ព័ត៌មានជាតិ
ការដ្ឋានដាក់ប្រព័ន្ធលូប្រអប់ ១ ខ្សែ លើផ្លូវលេខ ១០៨BT ស្ថាបនារួចរាល់ ខណៈ ៣ ខ្សែទៀត កំពុងអនុវត្ត
ការដ្ឋានដាក់ប្រព័ន្ធលូប្រអប់ ១ ខ្សែ លើផ្លូវលេខ ១០៨BT ទំហំ ៤ ម៉ែត្រ x២ ម៉ែត្រ បានស្ថាបនារួចរាល់ហើយ ខណៈ ៣ ខ្សែទៀត កំពុងអនុវត្ត ក្រោយពីបើកការដ្ឋានស្ថាបនាកាលពីខែឧសភា ដើម្បីដោះស្រាយទឹកលិចចេញពីតំបន់វត្តដំបូកខ្ពស់ ក្រោយផ្សារប៉េសេ ក្នុងភូមិសាស្ត្រសង្កាត់បឹងទំពុនទី ១ ខណ្ឌមានជ័យ។
ប្រធានមន្ទីរសាធារណការ និងដឹកជញ្ជូនរាជធានីភ្នំពេញ លោក សាំ ពិសិដ្ឋ បានឱ្យដឹងនៅថ្ងៃទី ០២ កញ្ញា នេះថា សកម្មភាពការដ្ឋានដាក់ប្រព័ន្ធលូប្រអប់ខ្នាតធំ ៤ ខ្សែ ហើយ ១ ខ្សែលើកំណាត់ផ្លូវ ១០៨ BT មានទំហំ ៤ ម៉ែត្រ x២ ម៉ែត្រ ប្រវែងជិត ២០០ ម៉ែត្ររួចរាល់ទាំងស្រុង ក្នុងនោះផ្លូវមួយចំនួនទៀតកំពុងអនុវត្តព្រមគ្នា។
ចំណែកមន្ត្រីជំនាញបានឱ្យដឹងថា ផ្លូវលេខ ១០៨ BT បានដាក់លូរួចហើយ កំពុងបន្តស្ថាបនាផ្លូវបេតុងលើផ្លូវ ១០៨ ដដែលនេះ ក្នុងរយៈពេល ១ ខែកន្លះទៀត។ ជារួម ការងារដាក់លូ និងធ្វើផ្លូវនៅតំបន់បឹងទំពុននេះ មានចំនួន ៤ ខែ ដោយប្រើពេល ១ ឆ្នាំកន្លះ បានរួចរាល់ទាំងស្រុង។ ការងារខាងលើនេះអនុវត្តដោយក្រុមហ៊ុន Precast Plants ដែលជាគម្រោងរបស់ថ្នាក់ជាតិ។
គួរបញ្ជាក់ថា គម្រោងរំដោះទឹកលិចដោយជំនន់ទឹកភ្លៀងក្នុងភូមិសាស្ត្ររាជធានីភ្នំពេញរយៈពេល ៥ ឆ្នាំ មានចំនួន ៥០ គម្រោង ចំពោះគម្រោងដែលត្រូវអនុវត្តមានចំនួន ២៣ គម្រោង។ គម្រោងរដ្ឋបាលរាជធានីភ្នំពេញ បាននិងកំពុងអនុវត្តចំនួន ១៣ គម្រោង ហើយគម្រោងដាក់លូប្រអប់លើផ្លូវលេខ ១០៨ BT ទំហំ ៤ ម៉ែត្រ x២ ម៉ែត្រ នេះ ក៏ស្ថិតក្នុងគម្រោងនេះដែរ។
គួររំលឹកថា អភិបាលរាជធានីភ្នំពេញ លោក ឃួង ស្រេង កាលពីថ្ងៃទី ១១ ខែកក្កដា ឆ្នាំ ២០២៤ កន្លងមកនេះ បានដឹកនាំមន្ត្រីជំនាញ និងអាជ្ញាធរដែនដីពាក់ព័ន្ធចុះទៅពិនិត្យមើលប្រឡាយ ស្ថានីយបូមទឹកបឹងទំពុន មើលការដ្ឋានដាក់លូប្រអប់លើផ្លូវលេខ ១០៨ BT នេះ បន្តទៅមើលប្រឡាយស្ថានីយលូប្រាំ ជាមួយនឹងការពិនិត្យវឌ្ឍនភាព នៃការដ្ឋានដាក់លូ បុកស៊ីផាយ និងការស្តារប្រឡាយមេ ស្ថិតក្នុងគម្រោងរំដោះទឹកលិចដោយជំនន់ទឹកភ្លៀងក្នុងភូមិសាស្ត្ររាជធានីភ្នំពេញទាំង ១៣ គម្រោង តាមអនុសាសន៍របស់ សម្តេចមហាបវរធិបតី ហ៊ុន ម៉ា ណែត នាយករដ្ឋមន្ត្រី៕
អត្ថបទ ៖ ស្រីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ