ព័ត៌មានជាតិ
អ្នកនាំពាក្យក្រសួងការងារ ៖ ការចុះផ្សាយរបស់សហព័ន្ធសហជីពកម្ពុជា CATU ជាការគាស់រំលើងករណីចាស់
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ គូសបញ្ជាក់ថា ការចុះផ្សាយរបស់សហព័ន្ធសហជីពកម្ពុជា CATU គឺជាការគាស់រំលើងករណីចាស់ដែលបានកើតឡើងតាំងពីឆ្នាំ ២០២០ មកម្ល៉េះ។
កាលពីយប់ថ្ងៃទី ០៩ ខែឧសភា ឆ្នាំ ២០២៤ តាមរយៈទំព័រហ្វេសប៊ុកផ្លូវការ លោក កត្តា អ៊ន បានគូសបញ្ជាក់ថា ការចុះផ្សាយរបស់សហព័ន្ធសហជីពកម្ពុជា CATU កាលពីម្សិលមិញ ដែលថា ៖ «កម្មកររោងចក្រ Violet Apparel ចំនួន ១,២៨៤ នាក់ ត្រូវបានបញ្ឈប់ពីការងារ ដោយមានការជូនដំណឹងត្រឹមតែ ២៤ ម៉ោង ប៉ុណ្ណោះ ហើយរោងចក្របានបដិសេធមិនព្រមផ្ដល់សំណងដែលស្របច្បាប់ជូនកម្មករឡើយ។ ឥឡូវនេះពួកគេប្រឈមមុខនឹងបញ្ហាអត់ការងារធ្វើ ឈ្មោះស្ថិតក្នុងបញ្ជីខ្មៅ និងភាពក្រីក្រ» គឺជាការគាស់រំលើងករណីដែលកើតឡើងក្នុងឆ្នាំ ២០២០។
លោក កត្តា អ៊ន បញ្ជាក់ទៀតថា ករណីនេះ ក្រសួងការងារ បានសម្របសម្រួលដោះស្រាយវិវាទជូនកម្មករ-និយោជិត រួចរាល់ហើយ ក្រុមប្រឹក្សាអាជ្ញាកណ្ដាល ក៏បានបញ្ចប់នីតិវិធីរបស់ខ្លួនផងដែរ។ កម្មករ-និយោជិត ជាង ១ ២០០ នាក់ បានទទួលយកដំណោះស្រាយ និងមានការងារធ្វើគិតមកដល់ពេលនេះ។
លោកបញ្ជាក់បន្ថែមថា ក្រសួង សូមស្នើសុំសហព័ន្ធសហជីពកម្ពុជា CATU បញ្ជូនឈ្មោះកម្មករ-និយោជិត ណាខ្លះ ដែលមិនទាន់មានការងារធ្វើ មក ក្រសួងការងារ ដើម្បីក្រសួងសម្របសម្រួលផ្ដល់ឱកាសការងារជូន។ សហព័ន្ធសហជីពកម្ពុជា ក៏ត្រូវបង្ហាញថា កម្មករ-និយោជិត ណាខ្លះ ស្ថិតក្នុងបញ្ជីខ្មៅអ្វី? ភាពក្រីក្រដូចម្ដេច?។
លោកបន្ថែមទៀតថា ការគាស់រំលើងរឿងកន្លងហួស និងបានដោះស្រាយរួចហើយ មកបំប៉ោង និងធ្វើសកម្មភាពមិនត្រឹមត្រូវណាមួយ ជាការទទួលខុសត្រូវរបស់អ្នកទាំងនោះ ចំពោះទង្វើដែលបានកើតឡើងចំពោះមុខច្បាប់។
ជាមួយនោះ លោក កត្តា អ៊ន ក៏បានសង្កត់ធ្ងន់ថា ការដោះស្រាយបញ្ហាជូនកម្មករ-និយោជិត ជាការចូលរួមចំណែកពីភាគីពាក់ព័ន្ធ ដោយគោរពច្បាប់ នីតិវិធី និងយន្តការដោះស្រាយវិវាទ មិនមែនជាការដុតបញ្ហា គាស់រំលើងករណីដែលបានបិទបញ្ចប់នោះឡើង ដើម្បីរបៀបវារៈរបស់ខ្លួន ក្បត់ផលប្រយោជន៍កម្មករ-និយោជិត នោះទេ៕
អត្ថបទ ៖ ពិសី
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ