ទើបរកឃើញវិជ្ជមាន ១ ថ្ងៃបុរសវ័យ ៧៥ ឆ្នាំ ស្លាប់ដោយ​សារជំងឺកូវីដ១៩

លោក ស្រី យក់ សម្បត្តិរដ្ឋលេខាធិការក្រសួងសុខាភិបាល បានប្រាប់កម្ពុជាថ្មី នៅព្រឹកថ្ងៃទី ២២ ខែកុម្ភៈនេះថា បុរសវ័័យ ៧៥ ឆ្នាំម្នាក់ បានស្លាប់បាត់បង់ជីវិតនៅក្នុងមន្ទីរពេទ្យ បន្ទាប់ពីរកឃើញ នៅយប់ថ្ងៃទី ២១ ខែមីនានេះ ស្ថិតក្នុងសង្កាត់កាកាប ខណ្ឌពោធិ៍សែនជ័យ។

អ្នកជំងឺឈ្មោះ ស្តើង ជា អាយុ ៧៥ឆ្នាំ ជាគ្រូពេទ្យផ្នែកកុមារចូលនិវត្តន៍ មានអាការៈ ហត់ និងពិបាកដកដង្ហើមវិវត្តរហ័សរយៈពេល ៣ ទៅ ៤ ថ្ងៃ គួបផ្សំនឹងជំងឺប្រចាំកាយលើសឈាម។

បុរសរូបនេះ ទើបតែតេស្តឃើញវិជ្ជមានកូវីដ១៩ នៅយប់ថ្ងៃទី ២១ ខែមីនានេះ ហើយបានចូលសម្រាកក្នុងមន្ទីរពេទ្យនៅថ្ងៃទី ២១ ខែមីនា ក្នុងសភាពហត់ខ្លាំង។

ដោយក្រុមគ្រូពេទ្យពិនិត្យឃើញមានសភាពរលាកសួតធ្ងន់ធ្ងរខ្លាំងទាំងសងខាងនិងមានខ្សោយសួតខ្លាំង រហូតដល់ប្រើម៉ាសុីនជំនួយដង្ហើម គ្រូពេទ្យព្យាយាមសង្គ្រោះតែសង្គ្រោះមិនបានក៏ស្លាប់បាត់បង់ជីវិត៕

អត្ថបទ៖ សំអឿន