ព័ត៌មានជាតិ
អាជ្ញាធរសង្កាត់ស្ទឹងមានជ័យទី ៣ បន្តចុះរៀបចំសណ្ដាប់ធ្នាប់លើផ្លូវវេងស្រេង កាត់បន្ថយការកកស្ទះ
នៅថ្ងៃទី ៥ ខែសីហា ឆ្នាំ ២០២៥ នេះ អាជ្ញាធរសង្កាត់ស្ទឹងមានជ័យទី ៣ បានបន្តចុះរៀបចំសណ្ដាប់ធ្នាប់នៅលើផ្លូវវេងស្រេង ដើម្បីកាត់បន្ថយការកកស្ទះ និងលក់ដូរគ្មានសណ្ដាប់ធ្នាប់ ដែលធ្វើឲ្យបាត់បង់សោភណភាព។
ដោយទទួលបានបទបញ្ជាពី លោក សេង គន្ធ អភិបាល នៃគណៈអភិបាលខណ្ឌមានជ័យ លោក សាំង ស៊ីណា ចៅសង្កាត់ស្ទឹងមានជ័យទី ៣ បានដឹកនាំកម្លាំងគណៈបញ្ជាការឯកភាពសង្កាត់ ចុះរៀបចំសណ្ដាប់ធ្នាប់របៀបរៀបរយក្នុងមូលដ្ឋានសង្កាត់តាមបណ្តោយផ្លូវវេងស្រេង។
បញ្ហាប្រឈមដែលធ្វើឲ្យមានការកកស្ទះ និងបាត់បង់នូវសោភ័ណភាពក្នុងមូលដ្ឋាន ដោយសារតែ នៅពេលម៉ោងកម្មករ កម្មការិនី ចេញពីរោងចក្រច្រើន ពលរដ្ឋលក់ដូរតាមរទេះ រ៉ឺម៉ក បន្លែ ផ្លែឈើ បាយ សាច់ បានដាក់លក់លើផ្លូវ ធ្វើឲ្យផ្លូវរួមតូច ពិបាកក្នុងការធ្វើដំណើរ។
ក្នុងយុទ្ធនាការរយៈពេលខ្លី តែទទួលបានលទ្ធផលខ្ពស់ សម្រាប់ការណែនាំរបស់អាជ្ញាធរសង្កាត់ ខណ្ឌ ចំពោះពលរដ្ឋដែលលក់ដូរលើផ្លូវ និងចិញ្ចើមផ្លូវ កម្លាំងគណៈបញ្ជាការឯកភាពសង្កាត់ ខណ្ឌ នៅតែបន្តអនុវត្តក្នុងការចុះរៀបចំសណ្ដាប់របៀបរៀបរយសាធារណៈក្នុងមូលដ្ឋានសង្កាត់ឲ្យបានប្រសើរឡើង។
ជាមួយគ្នានេះ អាជ្ញាធរ ក៏បានសំណូមពរឲ្យអាជីវករទាំងអស់ចូលរួមជាមួយនឹងអាជ្ញាធរក្នុងការចុះរៀបចំសណ្ដាប់ធ្នាប់ និងលក់ដូរតាមអ្វីដែលអាជ្ញាធរបានរៀបចំជូនដោយកំណត់ព្រំឲ្យលក់បានត្រឹមត្រូវ ជៀសវាងការលក់ដូរធ្វើឲ្យប៉ះពាល់សណ្ដាប់ធ្នាប់សាធារណៈ៕
អត្ថបទ ៖ ម៉េង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ