ព័ត៌មានជាតិ

ជំពាក់លុយគេច្រើនពេកមកលោតទឹកសម្លាប់ខ្លួនពីលើស្ពានជ្រោយចង្វារតែមិនស្លាប់

បានផុស

៥ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

ស្ត្រីមានវិបត្តិដោយសារជំពាក់លុយគេម្នាក់បានមកលោតទឹកសម្លាប់ខ្លួនពីលើស្ពានជ្រោយចង្វារតែមិនសម្រេចព្រោះសមត្ថកិច្ចនៅទីនោះឃាត់ទាន់កាលពីវេលាម៉ោង៣និង៥០នាទី រសៀល ថ្ងៃទី២៧ខែកុម្ភៈ ឆ្នាំ២០២១ចំណុចលើស្ពានជ្រោយចង្វារ(ស្ពានមិត្តភាពកម្ពុជា -ជប៉ុន )ក្នុងសង្កាត់ស្រះចក ខណ្ឌដូនពេញ រាជធានី ភ្នំពេញ ។

ស្ត្រីខាងលើឈ្មោះ ញ៉ែម ច្រឹប អាយុ៤២ឆ្នាំ មិនប្រាប់ពីកន្លែងគាត់ស្នាក់នៅនោះទេ មានប្តីជាកម្មករសំណង់និងមានកូនប្រុសម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពី ស្ត្រី ខាងលើបានឱ្យដឹងថា គាត់បានជំពាក់លុយគេចំនួន១២០០ដុល្លារដោយគិតអ្វីមិនចេញហើយរកលុយសងគេវិញមិនបាន និងខ្លាចម្ចាស់លុយប្តឹងក៏សម្រេចចិត្តជិះម៉ូតូឌុបពីម្តុំវត្តអង្គតាម៉ិញក្នុងខណ្ឌពោធិ៍សែនជ័យមកលោតទឹកសម្លាប់ខ្លួនពីលើស្ពានជ្រោយចង្វារតែមិនទាន់បានលោតផងសមត្ថកិច្ចឃើញក៏ឃាត់និងនាំខ្លួនមកសួរនាំតែម្តង។

ស្ត្រីខាងលើបន្ទាប់ពីប៉ងលោតទឹកសម្លាប់មិនបានសម្រេចសមត្ថកិច្ចប្រចាំគោលដៅបានទាក់ទងយុវជនម្នាក់ដែលអះអាងថាជាកូនប្រុសរបស់ស្ត្រីខាងលើឱ្យឌុបតាមម៉ូតូត្រឡប់ទៅផ្ទះវិញ៕

អត្ថបទ ៖ ឌីរៀ