ខណៈគ្រួសារកំពុង​ធ្វើ​បុណ្យ គ្រូពេទ្យ​មក​ដឹក​សព​ចេញ​​ទាំង​យប់​សង្ស័យឆ្លង​​ជំងឺកូវីដ១៩

ភ្នំពេញ៖ មានការភ្ញាក់ផ្អើលទាំងកណ្តាលយប់នៅផ្ទះបុណ្យសពក្នុងបុរីសូនី ខណៈ​ពេលដែលក្រុមគ្រួសារកំពុងធ្វើពិធីបុណ្យសព ក៏​មាន​រថយន្តរបស់មន្ទីរពេទ្យមកដឹកយកសពចេញទៅបូជា ដោយសារពាក់ពន្ធ័និងជំងឺកូវីដ១៩។

តាមប្រភពពីលោក វ៉ាន់ ចាន់ដារ៉ា មេភូមិឬស្សី១សង្កាត់ស្ទឹងមានជ័យទី៣បានឲ្យដឹងថា កាលពីយប់ថ្ងៃទី២៧ខែមីនានេះមានរថយន្តរបស់មន្ទីរពេទ្យរដ្ឋបានមកដឹកយកសពលោកតាឈ្មោះ ប៊ូ សារុំ អាយុ៧៨ឆ្នាំស្នាក់នៅផ្ទះលេខ​៣៦៨​ផ្លូវ៨១​(បុរីសូនី)​ភូមិឬស្សី១ សង្កាត់ស្ទឹងមានជ័យ៣ខណ្ឌមានជ័យរាជធានីភ្នំពេញ។

លោកមេភូមិបន្តថា កាលពីថ្ងៃទី២៤ខែមីនាកន្លងទៅ លោកតាមានជំងឺឡើងសម្ពាធឈាមហើយត្រូវបានកូនចៅដឹកយកទៅធ្វើការព្យាបាលនៅមន្ទីរពេទ្យមិត្តភាព ខ្មែរសូវៀត។ លុះដល់ព្រឹកថ្ងៃទី២៧ខែមីនា កូនចៅបានសម្រេចដឹកយកមកផ្ទះវិញ ព្រោះមិនសង្ឃឹមថារស់រានមានជីវិត។ មកដល់ផ្ទះក៏បានមរណះកាលទៅនារសៀលថ្ងៃដដែល។

លោក វ៉ាន់ ចាន់តារ៉ា បន្តថា បន្ទាប់ពីលោកតាបានផុតទៅហើយនោះ កូនចៅបានរៀបចំធ្វើពិធីបុណ្យសពនៅផ្ទះក្នុងបុរីសូនី រហូតដល់កណ្តាលយប់ក៏ត្រូវបានរថយន្តរបស់មន្ទីរពេទ្យរដ្ឋមកដឹកសពយកទៅបូជាទាំងយប់ដោយសារតែលោកតាមានវិជ្ជមានកូវីដ១៩ ខណះដែលកូនចៅមិនដឹងទាល់តែសោះ។

បើ​លោក​មេភូមិ កូនចៅសព អាច​មាន​ការ​ពាក់ពន្ធ័វិរុសនេះ៕

វីដេអូ៖

អត្ថបទ៖ នរា