Connect with us

ព័ត៌មានជាតិ

សំរាមផ្សារព្រែកសណ្តែក ក្នុងស្រុកស៊ីធរកណ្តាល  កំពុងចោទជាបញ្ហា

បានផុស

នៅ

សំរាមផ្សារព្រែកសណ្តែក ក្នុងស្រុកស៊ីធរកណ្តាល ខេត្តព្រៃវែង កំពុងចោទជាបញ្ហា​ ខណៈអ្នកគ្រប់គ្រងផ្សារដែលយកភាស៊ីម៉ូតូ សំរាម យកទៅកាយចូលទឹកទន្លេ ដែលស្ថិតនៅចំណុចព្រំប្រទល់ស្រុកស៊ីធរកណ្តាល ខេត្តព្រៃវែង ភ្ជាប់រវាង ឃុំល្វេ ស្រុកកោះសូទិន ខេត្តកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាពលរដ្ឋ សិស្សសាលា និងអាជីវករផ្សារព្រែកសណ្តែក បានរិះគន់ចំពោះអ្នកប្រមូលភាស៊ី គ្រប់គ្រងសំរាម និងផ្ញើម៉ូតូ ដែលកាយសំរាមពីមាត់ច្រាំងចូលទឹកទន្លេ ដែលធ្វើឱ្យប៉ះពាល់សោភ័ណភាពដងទន្លេតូច និងជះក្លិនស្អុយពេញបរិស្ថានជុំវិញ។ ប្រជាពលរដ្ឋបន្តថា បញ្ហាសំរាមចោលចូលទៅក្នុងទន្លេតូចនេះ បានកើតជាយូរឆ្នាំមកហើយ ប៉ុន្ដែ គ្មានដំណោះស្រាយ ឬអាជ្ញាធររៀបចំឱ្យមានសណ្តាប់ធ្នាប់ បរិស្ថានជុំវិញនោះទេ ពោល គឺអ្នកប្រមូលសំរាមទាំងនោះ មិនបានយកទៅទុកដាក់ឱ្យបានត្រឹមត្រូវឡើយ។

សំរាមជាច្រើនប្រភេទដែលបោះចោលចូលទន្លេនោះ បានធ្វើឱ្យប៉ះពាល់ដល់ប្រជាពលរដ្ឋ អ្នកដំណើរ សិស្សសាលា និងបរិស្ថានជុំវិញជះក្លិនស្អុយ ហើយកន្លែងគំនរសំរាមនេះ ក៏ជាកំពង់ចំលងទូករវាងអ្នកស្រុកកោះសូទិន ក្នុងឃុំល្វេ ឆ្លងមកកាន់ផ្សារព្រែកសណ្តែកនេះ។ ប្រជាពលរដ្ឋរស់នៅតាមបណ្តោយដងទន្លេតូចនេះ ដែលជាដៃទន្លេចាក់ពីទន្លេមេគង្គឆ្ពោះទៅខេត្តព្រៃវែង បានលើកឡើងថា ឱ្យតែរដូវទឹកឡើង គឺសំរាមនៅទីនោះ បានអណ្តែតពេញផ្ទៃដី ហើយជះក្លិនស្អុយពេញតំបន់នោះ ដែលបណ្តាលឱ្យបាត់បង់សោភ័ណភាពធម្មជាតិ ព្រមទាំងធ្វើឱ្យប៉ះពាល់ធ្ងន់ធ្ងរដល់សុខភាពសាធារណៈថែមទៀត។

ប្រជាពលរដ្ឋរស់នៅតំបន់នោះ ស្នើសុំឱ្យអាជ្ញាធរថ្នាក់ខេត្ត និងមន្ទីរបរិស្ថានខេត្តព្រៃវែង មេត្តាជួយសិក្សារកមធ្យោបាយដោះស្រាយបញ្ហាសំរាមផ្សារព្រែកសណ្តែកផង ព្រោះសំរាមទាំងអស់នេះ បានបោះចោលកន្លែងនោះយូរឆ្នាំមកហើយ៕

 អត្ថបទ និង រូបភាព ៖ ឡេក ចាន់ពេជ្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម