Connect with us

ព័ត៌មានជាតិ

ពលរដ្ឋរស់នៅសង្កាត់កាចាញ ទទួលបានផ្លូវបេតុងអាមេប្រវែង៤០០ម៉ែត្រ ពីគម្រោងមូលនិធិឃុំ សង្កាត់ ២០២៤

បានផុស

នៅ

ប្រជាពលរដ្ឋនៅក្នុងសង្កាត់កាចាញ ខេត្តរតនគិរី ទទួលបានផ្លូវបេតុងអាមេពីគម្រោងមួលនិធិ ឃុំ សង្កាត់ ឆ្នាំ២០២៤ ដោយទទឹងរង់ចាំជាយូរមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទុន ពៅ ចៅសង្កាត់កាចាញ និងលោក យន់ វិបុល មន្ត្រីសាលាខេត្ត កាលពីព្រឹកថ្ងៃទី៣០ ខែឧសភា ឆ្នាំ២០២៤ បានអញ្ជើញបើកឲ្យមានការដេញថ្លៃពីគម្រោងសាងសង់ផ្លូវបេតុងអាមេ មានប្រវែង៤០០ម៉ែត្រ ទទឹង៦ម៉ែត្រ និងកម្រាស់០.១២សង់ទីម៉ែត្រ។

ក្នុងពិធីចួលរួមដេញថ្លៃខាងលើនេះ មានសមាជិកក្រុមប្រឹក្សាសង្កាត់កាចាញ លោកមេភូមិ២ លោកអនុប្រធានភូមិ២ និងតំណាងក្រុមហ៊ុនទាំង៣ផងដែរ។

លោក ទុន ពៅ បានឲ្យដឹងថា គម្រោងមូលនិធិឃុំ សង្កាត់ ឆ្នាំ២០២៤ តម្លៃប៉ាន់ស្មាន ២៣៤,៨៩៦,០៩៨រៀល មានក្រុមហ៊ុនចំនួន៣ ដែលចូលរួមដេញថ្លៃ រួមមាន ទី១-ក្រុមហ៊ុនពង្សការវិវឌ្ឍ ខនស្ត្រាក់សិន ដេញថ្លៃចំនួន ១៣៤,៤០០,០០០រៀល។​ ទី២- ក្រុមហ៊ុន ផាត សុខហ៊ាង ឯ.ក ដេញថ្លៃ ចំនួន១១៧,០០០,០០០រៀល។ និងទី៣-ក្រុមហ៊ុន សូចរិយា ដេញថ្លៃចំនួន១៥៤,៨០០,០០០រៀល។

លោក​ ទុន ពៅ បានបន្តថា ក្នុងចំណោមក្រុមហ៊ុនទាំង៣នេះ ដែលចូលរួមដេញថ្លៃបើកសំបុត្រដេញថ្លៃទាបជាងគេបំផុត គឺក្រុមហ៊ុន ផាត សុខហ៊ាងឯ.ក ក្នុងតម្លៃ១១៧,០០០,០០០រៀល ដូច្នេះដេញថ្លៃបានទៅលើក្រុមហ៊ុន ផាត សុខហ៊ាង ឯ.ក ដោយតម្លៃទាបជាងគេបំផុត។ លោកថា សំណើដេញថ្លៃដែលឈ្នះ គឺជាសំណើដេញថ្លៃ ដែលមានសុពលភាព និងបានដាក់តម្លៃទាបជាងគេបំផុត។

អ្នកដេញថ្លៃ ដែលឈ្នះមានកាតព្វកិច្ចទទួលយកកិច្ចសន្យា ក្នុងករណីមិនទទួលយកកិច្ចសន្យា អ្នកដេញថ្លៃឈ្នះនោះ នឹងមិនត្រូវបានអនុញ្ញាតឲ្យដាក់សំណើដេញថ្លៃគម្រោងឃុំ/សង្កាត់ទៀតឡើយ ហើយប្រាក់កក់ធានាដេញថ្លៃ នឹងត្រូវបានរឹបអូសផ្ទេរបង្វែបង់ចូលថវិការដ្ឋ ដោយបង់ជាចំណូលថវិការដ្ឋបាលឃុំ/សង្កាត់។

អ្នកដេញថ្លៃឈ្នះ ដែលត្រូវចុះកិច្ចសន្យាជាមួយឃុំ/សង្កាត់ ដើម្បីអនុវត្តកិច្ចសន្យា ត្រូវតម្កល់ប្រាក់កក់ធានាអនុវត្តចំនួន១០% នៃតម្លៃកិច្ចសន្យា នៅធានាគារពាណិជ្ជ ដែលបានកំណត់នៅក្នុងសេចក្តីជូនដំណឹងស្តីពី ការសម្រេចផ្តល់កិច្ចសន្យា ក្នុងទម្រង់ជា (លិខិតធានាប្រាក់កក់ធានាការអនុវត្ត) សម្រាប់កិច្ចសន្យានីមួយៗ។ អ្នកទទួលការត្រូវនាំយកមកជាមួយនូវលិខិតធានាប្រាក់កក់ ធានាការអនុវត្តច្បាប់ដើម ចំនួន១ច្បាប់ និងច្បាប់ថតចម្លងចំនួន១ច្បាប់ នៅពេលប្រជុំចុះហត្ថលេខា លើកិច្ចសន្យាជាមួយឃុំ/សង្កាត់។

ទន្ទឹមនឹងនេះ សូមឲ្យអ្នកទទួលការសាងសង់ឲ្យមានគុណភាព ចំពោះកិច្ចសន្យាសំណង់ អ្នកទទួលការមានកាតព្វកិច្ច ថែទាំលទ្ធផលកិច្ចសន្យា ក្នុងរយៈពេល៦ខែ បន្ទាប់ពីការសាងសង់ បើមិនដូច្នេះទេថវិកា១០% សម្រាប់ការទូទាត់ចុងក្រោយ នឹងមិនត្រូវបានទូទាត់ឡើយ។

ជាចុងបញ្ចប់ គណៈកម្មការលទ្ធកម្ម ដែលត្រូវធ្វើការប្រកាសបើកការដេញថ្លៃ និងក្រុមហ៊ុនដែលទទួលការស្ថាបនាផ្លូវបេតុងអាមេខាងលើ បានទទួលយកលទ្ធផលប្រកបដោយសេចក្តីសប្បាយរីករាយ៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៤ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៥ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៧ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៨ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៣ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៧ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១២ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម