ព័ត៌មានជាតិ
រដ្ឋបាលខណ្ឌកំបូល ដាក់គ្រឿងចក្រឈូសឆាយកិនបង្ហាប់ផ្លូវជង្ហុកសំបុកមាន់ សម្រួលការធ្វើដំណើរប្រជាពលរដ្ឋ
រដ្ឋបាលខណ្ឌកំបូល បានដាក់គ្រឿងចក្រ ឈូសឆាយ កៀរសម្រួល និងកិនបង្ហាប់ផ្លូវក្នុងតំបន់ជង្ហុកសំបុកមាន់ ដើម្បីសម្រួលដល់ការធ្វើដំណើរ និងបំពេញតម្រូវការរបស់ប្រជាពលរដ្ឋក្នុងសហគមន៍ទាំងមូល។
លោក ជា ឃឿន ប្រធានការិយាល័យសាធារណការ ដឹកជញ្ជូន អនាម័យ បរិស្ថាន បានប្រាប់ កម្ពុជាថ្មី នៅព្រឹកថ្ងៃទី ៧ ខែឧសភា ឆ្នាំ ២០២៥ នេះថា ដោយមានការណែនាំពី លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានចាត់ឱ្យលោក ដឹកនាំមន្ត្រីការិយាល័យ និងសណ្ដាប់ធ្នាប់សាធារណៈ ចុះធ្វើការឈូសឆាយ កៀរសម្រួល និងកិនបង្ហាប់ផ្លូវជង្ហុកសំបុកមាន់ ដើម្បីសម្រួលដល់ប្រជាពលរដ្ឋក្នុងការធ្វើដំណើរចំនួន ០១ ខ្សែ ចាប់ពីភូមិត្រពាំងឈូក រហូតដល់ប្រឡាយតាហោ ស្ថិតក្នុងភូមិត្រពាំងឈូក សង្កាត់កន្ទោក ភូមិត្មាតពង ភូមិព្រៃរមាសទី ១ និងភូមិព្រៃរមាសទី ២ សង្កាត់បឹងធំ ខណ្ឌកំបូល រាជធានីភ្នំពេញ។
លោក ជា ឃឿន បានបន្តថា ផ្លូវមួយខ្សែនេះ មានប្រវែង ៣៥០០ ម៉ែត្រ ហើយផ្លូវនេះស្ថិតក្នុងគម្រោងរបស់សាលារាជធានី។ ចំពោះផ្លូវនេះទៀត រដ្ឋបាលខណ្ឌ ក៏បានដាក់ស្នើចូលទៅគម្រោង ៣ ឆ្នាំរំកិល របស់សាលារាជធានីរួចហើយ។ ការងារជួសជុលនេះ គឺជាផ្នែកមួយ នៃយុទ្ធនាការរបស់រដ្ឋបាលខណ្ឌ ក្នុងការកែសម្រួលគ្រប់ផ្លូវដែលខូចខាតដោយទឹកភ្លៀងនារដូវវស្សា ដើម្បីជួយសម្រួលដល់ការធ្វើដំណើររបស់ប្រជាពលរដ្ឋបានល្អប្រសើរ និងបង្កើនសុវត្ថិភាពចរាចរណ៍ និងរួមចំណែកក្នុងការអភិវឌ្ឍជាមួយរាជរដ្ឋាភិបាល។
អ្នកស្រី អៀង ផល្លា ជាអាជីវករលក់ដូរតាមបណ្ដោយផ្លូវខាងលើ មានចំណាប់អារម្មណ៍ថា អ្នកស្រី ត្រេកអរសប្បាយចិត្តដែលអាជ្ញាធរយកចិត្តទុកដាក់មកជួយឈូសបង្ហាប់ផ្លូវនេះឱ្យល្អប្រសើរ ព្រោះផ្លូវមួយខ្សែនេះ នៅមិនទាន់មានផ្លូវបេតុងនៅឡើយទេ។
អ្នកស្រី បានបន្តថា ផ្លូវមួយខ្សែខាងលើនេះ នៅខែប្រាំង គឺមានដីហុយ ហើយខែវស្សាវិញ គឺទឹកដក់ជង្ហុកពិបាកក្នុងការធ្វើដំណើរ។
ជាមួយនេះ អ្នកស្រី អៀង ផល្លា ក៏ដូចជាប្រជាពលរដ្ឋរស់នៅតាមបណ្ដោយផ្លូវមួយខ្សែខាងលើនេះ ក៏បានសំណូមពរដល់អាជ្ញាធរខណ្ឌ និងរដ្ឋបាលរាជធានីភ្នំពេញ សូមជួយស្ថាបនាផ្លូវនេះឱ្យក្លាយជាផ្លូវបេតុង ដើម្បីឱ្យការធ្វើដំណើរ ប្រកបរបររកស៊ី បានស្រួលផង។ បច្ចុប្បន្ន ការធ្វើដំណើររបស់ប្រជាជនក្នុងតំបន់ កំពុងប្រឈមមុខនឹងការលំបាកដោយសារមិនមានផ្លូវល្អគ្រប់គ្រាន់៕
អត្ថបទ ៖ សំណាង
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS