ព័ត៌មានជាតិ

ពលរដ្ឋសាទរអាជ្ញាធរខណ្ឌសែនសុខដែលជួយរំដោះប្រព័ន្ធលូក្នុងបុរីសូនី

បានផុស

៥ years មុន

នៅ

ថ្ងៃចន្ទ ២២ មីនា ២០២១

ដោយ

ពលរដ្ឋរស់នៅក្នុង បុរី សូនី ក្បែរស្ពានអាកាសផ្សារ ដីហុយ សង្កាត់ទឹកថ្លា ខណ្ឌសែនសុខ រាជធានីភ្នំពេញ សំដែងការកោតសរសើរ និងថ្លែងអំណរគុណដល់អាជ្ញាធរខណ្ឌសែនសុខ ដឹកនាំដោយលោក ម៉ូវ ម៉ានិត អភិបាលខណ្ឌសែនសុខ ដែលជួយដោះស្រាយបញ្ហាស្ទះប្រព័ន្ធលូបង្ហូរទឹកភ្លាមៗ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ធាម ច័ន្ទសេរីវុឌ្ឍ ប្រធានការិយាល័យសាធារណការ ខណ្ឌសែនសុខ ប្រាប់អោយដឹងថា បន្ទាប់ពីទទួលបានដំណឹងភ្លាមៗ និងដោយមានការយកចិត្តទុកដាក់ខ្ពស់ពីសំណាក់លោកម៉ូវ ម៉ានិត អភិបាល នៃគណៈអភិបាលខណ្ឌសែនសុខ រូបលោកផ្ទាល់ ដោយសហការជាមួយអាជ្ញាធរសង្កាត់ទឹកថ្លា រថយន្តបូមលូ មន្ទីរសាធារណការ និង ដឹកជញ្ជូន សាលារាជធានីភ្នំពេញ ចុះជួយអន្តរាគមន៍ដោះស្រាយបញ្ហាស្ទះប្រព័ន្ធលូបង្ហូរទឹក ជូនបងប្អូនប្រជាពលរដ្ឋ រស់នៅ ក្នុងបុរី សូនី ក្បែរស្ពានអាកាសផ្សារ ដីហ៊ុយ ផ្លូវលេខ ៣៦ សូនី នៃ មូលដ្ឋានសង្កាត់ទឹកថ្លា ខណ្ឌសែនសុខ រាជធានីភ្នំពេញ រួចរាល់ហើយ ។

សូមជំរាបជូនអោយដឹងថា កាលពីសប្តាហ៍មុន ប្រជាពលរដ្ឋ រស់នៅ ក្នុងបុរី សូនី ក្បែរស្ពានអាកាសផ្សារដីហ៊ុយ ផ្លូវលេខ៣៦ មូលដ្ឋានសង្កាត់ទឹកថ្លា ខណ្ឌសែនសុខ រាជធានីភ្នំពេញ រៀបរាប់ឲ្យដឹងថា សព្វថ្ងៃនេះ ពួកគាត់កំពុងជួបបញ្ហាស្ទះប្រព័ន្ធលូបង្ហូរទឹក ធ្វើអោយទឹកដកពេញលើផ្លូវ បង្កផលប៉ះពាល់ដល់ការធ្វើដំណើរ ជាពិសេស ទឹកដែលដក់នៅលើផ្លូវនោះ មានសភាពពណ៍ខ្មៅ និងជះក្លិនមិនល្អផងដែរ ។

ប្រជាពលរដ្ឋ រៀបរាប់បន្តថា បញ្ហាស្ទះប្រព័ន្ធលូបង្ហូរទឹក ដែលធ្វើអោយទឹកដកពេញលើផ្លូវ បង្កផលប៉ះពាល់ទៅដល់ប្រជាពលរដ្ឋរស់នៅតំបន់នោះ ទើបតែរយះពេលជាង ១សប្តាហ៍ប៉ុណ្ណោះ នៅពេលចេញ ចូលក្នុងផ្ទះម្តងៗ ក៏លំបាកណាស់ដែរ ដោយសារទឹកស្អុយនោះប្រឡាក់ជាប់កង់ម៉ូតូ ដូច្នេះត្រូវលាងសំអាតជារៀងរាល់ថ្ងៃ ។

ដោយសារតែជួបបញ្ហាស្ទះប្រព័ន្ធលូបង្ហូរទឹកនេះហើយ ប្រជាពលរដ្ឋរស់នៅក្នុងបុរី សូនី ក្បែរស្ពានអាកាសផ្សារដីហ៊ុយសូមស្នើរអាជ្ញាធរ មេត្តាជួយដោះស្រាយ ៕

អត្ថបទ ៖ រ៉ាវុទ្ធ