Connect with us

ព័ត៌មានជាតិ

លោក ឃួង ស្រេង៖ ការបណ្តុះបណ្តាលធនធានមនុស្សពិតជាគ្មានទេ​បើប្រទេសជាតិមានសង្គ្រាម

បានផុស

នៅ

ក្រុមនិស្សិតនៃមហាវិទ្យល័យនិតិសាស្ត្រ និងវិទ្យាសាស្ត្រសេដ្ឋកិច្ច ប្រមាណ២០០នាក់ដឹកនាំដោយព្រឹទ្ធបុរស រុន ពណ្ណរិទ្ធ នាព្រឹកថ្ងៃទី១សីហា ឆ្នាំ២០២៥នេះ បានមកសិក្សាស្វែងយល់ពីការងារនៅរដ្ឋបាលរាជធានីភ្នំពេញ ដែលជាផ្នែកមួយនៃការបង្កើនចំណេះដឹងនៃការអនុវត្តជាក់ស្តែងក្រៅសាលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង អភិបាលនៃគណៈអភិបាលរាជធានីភ្នំពេញបានថ្លែងថា ឧិកាសនៃការបណ្តុះបណ្តាលធនធានមនុស្សនឹងគ្មានទេបើប្រទេសជាតិមានសង្គ្រាម។ ដូច្នេះសន្តិភាពមានអត្ថន័យដ៏ជ្រាលជ្រៅមិនអាចកាត់ថ្លៃបាន និងរកបានយ៉ាងលំបាកដែលសម្តេចអគ្គមហាសេនាបតីតេជោ ហ៊ុន សែន ជាស្ថាបនិកសន្តិភាពសំរាប់កម្ពុជា និងបន្តមកសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រីក្នុងការដឹកនាំកម្ពុជាអភិវឌ្ឍន៍លើគ្រប់វិស័យ ពិសេសការពង្រឹងខឿនការពារជាតិបូរណៈភាពទឹកដីពីសត្រូវឈ្លានពាន។

លោកអភិបាលបានបន្ថែមថា ប្រទេសជាតិរីកចំរើន គឺជាប្រទេសដែលមានធនធានមនុស្សច្រើន មានចំណេះ ដឹងខ្ពង់ខ្ពស់ស្របតាមឆន្ទៈដ៏មុតស្រួចរបស់សម្តេចមហាបវរ ហ៊ុន ម៉ាណែត ដែលនឹងប្រែក្លាយប្រទេសកម្ពុជាឲ្យក្លាយជាប្រទេសមានចំណូលខ្ពស់នៅឆ្នាំ២០៥០។

លោក ឃួង ស្រេង បញ្ជាក់ទៀតថា ក្មួយៗប្អូនៗបានសិក្សាខ្ពង់ខ្ពស់ គឺផ្តើមចេញពីញើសឈាមរបស់យុវជនជំនាន់មុនទ្រោះត្រាយផ្លូវ និងលះបង់សព្វបែបយ៉ាងក្នុងនោះក៏មានការពង្រឹងវិស័យអប់រំដែលជាស្នូលនៃការអភិវឌ្ឍន៍។ គឺបុរសម្នាក់នេះហើយដែលបានលះបង់អ្វីៗសព្វបែបយ៉ាងជូនប្រជាជន និងជាតិកម្ពុជាបានសុខសាន្ត និងការអភិវឌ្ឍន៍។ ប្អូនៗនិងក្មួយៗត្រូវដឹងថា តើប្អូនៗចាប់ផ្តើមចេញដំណើរពីប្រភពណា ហើយបន្តដំណើរទៅណា។

លោកអភិបាលរាជធានីភ្នំពេញបានបន្ថែមថា សម្តេចអគ្គមហាសេនាបតីតេជោ ហ៊ុន សែន និងសម្ដេចមហាបវរធិបតី ហ៊ុន ម៉ាណែត ក្នុងមួយឆ្នាំៗបានបញ្ជូននិស្សិតទៅបន្តការសឹក្សានៅបរទេសជាច្រើននាក់ដើម្បីបណ្ដុះបណ្ដាលធនធានមនុស្សជំនាន់ក្រោយ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម