ព័ត៌មានជាតិ

តំណាងលោកជំទាវម៉ែន សំអន នាំម៉ាស់និងជែលលាងដៃ ចែកជូនដល់មន្ទីរអធិការកិច្ច៨រាជធានីខេត្តដើម្បីចូលរួមប្រយុទ្ធប្រឆាំងការឆ្លងរាលដាលជំងឺកូវីដ-១៩

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

លោក លីវ សុភក្ត្រា អនុរដ្ឋលេខាធិការ ក្រសួងទំនាក់ទំនងជាមួយរដ្ឋសភា ព្រឹទ្ធសភានិងអធិការកិច្ចតំណាងដ៏ខ្ពង់ខ្ពស់របស់លោកជំទាវកិត្តិសង្គហបណ្ឌិតម៉ែន សំអន នាថ្ងៃទី៣០ មិនានេះបាននាំអំណោយដ៏ថ្លៃថ្លារួមមានម៉ាស់ និងជែលលាងដៃប្រគល់ជូនដល់មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ចំនួន ៨ រាធានីខេត្តដើម្បីជាការចូលរួមប្រយុទ្ធប្រឆាំងការឆ្លងរាលដាលជំងឺកូវីដ-១៩ដែលកំពុងរីករាលដាលក្នុងប្រទេសកម្ពុជាគួរឲ្យព្រួយបារម្ភបំផុតនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមើលឃើញពីស្ថានភាពនៃការរីករាលដាលជំងឺកូវីដ-១៩ នាពេលបច្ចុប្បន្នលោកជំទាវកិត្តិសង្គហបណ្ឌិតបានចាត់តំណាងគឺ លោក លីវ សុភក្ត្រា អនុរដ្ឋលេខាធិការ ក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ចធ្វើការផ្ដល់ជូននូវម៉ាស់សុវត្ថិភាពចំនួន ៨០,០០០ម៉ាស់ និងជែលលាងដៃចំនួន៨០០ដប ដូចៗដល់មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ចំនួន ៨រាជធានីខេត្តដើម្បីជាការចូលរួមចំណែកជាមួយរាជរដ្ឋាភិបាល ដែលមានសម្ដេចតេជោ ហ៊ុន សែន ជានាយករដ្ឋមន្ត្រីដែលជានិច្ចកាលសម្តេចតែងតែយកចិត្តទុកប្រជាពលរដ្ឋជាធំ។

ជាមួយគ្នានេះដែរដោយការចង្អុលបង្ហាញផ្ទាល់ដាក់ពីសំណាក់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា-ព្រឹទ្ធសភា និងអធិការកិច្ច ចំពោះមន្ត្រីក្រោមឳវាទ ក្នុងការការពារ និងទប់ស្កាត់ការរីករាលដាលជម្ងឺកូវីដ-១៩ នៅតាមគ្រប់មូលដ្ឋាន ផងដែរពិេសសអនុវត្តន៍អោយបានខ្ជាប់ខ្ជួននូវវិធានការណ៍របស់សម្តេចតេជោ ៣កុំ ៣ការពារនោះជាកត្តាសំខាន់បំផុត។

មន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ដែលបានទទួលអំណោយរបស់លោកជំទាវកិត្តិសង្គហបណ្ឌិតម៉ែន សំអន តាមរយៈ លោក លីវ សុភក្ត្រា រួមមាន ខេត្តបន្ទាយមានជ័យ, កំពង់ស្ពឺ, ព្រះសីហនុ ,ភ្នំពេញ កំពង់ចាម,ត្បូងឃ្មុំ ,ស្វាយរៀង និងខេត្តកណ្ដាល ដោយមន្ទីរនីមួយៗទទួលបានម៉ាស់សុវត្ថិភាពចំនួន ១០,០០០ម៉ាស់ និងជែលលាងដៃចំណុះ ២៥០មីលីលីត្រចំនួន ១០០ដបដូចៗគ្នា៕

អត្ថបទ ៖ វិមាន