ព័ត៌មានជាតិ

សង្កាត់ចោមចៅទី១ និងចោមចៅទី២ ត្រៀមរដ្ឋាករទឹក នឹងផ្តាច់ការផ្គត់ផ្គង់រយៈពេលវែង នៅដើមខែមេសាខាងមុខ

បានផុស

៣ years មុន

នៅ

ថ្ងៃសៅរ៍ ២៧ មីនា ២០២១

ដោយ

រដ្ឋាករទឹកស្វយ័តក្រុងភ្នំពេញបានឲ្យដឹងតាមរយៈផ្ញើជូនអភិបាលខណ្ឌពោធិ៍សែនជ័យ កាលពីថ្ងៃម្សិលមិញថា នៅថ្ងៃទី០៧ ខែមេសា ខាងមុខនេះ រដ្ឋាករទឹកនឹងកាត់តបំពង់មេនៅផ្លូវលេខ៥៧ ដូច្នេះនឹងកាត់ផ្តាច់ការផ្គត់ផ្គង់ទឹករយ:ពេល៨ម៉ោងនៅពេលយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាករទឹកស្វយ័តក្រុងភ្នំពេញបានបញ្ជាក់នៅលើលិខិតរបស់ខ្លួនថា រដ្ឋាករទឹកត្រូវកាត់ភ្ជាប់បំពង់មេទំហំ១០០០មម ទៅទំហំ៦០០មម នៅលើផ្លូវលេខ៥៧សេសេ កែងនឹងផ្លូវលេខសេសេ ចាប់ពីចំណុច ផ្លូវលេខ២៥សេសេ ដល់ចំណុចផ្លូវលេខ៤០៧ សេសេ ដែលត្រូវផ្អាកការផ្គត់ផ្គង់ទឹក នៅក្នុងភូមិសាស្ត្រ សង្កាត់ចោមចៅទី១ និងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ នៅយប់ថ្ងៃពុធ ទី០៧ ខែមេសា ឆ្នាំ២០២១។

បើតាមរដ្ឋាករទឹក ការងារកាត់ភ្ជាប់បំពង់មេទំហំ១០០០មម ទៅទំហំ៦០០មម ខាងលើនេះ តម្រូវឱ្យរដ្ឋាករទឹកស្វយ័តក្រុងភ្នំពេញ ផ្អាកការផ្គត់ផ្គង់ទឹកមួយរយៈ ពេលប្រមាណជា០៨ម៉ោង គឺចាប់ពីម៉ោង ២០:០០នាទីយប់ ដល់ម៉ោង០៤:០០នាទីទៀបភ្លឺ និងអាចធ្វើឱ្យគុណភាពទឹកមានភាពល្អក់កករមួយរយៈពេល ក្រោយពេលកាត់ភ្ជាប់បំពង់មេនេះរួច។

រដ្ឋាករទឹកស្វយ័តក្រុងភ្នំពេញបានបញ្ជាក់ថា នៅពេលនោះ ប្រជាពលរដ្ឋ ស្ថាប័ន រោងចក្រ សហគ្រាស ដែលមានលំនៅដ្ឋាន និងទីតាំងខាងលើ ដែលនឹងត្រូវរងការខ្វះទឹករយៈពេលយូរ ដូច្នេះត្រូវត្រៀមបម្រុងទឹកសម្រាប់ប្រើប្រាស់ក្នុងរយៈពេលដូចបានជម្រាបជូនខាងលើ៕

អត្ថបទ ៖ កោះកែវ