​ខេត្តព្រៃវែងនាំចេញស្រូវ​ទៅវៀតណាម ​ជាង ៤០ ម៉ឺនតោននាដើមឆ្នាំនេះ

យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែងបានឱ្យដឹងថា គិតចាប់ពីថ្ងៃទី ០១ ខែមករា ដល់ថ្ងៃទី ២០ ខែកុម្ភៈ ឆ្នាំ ២០២៤ ខេត្តព្រៃវែង បាននាំចេញស្រូវ​​ទៅ​កាន់​ប្រទេស​វៀតណាមប្រមាណជាង ៤៦ ម៉ឺនតោន(៤៦៥,៥៩៨ ) ខណៈតម្លៃស្រូវ OM5451 ​ បានធ្លាក់ចុះតម្លៃពី ១.៣៥០ រៀល មកនៅ ១.០២០ រៀល/គីឡូក្រាមនៅខែកុម្ភៈ។

​នៅក្នុងដើមខែមករា ឆ្នាំ២០២៤ ​មន្ទីរកសិកម្មសន្និដ្ឋានថា ស្រូវប្រាំងដាំដុះលើផ្ទៃដីស្រូវ​វស្សា​ប្រមាណ ៣៨,៨៣៧ ហិកតា អាចប្រឈមនឹងការខ្វះខាតទឹកស្រោចស្រពនៅចុងរដូវ។

ឆ្លើយតបនឹងបញ្ហាប្រឈមខាងលើនេះរដ្ឋបាលខេត្តព្រៃវែងបានយកចិត្តទុកដាក់ខ្ពស់ក្នុងការជួយអន្តរាគមន៍ដោយបានបូមទឹកស្រោចស្របសង្រោះលើផ្ទៃដីស្រែកសិករបានប្រមាណ ៣.៧២៩ហិកតា ប្រឡាយវៃគោទី១ នឹងប្រឡាយវៃគោទី២៕