ព័ត៌មានជាតិ
ពលរដ្ឋក្នុងឃុំកោះសំពៅ មានភ្លើងប្រើ បន្ទាប់ពីរង់ចាំយូរឆ្នាំ
ប្រជាពលរដ្ឋមួយចំនួននៅក្នុងឃុំកោះសំពៅ ស្រុកពាមជរ ខេត្តព្រៃវែង ត្រេកអរខណៈអាជ្ញាធរបានចាប់ផ្ដើមតភ្ជាប់បណ្ដាញអគ្គិសនីដល់ផ្ទះរបស់ពួកគាត់។
លោក ថោ សាវី ប្រជាពលរដ្ឋរស់នៅក្នុងភូមិអំពៅព្រៃ ឃុំកោះសំពៅ ស្រុកពាមជរ ប្រាប់ថា បច្ចុប្បន្នអាជ្ញាធរបានតភ្ជាប់ខ្សែភ្លើងទៅដល់ផ្ទះរបស់លោករួចហើយ ដោយលោកត្រូវចំណាយប្រាក់ ៨៩ ម៉ឺនរៀល ដើម្បីតខ្សែ។
លោកបញ្ជាក់ថា បណ្ដាញភ្លើងនឹងមកដល់ឆាប់ៗ ដែលផ្ដល់ភាពងាយស្រួលសម្រាប់តម្រូវការប្រចាំថ្ងៃ ដូចជាបំភ្លឺក្នុងផ្ទះ បញ្ចូលទូរស័ព្ទ ចាក់ឧបករណ៍បំពងសំឡេងផ្សេងៗ។
![](https://www.kampucheathmey.com/wp-content/uploads/2024/02/photo_2023-07-26_15-58-42-1024x560.jpg)
កន្លងមកប្រជាពលរដ្ឋនៅក្នុងឃុំកោះសំពៅ ចង់បានភ្លើងប្រើដូចភូមិផ្សេងៗ ខណៈក្នុងផ្ទះពួកគាត់គ្មានភ្លើងប្រើគ្រប់គ្រាន់។
មេឃុំកោះសំពៅ លោក ម៉ម សំបូរ បានប្រាប់ថា ក្រុមហ៊ុនភ្លើងបានចាប់ផ្ដើមតបណ្ដាញអគ្គិសនីនៅទូទាំងឃុំ ដោយភូមិមួយចំនួនអាចប្រើបានគ្រប់គ្រាន់រួចហើយ ដូចជាភូមិស្វាយអណ្ដូង ប៉ុន្តែប្រជាពលរដ្ឋមួយចំនួននៅខ្វះខាតថវិការតខ្សែដោយពួកគាត់រង់ចាំពេលក្រោយ។
![](https://www.kampucheathmey.com/wp-content/uploads/2024/02/photo_2024-02-07_10-51-02-1024x768.jpg)
លោកមេឃុំបញ្ជាក់ថា បច្ចុប្បន្នក្រុមការងារតភ្ជាប់ភ្លើងកំពុងតែធ្វើសកម្មភាពយ៉ាងសកម្ម នៅភូមិខ្សាច់ ភូមិទួលសាំង និងភូមិអំពៅព្រៃ ហើយបន្តទៅភូមិពោធិ៍ថ្មីទៀត ខណៈប្រជាពលរដ្ឋក៏ផ្ដល់ថវិកាជូនក្រុមហ៊ុនជាបន្តបន្ទាប់។
លោកមេឃុំបញ្ជាក់ទៀតថា ប្រជាពលរដ្ឋនៅក្នុងឃុំមានជាង ២ ពាន់គ្រួសារ ខណៈក្រុមហ៊ុនកំពុងពន្លឿនសកម្មភាពតភ្ជាប់ឱ្យប្រជាពលរដ្ឋ៕
![](https://www.kampucheathmey.com/wp-content/uploads/2024/02/2023-18-news-1024x614.jpg)
អត្ថបទ៖ ឡេង ដេត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ