឹងជួយ​ជំរុញឱ្យមានកំណើនវិនិយោគ ពាណិជ្ជកម្ម និងទេសចរណ៍ និងភាពប្រទាក់ក្រឡាគ្នាជាមួយ​បណ្ដាញខ្សែផ្លូវផ្សេងៗទៀត​។ នេះបើតាមលោក ស៊ុន ចាន់ថុល អតីត​រដ្ឋមន្ត្រីក្រសួងសាធារណការ និងដឹកជញ្ជូន ថ្លែងនៅក្នុងពិធីបើកការដ្ឋានសាងសង់​ផ្លូវល្បឿនលឿនភ្នំពេញ-បាវិត និងស្ពានឆ្លងកាត់ទន្លេមេគង្គកាលពី​ថ្ងៃទី ៧ ខែមិថុនា ឆ្នាំ ២០២៣។

លោកបន្ត​ថា ខ្សែ​ផ្លូវនេះ​នឹង​ក្លាយជាផ្នែកមួយយ៉ាងសំខាន់ ​ក្នុងការបំពេញបន្ថែមនូវផ្លូវអាស៊ាន HighWay ដែលនឹងជួយសម្រួលបន្ថែម​ការតភ្ជាប់ប្រទាក់ក្រឡាផ្ទៃក្នុងប្រទេស និងការតភ្ជាប់កម្ពុជាទៅក្នុងក្របខណ្ឌតំបន់អាស៊ាន និងមហាអនុតំបន់មេគង្គ ដើម្បីពង្រឹងសក្ដានុពលទីផ្សារ ការប្រកួតប្រជែង និងភាពធន់សេដ្ឋកិច្ចសង្គម។

​ដើម្បីជំរុញ​ការដឹកជញ្ជូនឆ្លងកាត់ព្រំដែនរវាងកម្ពុជា-វៀតណាម បើតាមលោក ស៊ុន ចាន់ថុល រដ្ឋាភិបាល​កម្ពុជា​ក៏​បាន​ពិភាក្សា​ជាមួយ​ភាគី​វៀតណាម ដើម្បី​តភ្ជាប់​​ផ្លូវ​ល្បឿនលឿន​ភ្នំពេញ​បាវិត​ទៅ​ផ្លូវ​ល្បឿន​លឿន​របស់​វៀតណាម​ (ម៉ុកបៃ​-ហូជីមិញ) ខណៈ​ក្រុម​បច្ចេកទេស​ប្រទេស​ទាំងពីរកំពុង​សិក្សា​កំណត់​ទីតាំង​​តភ្ជាប់​គ្នា​៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៩ នាទី មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៣៧ នាទី មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង១ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

ព័ត៌មានជាតិ៤ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

Sokha Hotels

ព័ត៌មានពេញនិយម