ព័ត៌មានជាតិ

ឆេះឃ្លាំងដាក់សម្ភារៈនៅសង្កាត់វាលស្បូវទាំងកណ្តាលយប់របួសធ្ងន់ម្នាក់ សមត្ថកិច្ចកំពុងស្រាវជ្រាវរកមូលហេតុ

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

ឃ្លាំងដាក់សម្ភារៈមួយកន្លែង ស្ថិតក្នុងភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញបានរងនូវការឆេះបំផ្លាញ និងបង្កឲ្យបុរសម្នាក់រងរបួសធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកស្រី យន់ សុផល ចៅសង្កាត់វាលស្បូវបានឲ្យដឹងថា អគ្គីភ័យនេះបានកើតឡើងនៅវេលាម៉ោង១រំលងអាធ្រាត្រ ឈានចូលថ្ងៃទី២ ខែមេសា។ ហើយអ្នករងរបួសឈ្មោះ សំរិត សុមាន ភេទប្រុសអាយុ៣៧ឆ្នាំ។ ចំណែកទ្រព្យសម្បតិដែលរងការខូចខាតរួមមាន កុំព្យូទ័រ២គ្រឿង ម៉ូតូ២គ្រឿង កង់១ និងសម្ភារៈជាច្រើនទៀត។

លោកស្រីចៅសង្កាត់វាលស្បូវបន្តថា អគ្គីភ័យនេះ គឺឆេះតែឃ្លាំងខាងលើទំហ៊ំ៧ម៉ែត្រគុណនិង៩ម៉ែត្រ។ ក្នុងហេតុការណ៍នេះមានរថយន្តពន្លត់អគ្គិភ័យរបស់ក្រុមហ៊ុនបុរីប៉េង ហួត ចំនួន២គ្រឿងមកបាញ់ពន្លត់ដោយពុំបានឆ្លងរាលដាលដល់ផ្ទះអ្នកជិតខាងឡើយ។ មកដល់ព្រឹកថ្ងៃដដែលកម្លាំងសមត្ថកិច្ចកំពុងធ្វើការស្រាវរកមូលហេតុដែលបង្កឲ្យមានអគ្គិភ័យនេះកើតឡើង៕

អត្ថបទ ៖ នរា