ព័ត៌មានជាតិ

អតីតអភិបាលក្រុងភ្នំពេញជិះនាវា ៥ម៉ោងចង់ឃើញផ្ទាល់ភ្នែកកំណប់ប្រេងខ្មែរកណ្ដាលសមុទ្រ

បានផុស

៣ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

ដំណើរឆ្ពោះទៅរកកំណប់មហាសាលនៃដែនដីសុវណ្ណភូមិ។ នេះជាការថ្លែងរបស់ឯកឧត្ដមកែប ជុតិមា អតីតអភិបាលរាជធានីភ្នំពេញ ក្នុងដំណើរទស្សនកិច្ចស្វែងយល់ពីសកម្មភាពបូមប្រេងនៅតំបន់ឈូងសមុទ្រប្រទេសកម្ពុជា កាលពីថ្ងៃ១៥ ខែកុម្ភៈ ឆ្នាំ២០២១។

អតីតអភិបាលក្រុងភ្នំពេញពីឆ្នាំ ២០០៣ ដល់ ២០១៣ បានឲ្យដឹងថា ក្នុងវ័យជាង ៧០ ឆ្នាំទៅហើយ លោកមានមោទនភាពក្នុងនាមជាជនជាតិខ្មែរមួយរូប ដែលបានសម្រេចបំណងបានឃើញកំណប់មហាសាលរបស់ប្រទេសកម្ពុជា ដែលពីមុនធ្លាប់ឮតែគេនិយាយ ឬមានតែក្នុងក្រដាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈកប៉ាល់របស់ក្រុមហ៊ុន KrisEnergy កាត់មហាសាគរនៃដែនសមុទ្រកម្ពជា រយៈពេលជាង ៥ម៉ោង តំណាងរាស្រ្តមណ្ឌលភ្នំពេញ រួមជាមួយប្រតិភូបានទៅដល់គោលដៅ។ ឯកឧត្តមថ្លែងថា ក្នុងចម្ងាយជាង ១៦០ គីឡូម៉ែត្រពីដែនគោកខេត្តព្រះសីហនុ លោកត្រូវពុះពារកាត់សមុទ្រដ៏ល្វឹងល្វើយ បំណងតែមួយគត់ គឺការបានមកឃើញកំណប់មហាសាលរបស់កម្ពុជា។

លោកបញ្ជាក់ថា វាជាឱកាសដែលលោកត្រូវតែពុះពារមកដល់ទាល់តែបាន ទោះបីដំណើរវែងឆ្ងាយមានបញ្ហាសុខភាពមួយចំនួន ព្រោះចង់ឃើញផ្ទាល់ភ្នែកទ្រព្យមហាសាលរបស់ខ្មែរតជំនាន់។

លោកលើកដោយមោទនភាពថា ដំណើរលើកនេះមិនអាចកាត់ថ្លៃបាន ហើយដែលកម្ពុជាត្រូវបានចារឈ្មោះជាប្រទេសផលិតប្រេងមួយនៅលើពិភពលោក។

កម្ពុជាបានទទួលដំណក់ប្រេងលើកដំបូងកាលពីថ្ងៃ ២៩ ធ្នូ ២០២០។ ប្រមុខរដ្ឋាភិបាលកម្ពុជា បានហៅផលប្រេងទទួលបានជាពរជ័យសម្រាប់កម្ពុជា និងជាជំហានដំបូងដ៏សំខាន់សម្រាប់កម្ពុជា ឆ្ពោះទៅបង្កើតបានសមត្ថភាពជាតិ និងខឿនឧស្សាហកម្មប្រេងកាត ឧស្ម័ន និងថាមពលនាថ្ងៃខាងមុខ។

អត្ថបទ៖ ប៊ុណ្ណារ៉ា