ព័ត៌មានជាតិ

សាធារណជន ថា មាន ប.ស.ស ប្រៀបដូចជាមានទេវតាចាំជួយពេលឈឺថ្កាត់

បានផុស

២ years មុន

នៅ

ថ្ងៃអង្គារ ៩ មេសា ២០២៤

ដោយ

ប្រជាពលរដ្ឋដែលជា អ្នកធ្វើការ អ្នកលក់ដូរ និងសិស្ស-និស្សិត សុទ្ធតែលាន់មាត់ថា អត្ថប្រយោជន៍ នៃរបបបេឡាជាតិសន្តិសុខសង្គមរបស់ក្រសួងការងារ និងបណ្ដុះបណ្ដាលវិជ្ជាជីវៈ ពិតជាបានជួយប្រជាពលរដ្ឋឱ្យកាត់បន្ថយចំណាយបានយ៉ាងច្រើនដែលពួកគាត់នឹកស្មានមិនដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋនាំគ្នាលើកឡើងថា “បើមានគ្រោះថ្នាក់ធ្ងន់ធ្ងរត្រូវចំណាយអស់ច្រើន អ្នកលក់ដូរធម្មតាគ្មានសមត្ថភាពក្នុងការចំណាយទេ ពេលមាន ប.ស.ស អាចជួយសម្រួលបានច្រើនពិតមែន ខ្ញុំជឿជាក់”។

គូសបញ្ជក់ថា សម្រាប់សមាជិក ប.ស.ស ជាបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស គឺ ចំណាយត្រឹមតែ ១៥,៦០០ រៀលប៉ុណ្ណោះ ក្នុងមួយខែ នោះនឹងទទួលបានអត្ថប្រយោជន៍យ៉ាងច្រើន ដូចជា ទទួលបានសេវាពិនិត្យ ពិគ្រោះយោបល់ ព្យាបាល និងថែទាំ ទទួលបានប្រាក់បំណាច់មាតុភាព និងទទួលបានប្រាក់វិភាជន៍បូជាសព។

ជាមួយគ្នានេះ លោក ម៉េង ហុង អគ្គនាយកបេឡាជាតិសន្តិសុខសង្គមស្ដីទី នៃក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ឱ្យដឹងថា ប្រជាពលរដ្ឋមានការសាទរយ៉ាងច្រើនជាមួយនឹងអត្ថប្រយោជន៍ នៃ ប.ស.ស បន្ទាប់ពីរាជរដ្ឋាភិបាលកម្ពុជាដឹកនាំដោយ សម្តេចធិបតី ប្រកាសដាក់ឱ្យអនុវត្តជាផ្លូវការនូវរបបសន្តិសុខសង្គមផ្នែកថែទាំសុខភាពតាមរបបភាគទាន ដោយស្ម័គ្រចិត្ត សម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស កាលពីថ្ងៃទី ១៤ ខែវិច្ឆិកា ឆ្នាំ ២០២៣ កន្លងទៅ។

លោកបញ្ជក់បន្ថែមថា គិតត្រឹមថ្ងៃទី ៧ ខែមេសា ឆ្នាំ ២០២៤ នេះ មានបុគ្គលស្វ័យនិយោជន៍ និងអ្នកក្នុងបន្ទុកប្រមាណជាង ១៩ ម៉ឺន ៥ ពាន់នាក់ ដែលបានចុះបញ្ជីសមាជិក ប.ស.ស ក្នុងនោះបុគ្គលស្វ័យនិយោជន៍មាន ១៥៦,៧៤៤ នាក់ ខណៈសមាជិក ប.ស.ស ក្នុងបន្ទុកមាន ៣៨,៩២៤ នាក់។

ទន្ទឹមនឹងនេះ លោក បានអំពាវនាវដល់ប្រជាពលរដ្ឋមិនទាន់មានប័ណ្ណ ប.ស.ស ឱ្យមកចុះឈ្មោះតាមរយៈប្រភេទបុគ្គលស្វ័យនិយោជន៍ដែលត្រូវចំណាយត្រឹមតែ ១៥,៦០០ រៀលប៉ុណ្ណោះ ដែលធ្វើឱ្យទទួលបានអត្ថប្រយោជន៍ជាច្រើន៕

Related Topics:ប.ស.ស

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា