ព័ត៌មានជាតិ

កូនកំលោះកូនក្រមុំពាក់ព័ន្ធលោក កក្កដា សុភ័ណ្ឌ តេស្ត ៣ លើក នៅតែអវិជ្ជមាន

បានផុស

៥ years មុន

នៅ

ថ្ងៃអង្គារ ៣០ មីនា ២០២១

ដោយ

ក្រុមគ្រូពេទ្យនៅព្រឹកថ្ងៃទី ៣០ ខែមីនា ឆ្នាំ២០២១ បានបន្តចុះយកសំណាកមនុស្សជាង ៣០០ នាក់ ទៀត នៅក្នុងពិធីមង្គលការមួួយពាក់ព័ន្ធលោកកក្កដា សុភ័ណ្ឌ នៅភូមិក្រាំងលាវ ឃុំរវៀង ស្រុកសំរោង ខេត្តតាកែវកាលពីថ្ងៃទី ១២ ខែមីនា។

សមត្ថកិច្ចខេត្តតាកែវបានប្រាប់ភ្នាក់ងារព័ត៌មានកម្ពុជាថ្មីថា ការតេស្ត ៣ លើកកន្លងមក មានអ្នកវិជ្ជមានតែម្នាក់គត់ជាចុងភៅមានឈ្មោះ ហ៊ីង សាមួន អាយុ៤៩ឆ្នាំ មានទីលំនៅភូមិព្រេច សង្កាត់រកាក្រៅ ក្រុងដូនកែវ។ ចំណែកកូនកំលោះ កូនក្រមុំតេស្ត ៣ លើក អវិជ្ជមានកូវីដ១៩។

សមត្ថកិច្ចបានបន្តថា ក្រុមគ្រូពេទ្យក៏បានចុះធ្វើតេស្តជាលើកទី ៤ នៅព្រឹកនេះ ដើម្បីស្រាវជ្រាវរកអ្នកពាក់ព័ន្ធបន្តទៀត។

គួរបញ្ជាក់ថា មង្គលការមួយនៅឃុំរវៀង ស្រុកសំរោង ខេត្តតាកែវ មានការសង្ស័យក្រោយបុគ្គលឈ្មោះ កក្កដា សុភ័ណ្ឌមានវិជ្ជមានកូវីដ ១៩ បានចូលរួមមង្គលការនោះ។

មនុស្សជាង ៣០០ នាក់ត្រូវបានធ្វើតេស្តជាបន្តបន្ទាប់ និងអ្នកពាក់ព័ន្ធផ្ទាល់ ០៦នាក់ ត្រូវបានបញ្ជូនទៅធ្វើចត្តាឡីស័កនៅមជ្ឈមណ្ឌលគរុកោសល្យភូមិភាគតាកែវ៕