ព័ត៌មានជាតិ
សម្ដេចតេជោ ប្រកាសឱ្យអភិបាលខេត្តព្រៃវែងពិនិត្យការបិទតំបន់ខ្លះក្រោយផ្ទុះគ្រូពេទ្យចម្លងកូវីដ១៩ទៅមនុស្ស១១នាក់
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងសារពិសេសផ្ញើជូនជនរួមជាតិ នៅយប់ថ្ងៃទី០៨ ខែមីនា ឆ្នាំ២០២១នេះ ពាក់ព័ន្ធស្ថានភាពជំងឺកូវីដ១៩ នៅកម្ពុជា ដែលបាននឹងកំពុងរីករាលដាលកាន់តែខ្លាំង ក្នុងនោះក៏មានករណី គ្រូពេទ្យវិជ្ជមានកូវីដ១៩ ហើយបានចម្លងទៅអ្នកពាក់ព័ន្ធ១១នាក់នៅខេត្តព្រៃវែង។
ក្នុងសារសំឡេងពិសេសដែលចេញផ្សាយទាំងនេះ សម្តេចតេជោ ហ៊ុន សែន បានសម្តែងការព្រួយបារម្ភខ្លាំងចំពោះស្ថានការណ៍រីករាលដាលនៃជំងឺកូវីដ១៩ នៃ “ព្រឹត្តិការណ៍សហគមន៍២០កុម្ភៈ” ដែលកំពុងរីករាលដាលក្នុងខេត្តព្រៃវែង ដោយសម្តេចតេជោ បានថ្លែងថា៖
“ខ្ញុំមិននិយាយទៅដល់ការបិទខេត្តព្រៃវែងទេ តែសូមឱ្យអភិបាលខេត្តព្រៃវែងពិនិត្យអំពីស្ថានភាពនៅតំបន់កើតហេតុទៅលើគ្រូពេទ្យម្នាក់ដែលបានឆ្លងជំងឺ ហើយដែលបានឆ្លង១១នាក់នៅខេត្តព្រៃវែងដែលគប្បីត្រូវបិទសាលារៀននៅតំបន់នោះឬទេ។ ខ្ញុំទុកលទ្ធភាពនេះឱ្យឯកឧត្ដមអភិបាលខេត្តព្រៃវែងធ្វើការពិនិត្យជាក់ស្ដែង”។
សម្ដេចតេជោ ហ៊ុន សែន មានប្រសាសន៍បន្តទៀតថា៖ “ពិតមែនហើយច្បាស់ជាមានការបិទនៅផ្នែកខ្លះ ក៏ប៉ុន្តែដោយសារមានការឆ្លងរហូតទៅដល់១១នាក់ក្នុងថ្ងៃនេះ ពីគ្រូពេទ្យម្នាក់ដែលមានរោគឆ្លងពីតំបន់ N8 ក៏ត្រូវយកចិត្តទុកដាក់ ថាតើគួរនឹងបិទនៅតំបន់ព្រៃវែងដែលជាតំបន់ផ្ទុះមួយពីសំណាក់គ្រូពេទ្យម្នាក់ និងឆ្លងដល់១១នាក់ គិតត្រឹមពេលនេះឬទេ”។
សម្ដេចតេជោ បានបន្តការអំពាវនាវដ៏ទទូច ហើយសូមឱ្យបងប្អូនប្រជាពលរដ្ឋគ្រប់រូបយកចិត្តទុកដាក់ ត្រូវមានស្មារតីប្រុងប្រយ័ត្នជាប់ជានិច្ច។
សម្ដេចតេជោ មានប្រសាសន៍ថា៖ “ទោះបីជំងឺនេះកើតហើយ វាមិនទាន់ស្លាប់ភ្លាមៗ ប៉ុន្តែក្នុងករណីដែលវាកើតហើយនោះ មិនដឹងថាតើវាបំផ្លាញយើងដល់កម្រិតណានោះទេ។ ការមិនឱ្យកើតជំងឺជារឿងដ៏ល្អបំផុត នេះជាអ្វីដែលខ្ញុំចង់និយាយបន្ទាន់”។
គួបញ្ជាក់ថា ក្នុងសារសំឡេងពិសេសដែលចេញផ្សាយទាំងនេះ សម្តេចតេជោ ហ៊ុន សែន បានថ្លែងថា មកដល់យប់នេះមានករណីឆ្លងថ្មីរហូតដល់៤៩នាក់ទៀត នៅក្នុងរាជធានីភ្នំពេញ ខេត្តព្រះសីហនុ កណ្តាល ព្រៃវែង និងផ្នែកខ្លះនៃខេត្តដទៃទៀត។ សម្តេចតេជោ ហ៊ុន សែន បានថ្លែងថា ក្នុងចំណោមអ្នកឆ្លងនេះ មានក្នុងជួរមន្ត្រីនគរបាល មន្ត្រីរាជការ និងសិល្បៈករ សិល្បៈការិនីផងដែរ។
សូមរំលឹកថាកាលព្រឹកថ្ងៃទី០៨ ខែមីនា ឆ្នាំ២០២១នេះ ក្រសួងសុខាភិបាល បានប្រកាសរកឃើញអ្នកឆ្លងកូវីដ១៩ថ្មី ក្នុងសហគមន៍នៃ “ព្រឹត្តិការណ៍២០កុម្ភៈ” ចំនួន២៤នាក់ថែមទៀត ខណៈអ្នកជាសះស្បើយមានចំនួន៧នាក់។
ក្នុងចំណោមអ្នកឆ្លងទាំង២៤នាក់នេះ មានជនជាតិចិនចំនួន ១២នាក់, ជនជាតិខ្មែរចំនួន ៧នាក់ និងជនជាតិវៀតណាម ៥នាក់។ ពួកគាត់ត្រូវបានរកឃើញឆ្លងជំងឺកូវីដ១៩នេះ នៅរាជធានីភ្នំពេញ ខេត្តកណ្តាល ខេត្តកំពង់ចាម ខេត្តកំពង់ធំ និងខេត្តព្រះសីហនុ។
គិតត្រឹមម៉ោង៧នាទីព្រឹកថ្ងៃទី០៨ ខែមីនា ឆ្នាំ២០២១នេះ កម្ពុជារកឃើញអ្នកឆ្លងកូវីដ១៩ សរុបចំនួន ១ ០១១នាក់ ក្នុងនោះអ្នកជាសះស្បើយចំនួន ៥១៧នាក់ និងអ្នកកំពុងសម្រាកព្យាបាលមានចំនួន ៤៩៣នាក់៕
អត្ថបទ៖ ច័ន្ទវីរៈ
សូមអានព័ត៌មានពាក់ព័ន្ធ៖
ក្រសួងអប់រំ ផ្អាកដំណើរការគ្រឹះស្ថានសិក្សា នៅស្រុកពាមរក៍ ខេត្តព្រៃវែង ជាបណ្តោះអាសន្ន
កំពូលតារា ក្រុមការងារ និងគ្រួសារប្អូនអគ្គនាយក ហង្សមាស បានឆ្លងជំងឺកូវីដ១៩ និងមានអាការៈសង្ស័យ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)