Connect with us

ព័ត៌មានជាតិ

តំបន់ទេសចរណ៍ទឹកធ្លាក់តាតៃ ពុំសូវមានភ្ញៀវមក លេង គ្រាការអភិវឌ្ឍន៍ហេដ្ឋារចនាសម្ព័ន្ធតិចតួច

បានផុស

នៅ

តំបន់អេកូទេសចរធម្មជាតិទឹកជ្រោះតាតៃ ហាក់ពុំសូវមានភ្ញៀវទេសចរចូលលេងកម្សាន្តដូចពេលមុនៗទេ ស្របពេលមើលឃើញពីសកម្មភាពអភិវឌ្ឍន៍បម្រើដល់ការទាក់ទាញមានតិចតួច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកទេសចរ សុំមិនបញ្ចេញឈ្មោះ លើកឡើងនៅថ្ងៃទី៧ ខែមេសា ឆ្នាំ២០២៤ថា ទីតាំងដីចំណតរថយន្ត ទីស្នាក់ការ សហគមន៍ បរិស្ថានអនាម័យ និងផែចុះទូកក្នុងតំបន់អេកូទេសចរធម្មជាតិទឹកជ្រោះតាតៃក្រោម មិនមានការអភិវឌ្ឍន៍ កែច្នៃអ្វីទាល់តែសោះ។

ទិដ្ឋភាពមិនកែប្រែបែបនេះ កាន់តែធ្វើសហគមន៍បាត់បង់ចំណូលពីវិស័យទេសចរណ៍។ ក្រុមអ្នកទេសចរដដែលយល់ថា បញ្ហាទាំងនេះជាកត្តាមួយដែលធ្វើឱ្យភ្ញៀវជាតិ និងអន្តរជាតិលែងចង់មកលេងកម្សាន្តជាថ្មី។

ចំពោះសេវាថ្លៃដឹកជញ្ជូនភ្ញៀវទេសចរតាមទូកវិញ ក៏អ្នកគ្រប់គ្រងតម្លើងថ្លៃដែរ ពោលគឺធ្លាប់តែទៅមើលទេសភាព និងផ្ទះបណ្តែតទឹកដងព្រែកខាងត្បូងស្ពាន១៦ដុល្លារ ហើយត្រឡប់ទៅងូតទឹកជ្រោះខាងជើងស្ពានថ្លៃ១៦ដុល្លារទៀត។

ឥឡូវសេវាទាំងពីរបានឡើងទៅ៤០ដុល្លារ មានន័យថា ទៅមើលផ្ទះបណ្តែតទឹក២០ដុល្លារ និងទៅលេងទឹកជ្រោះ ២០ ដុល្លារ។ ដូច្នេះពលរដ្ឋ និងអ្នកទេសចរស្នើសុំដល់អាជ្ញាធរខេត្តកោះកុង មន្ទីរជំនាញ អាជ្ញាធរមូលដ្ឋាននិងអ្នកគ្រប់គ្រងសហគមន៍ពិនិត្យដោះស្រាយឡើងវិញ ដើម្បីឱ្យលំហូទេសចរអាចចូលមកលេងកម្សាន្តបានច្រើនដូចពេលមុនៗ។

ទាក់ទិនបញ្ហាះដែរ ត្រូវបានលោក ទេព ម៉ាឡា ប្រធានសហគមន៍អេកូទេសចរណ៍ធម្មជាតិទឹកធ្លាក់តាតៃ ទទួលស្គាល់ថា ២ឆ្នាំចុងក្រោយនេះ ចំនួនទេសចរមកលេងមានតិចតួច ដូច្នេះទើបធ្វើឱ្យល្បឿននៃការអភិវឌ្ឍន៍ហេដ្ឋារចនាសម្ព័ន្ធបម្រើការងារវិស័យទេសចរណ៍នៅខ្សោយ។

សហគមន៍របស់លោក ទើបតែមានការទទួលស្គាល់ពីក្រសួងពាក់ព័ន្ធនៅឆ្នាំ២០២៤នេះ ចំណែកតម្លៃសេវាដឹកជញ្ជូនភ្ញៀវមួយជើង២០ដុល្លារ គឺសហគមន៍ទទួលបានផ្ទាល់តែ១ដុល្លារទេ សេសសល់ប៉ុន្មានគឺចូលហោប៉ៅប្រជាសហគមន៍ជាម្ចាស់ទូកម្នាក់ៗ។

លោក ទេព ម៉ាឡា បន្ថែមថា រាល់ប្រាក់ចំណូលពីប្រជាសហគមន៍ នឹងយកទៅបែងចែកទៅថែរក្សាអនាម័យទឹកជ្រោះ ទិញសម្ភារៈ និងចំណាយផ្សេងៗបម្រើដល់សហមន៍ទេសចររបស់លោក។

សម្រាប់ប្រាក់ខែគណៈកម្មការ និងសមាជិកសហគមន៍ ក្នុង១ខែៗទទួលបានតែ៥០០០០រៀលប៉ុណ្ណោះមិនបានច្រើននោះឡើយ។

លោក អ៊ូ ឆេនឆៃវិសាន្ត មេឃុំតាតៃក្រោម ឱ្យដឹងថា ភាគច្រើនចំណូលដែលបានពីភ្ញៀវទេសចរបានផ្តល់ប្រយោជន៍ទៅលើប្រជាសហគមន៍ រីឯគណៈគ្រប់គ្រងសហគមន៍បានផលតិចតួចដែលនាំឱ្យកង្វខាតថវិកាកសាងហេដ្ឋារចនាសម្ព័ន្ធដូចជាទីធ្លាចំណតរថយន្ត ទីស្នាក់ការសហគមន៍ និងកំពង់ផែឡើងចុះទូកជាដើម។

ទោះយ៉ាងណាក្រោយពិធីបុណ្យចូលឆ្នាំថ្មី ប្រពៃណីជាតិខ្មែរ រួចរាល់ហើយ លោកមេឃុំតាតៃក្រោម នឹងកោះហៅអ្នកគ្រប់គ្រងសហគមន៍មកពិភាក្សាដោះស្រាយជារួមមួយ ចៀសវាងរងការរិះគន់ពីសំណាក់ភ្ញៀវទេសចរ។

គួរកត់សម្គាល់ថា ៣ខែឆ្នាំ២០២៤នេះ មានទេសចរជាតិ និងអន្តរជាតិប្រមាណ៨.៨១៣នាក់ ក្នុងនោះអ្នកទេសចរបរទេសចំនួន២៦៩នាក់ បានមកលេងកម្សាន្តនៅតំបន់អេកូទេសចរណ៍ធម្មជាតិទឹកធ្លាក់តាតៃក្រោម។ ដោយឡែកឆ្នាំ២០២៣ កន្លងទៅ មានអ្នកទេសចរសរុបជាង៣ម៉ឺននាក់ ក្នុងនោះទេសចរអន្តរជាតិ៥១០នាក់៕

អត្តបទៈ សិរិវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤៧ នាទី មុន

វិសាខា និង បឹងកេត មានភាគរយខ្ពស់ឡើងវគ្គ Top 4 លីគកំពូលកម្ពុជា

ព័ត៌មានជាតិ៥៦ នាទី មុន

​ខ្មែរ​រស់​នៅ​​កូរ៉េ​ខាង​ត្បូង​​ជាង​៣០០០​នាក់​ រៀប​ចំ​​អបអរសាទរ​ពិធីបុណ្យ​ចូល​ឆ្នាំ​ថ្មី​ប្រពៃណី​​ជាតិ​​​​

សន្តិសុខសង្គម១ ម៉ោង មុន

ករណី​បង្ក្រាប​ក្លឹប​ថាំង​ហ៊ួយ​ បញ្ជូន​អ្នក​លក់​គ្រឿងញៀន​តែ ​១៥​នាក់​ទេ​ ​ទៅ​តុលាការ​

ព័ត៌មានជាតិ២ ម៉ោង មុន

កម្ពុជា-ថៃ​ បន្ត​​ធ្វើ​ការងារ​យ៉ាង​ស្អិត​​ល្មួត​ ​ដើម្បី​សម្រួល​ឱ្យ​ពល​ករ​ខ្មែរ មក​ស្រុក​កំណើត​អំឡុង​បុណ្យចូលឆ្នាំ​ថ្មី​​​​

សន្តិសុខសង្គម២ ម៉ោង មុន

ផ្ដន្ទាទោស​ កើត សារ៉ាយ ដាក់​ពន្ធនាគារ​កំណត់​២០​ខែ ​តែ​អនុវត្ត​១៤​ខែ​

Sokha Hotels

ព័ត៌មានពេញនិយម