Connect with us

ព័ត៌មានជាតិ

សន្និសីទសមាជិកសភា IPCI ចេញសេចក្តីប្តេជ្ញាចិត្តដើម្បីការពារសិទ្ធិ និងសុខភាពបន្តពូជរបស់ស្រ្តី

បានផុស

នៅ

សន្និសីទសមាជិកសភាលើកទី៨ ហៅកាត់ថា IPCI បានបិទបញ្ចប់ដោយដាក់ចេញនូវសេចក្តីប្តេជ្ញាចិត្តទីក្រុងអូស្លូ ដើម្បីការពារសិទ្ធិ និងសុខភាពបន្តពូជរបស់ស្រ្តីនៅលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៤ ខែមេសា ឆ្នាំ២០២៤ ប្រតិភូរដ្ឋសភាកម្ពុជា ដឹកនាំដោយលោកស្រី ឡោក ខេង ប្រធានគណៈកម្មការទី៨ នៃរដ្ឋសភា បានបញ្ចប់បេសកកម្មយ៉ាងជោគជ័យនៅទីក្រុងអូស្លូ ប្រទេសណ័រវេស ក្នុងការចូលរួមសន្និសីទសមាជិកសភាលើកទី៨ ស្តីពីការអនុវត្តកម្មវិធីសកម្មភាពអំពីប្រជាជននិងការអភិវឌ្ឍ ហៅកាត់ថា IPCI។

ក្នុងអំឡុងពេលនៃកិច្ចប្រជុំនេះ គណៈប្រតិភូកម្ពុជា ក៏បានអញ្ជើញធ្វើទស្សនកិច្ចសិក្សានៅតាមបណ្តាអង្គការដៃគូរបស់រដ្ឋាភិបាលណ័រវេស ដែលទទួលបានថវិកាគាំទ្រពីរដ្ឋសភា នៅក្នុងការអនុវត្ត និងលើកកម្ពស់សិទ្ធិ និងសុខភាពបន្តពូជរបស់យុវជននិងស្រ្តី ជាពិសេសប្រជាពលរដ្ឋសាមី (Sami) ដែលជាជនជាតិដើមភាគតិចនៅប្រទេសណ័រវេស។

គណៈប្រតិភូសភាកម្ពុជា ក៏បានឆ្លៀតឱកាសនេះ សំណេះសំណាល និងពង្រឹងការទូតសភាជាមួយបណ្តាប្រទេសដែលបានចូលរួមទាំង១២២ប្រទេស និងជាមួយបណ្តាអង្គការដៃគូ ជាអាទិ៍៖ មូលនិធិសហប្រជាជាតិដើម្បីប្រជាជននិងការអភិវឌ្ឍ (UNFPA) វេទិកាសភាអឺរ៉ុបដើម្បីសិទ្ធិនិងសុខភាពបន្តពូជ (EPF) អង្គការសហភាពអន្តរសភា(IPU) អង្គការ Act Alliance អង្គការ Sex og politikk និងអង្គការនានាដែលជាដៃគូរបស់សភាណ័រវេស។

នៅចុងបញ្ចប់នៃសន្និសីទអន្តរជាតិនេះ បានចេញនូវសេចក្តីប្តេជ្ញាចិត្តរួមគ្នាមួយ ដែលមានឈ្មោះថា សេចក្តីប្តេជ្ញាចិត្តទីក្រុងអូស្លូ ក្នុងគោលបំណងការពារ និងលើកកម្ពស់សិទ្ធិនិងសុខភាពបន្តពូជ ដោយឈរលើគោលការណ៍ ស្លាប់ឬរស់ គឺជាការប្តេជ្ញាចិត្តរបស់អ្នកនយោបាយ។ នេះគឺជាកិច្ចខិតខំប្រឹងប្រែងរួមរបស់សមាជិកសភាគ្រប់រូបដែលបានចូលរួមនៅក្នុងសន្និសីទទីក្រុងអូស្លូ។

សេចក្តីប្តេជ្ញាចិត្តនេះ អំពាវនាវឱ្យសមាជិកសភាទាំងអស់តស៊ូមតិ និងលើកកម្ពស់សិទ្ធិនិងសុខភាពបន្តពូជនៅគ្រប់ទិដ្ឋភាពនៃជីវិត ចាប់តាំងពីការចាប់កំណើតរហូតដល់វ័យចាស់ជរា ដោយគិតគូរផងដែរអំពីបរិបថនៃការគម្រាមកំហែងដោយសង្គ្រាម ការប្រែប្រួលអាកាធាតុ និងការគម្រាមកំហែងនានាដែលអាចធ្វើឱ្យប៉ះពាល់ដល់ការសម្រេចបាននូវកម្មវិធីសកម្មភាព ICPD ឆ្នាំ២០៣០។ ដូច្នេះ សមាជិកសភាគួរធ្វើយ៉ាងណាកៀរគរការគាំទ្រទាំងថវិកា និងបច្ចេកទេស ដោយសហការឱ្យបានជិតស្និតជាមួយគ្រប់ភាគីពាក់ព័ន្ធដើម្បីឈានទៅសម្រេចបានគោលដៅនេះដោយជោគជ័យ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១១ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៦ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៥ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

វប្បធម៌ ជំនឿ១៨ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

សេចក្ដីជូនដំណឹង១៣ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម