ព័ត៌មានជាតិ

រដ្ឋមន្ត្រីក្រសួងការងារ និង ឯកអគ្គរដ្ឋទូតទីម័រខាងកើត បង្ហាញគោលបំណង បង្កើតកិច្ចសហប្រតិបត្តិការលើវិស័យ TVET

បានផុស

១ year មុន

នៅ

ថ្ងៃពុធ ១៩ មីនា ២០២៥

ដោយ

លោក ហេង សួរ រដ្ឋមន្ត្រីក្រសួងការងារ និង បណ្ដុះបណ្ដាលវិជ្ជាជីវៈ និង លោក អ៊ឺមេណេហ្ស៉ីលដូ គុប៉ា ឡូប៉េស (Ermenegildo Krupa Lopes) ឯកអគ្គរដ្ឋទូត នៃសាធារណរដ្ឋប្រជាធិបតេយ្យទីម័រខាងកើតប្រចាំនៅកម្ពុជា បានបង្ហាញពីគោលបំណងបង្កើតកិច្ចសហប្រតិបត្តិការលើវិស័យ TVET។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហាញគោលបំណងនេះ ក្នុងឱកាស លោក ហេង សួរ ទទួលជួបសម្ដែងការគួរសម និង ពិភាក្សាការងារជាមួយ លោក អ៊ឺមេណេហ្ស៉ីលដូ គុប៉ា ឡូប៉េស (Ermenegildo Krupa Lopes) កាលពីរសៀលថ្ងៃទី ១៨ ខែមីនា ឆ្នាំ ២០២៥ ម្សិលមិញ។

នាឱកាសនោះ លោក ហេង សួរ បានបង្ហាញការស្វាគមន៍ និង ជំរុញឲ្យមានកិច្ចសហប្រតិបត្តិការទ្វេភាគីរវាង កម្ពុជា និង ទីម័រខាងកើត លើវិស័យបណ្ដុះបណ្ដាលបច្ចេកទេស និង វិជ្ជាជីវៈ (TVET) ដោយក្នុងន័យនេះ លោករដ្ឋមន្ត្រី បានបង្ហាញការស្វាគមន៍ឲ្យមានកិច្ចសហប្រតិបត្តិការក្នុងកម្រិត នៃការចុះអនុស្សរណៈយោគយល់រួមគ្នា រវាងគ្រឹះស្ថានអប់រំបណ្ដុះបណ្ដាលបច្ចេកទេស នៃប្រទេសទីម័រខាងកើត ជាមួយគ្រឹះស្ថានអប់រំបណ្ដុះបណ្ដាលបច្ចេកទេស និង វិជ្ជាជីវៈ (TVET) របស់កម្ពុជា។

ទន្ទឹមនេះ លោករដ្ឋមន្ត្រី គូសបញ្ជាក់ថា កម្ពុជា និង ទីម័រខាងកើត មានទំនាក់ទំនងការទូតជាមួយគ្នារយៈពេល ២៣ ឆ្នាំ មកហើយ ដូចនេះ លោករដ្ឋមន្ត្រី ជឿជាក់ថា តាមរយៈបេសកកម្មការទូតរបស់ឯកអគ្គរដ្ឋទូត នៃសាធារណរដ្ឋប្រជាធិបតេយ្យទីម័រខាងកើតប្រចាំនៅកម្ពុជា នឹងជួយពង្រឹងទំនាក់ទំនង និង កិច្ចសហប្រតិបត្តិការរវាងប្រទេសទាំងពីរកាន់តែរឹងមាំថែមទៀត។

ជាការឆ្លើយតប លោក Ermenegildo Krupa Lopes បានថ្លែងអំណរគុណចំពោះរាជរដ្ឋាភិបាលកម្ពុជាដែលតែងជួយគាំទ្រដល់រដ្ឋាភិបាលទីម័រខាងកើត ជាពិសេស លោក បានកោតសរសើរចំពោះប្រទេសកម្ពុជាមានការអភិវឌ្ឍលើគ្រប់វិស័យ មានចក្ខុវិស័យច្បាស់លាស់ ប្រជាជនរស់នៅក្នុងសន្តិភាព។

ជាមួយនេះ លោកឯកអគ្គរដ្ឋទូតទីម័រខាងកើត ក៏បានសម្ដែងការគាំទ្រចំពោះការជំរុញឲ្យមានកិច្ចសហប្រតិបត្តិការរវាងប្រទេសទីម័រខាងកើត និង ប្រទេសកម្ពុជា ក្នុងការបណ្ដុះបណ្ដាលធនធានមនុស្ស និង កម្លាំងពលកម្មជំនាញរវាងប្រទេសទាំងពីរ ហើយក៏នឹងជំរុញដល់កិច្ចសហប្រតិបត្តិការលើវិស័យការងាររួមគ្នាផងដែរ៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា