ព័ត៌មានជាតិ
ផ្លូវបេតុងថ្មី ១ ខ្សែ ប្រវែងជិត ២ ពាន់ម៉ែត្រ លេចរូបរាងឡើងនៅក្រុងសែនមនោរម្យ ស្ថាបនាបានជាង ៨០% ហើយ
ផ្លូវបេតុងថ្មី ១ ខ្សែ ដែលមានប្រវែងជិត ២០០០ ម៉ែត្រ និងទទឹង ១២ ម៉ែត្រ បានលេចរូបរាងឡើងនៅក្រុងសែនមនោរម្យ ខេត្តមណ្ឌលគិរី ក្រោយស្ថាបនាអស់ជាច្រើនខែ ហើយពេលនេះសម្រេចបានជាង ៨០% ហើយ ចាប់ពីវិមានឯករាជ្យ ឆ្ពោះទៅជិតផ្លូវបំបែករូបសំណាកដំរីដែក នឹងអាចធ្វើចរាចរណ៍បានទាំងស្រុង នាពេលឆាប់ៗ ខាងមុខនេះ។
អាជីវករឈ្មោះ មុំ ស្រីណុច អាយុ ២៧ ឆ្នាំ ដែលជាប្រជាពលរដ្ឋមានលំនៅឋាននៅក្រុងសែនមនោរម្យ ខេត្តមណ្ឌលគិរី មានមុខរបរលក់ដូរក្បែរដងផ្លូវបេតុងមួយនេះ បានប្រាប់«កម្ពុជាថ្មី»ឲ្យដឹងថា ផ្លូវមួយខ្សែនេះ មុនពេលមិនទាន់ស្ថាបនាក្លាយជាផ្លូវបេតុង គឺមានសភាពតូច និងពិបាកធ្វើដំណើរ ហើយសម្បូរជង្ហុកច្រើន។
អាជីវកររូបនេះ បន្ថែមថា ក្រោយមកដោយមានការយកចិត្តទុកដាក់ពីរាជរដ្ឋាភិបាល ជាពិសេសថ្នាក់ដឹកនាំខេត្តមណ្ឌលគិរី បានស្ថាបនាផ្លូវនេះឡើងយ៉ាងល្អប្រណិត ងាយស្រួលក្នុងការធ្វើចរាចរណ៍ទៅមក បង្កើនសុវត្ថិភាពសម្រាប់អ្នកធ្វើដំណើរ លើកកម្ពស់សោភ័ណភាព និងអាចទាក់ទាញភ្ញៀវទេសចរមកកម្សាន្តក្នុងខេត្តទៀតផង។
ជាមួយនេះ ប្រជាពលរដ្ឋក្រុងសែនមនោរម្យ ខេត្តមណ្ឌលគិរី ដែលយកផ្លូវខាងលើនេះចរាចរណ៍ជារៀងរាល់ថ្ងៃ ក៏បានសម្ដែងក្តីរីករាយ និងធ្វើដំណើរដោយស្នាមញញឹម ខណៈកន្លងទៅ ផ្លូវមួយខ្សែនេះ ធ្លាប់តែមានសភាពខូចខាតជាច្រើនកន្លែងពិបាកក្នុងការធ្វើដំណើរទាំងភ្ញៀវទេសចរដែលបានមកកម្សាន្តក្នុងខេត្ត ក៏ដូចជាប្រជាពលរដ្ឋនៅក្រុងសែនមនោរម្យ ខេត្តមណ្ឌលគិរី ផងដែរ។
ដោយឡែក ក្រុមជាងដែលកំពុងមមាញឹកញាប់ដៃញាប់ជើងស្ថាបនាផ្លូវបេតុងនេះ បានបញ្ជាក់ថា បន្ទាប់ពីសាងសង់ផ្លូវនេះឡើង ជាក់ស្ដែងបានប្រមាណជាង ៨០% ហើយ នៅតែចាក់គម្របលូ និងខឿនសួនច្បារតាមចិញ្ចើមផ្លូវបន្ថែមទៀតតែប៉ុណ្ណោះ នឹងរួចរាល់ជាស្ថាពរ។
ក្រុមជាងដដែល បញ្ជាក់ទៀតថា ចំណែកឯផ្លូវម្ខាងទៀតដែលទើបនឹងស្ថាបនា និងដាក់របាំងចំកណ្ដាលទ្រូងផ្លូវនោះ មិនទាន់អនុញ្ញាតឲ្យប្រើប្រាស់បាននៅឡើយទេ។ លើសពីនេះ បើតាមមើលសភាពផ្លូវបេតុងនេះជាក់ស្ដែងមិនយូរទៀតទេ ប្រហែលជា ៣ សប្ដាហ៍ ទៅ ៤ សប្ដាហ៍ទៀតតែប៉ុណ្ណោះ ផ្លូវមួយខ្សែនេះ នឹងអាចចរាចរណ៍បានហើយ៕
អត្ថបទ ៖ រៀម សុខហេង
ផ្លូវបេតុងថ្មី ១ ខ្សែ ប្រវែងជិត ២ ពាន់ម៉ែត្រ លេចរូបរាងឡើងនៅក្រុងសែនមនោរម្យ ស្ថាបនាបានជាង ៨០% ហើយ
គួច ខេវិន ជូនប៉ុន្មានប្រយោគទៅ មាស សុខសោភា ព្រោះសោកស្តាយ ដែលនាងជ្រើសបញ្ចប់ជីវិតគូ ភ្ជាប់ខ្លួនទៅនឹងជំនឿ
ប៉ាគីស្ថានចោទឥណ្ឌាថាបាញ់មីស៊ីលលើមូលដ្ឋានទ័ពអាកាសរបស់ខ្លួនចំនួនបីកន្លែង
លោក Munoz ថា Arkadag ជាក្រុមលេងដាក់សម្ពាធខ្លាំង
កីឡាករ FK Arkadag ក្រុមទាំងមូលត្រៀមខ្លួនរួចរាល់សម្រាប់យកជ័យជម្នះនៅថ្ងៃស្អែកនេះ
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
សម្ដេចធិបតី៖ កុំរៀន៤ ឆ្នាំ មានតែសញ្ញាបត្រ អ្វីក៏មិនចេះ ធ្វើការមិនកើត មិនចេះទាំងប្រើ Microsoft Wordទៀត
វេជ្ជបណ្ឌិត គួច ម៉េងលី ប្រាប់ពីវិធីសាស្រ្តរករោគសញ្ញា និងវិធីការពារជំងឺមហារីក
វិធីសាស្ត្រតែមួយគត់! អាចបង្ការខ្លួនពីដំណាក់កាលមហារីកធ្ងន់ធ្ងរមិនអាចព្យាបាលជាសះស្បើយ
អ៊ុយក្រែន៖ រុស្ស៊ីបំពានបទឈប់បាញ់ខ្លួនឯង ដោយវាយប្រហារ២២០លើកក្នុងរយៈពេល២៤ម៉ោង
-
ព័ត៌មានជាតិ៧ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ៣ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៦ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ព័ត៌មានអន្ដរជាតិ៤ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ២ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ១ សប្តាហ៍ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក
-
ព័ត៌មានជាតិ២ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៤ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា