ព័ត៌មានជាតិ

កម្មកររោងចក្រមួយរកឃើញឆ្លងកូវីដ១៩ ចំនួន៦៣១ នាក់

បានផុស

៤ years មុន

នៅ

ថ្ងៃសុក្រ ៩ មេសា ២០២១

ដោយ

គិតត្រឹមយប់ថ្ងៃទី ៩ ខែមេសា ឆ្នាំ២០២១នេះ កម្មករកម្មការិនី នៅរោងចក្រឌីន ហាន ចំនួន ៦៣១ នាក់ ហើយបានឆ្លងកូវីដ១៩ ។ នេះបើតាមលោក ឃួង ស្រេង អភិបាលរាជធានីភ្នំពេញបានថ្លែងនៅក្នុងសន្និសីទសារព័ត៌មានមុននេះ។

រោងចក្រឌីន ហាន មានទីតាំងស្ថិតនៅក្នុងស្ថិតនៅភូមិថ្មី សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ។រោងចក្រនេះមានកម្មករបម្រើការងារជាង ២០០០នាក់ និងត្រូវបានក្រុមគ្រូេពទ្យធ្វើតេស្តជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវេលាម៉ោង ០០:00 រំលងអាធ្រាត្រនេះអាជ្ញាធរ សម្រេចបិទខ្ទប់តំបន់មួយចំនួនរួមមាន សង្កាត់ស្ទឹងមានជ័យ១ សង្កាត់ស្ទឹងមានជ័យ២ ប្រជាពលរដ្ឋរស់នៅភូមិទ្រុងមាន់ ក្នុងខណ្ឌសែនសុខ និងប្រជាពលរដ្ឋរស់នៅចំនួន ៦ ភូមិទៀតស្ថិតនៅក្នុងខណ្ឌពោធិ៍សែនជ័យ ដែលភូមិទាំងនេះមានបងប្អូនកម្មករជួលផ្ទះរស់នៅច្រើន។

លោក ឃួង ស្រេង អភិបាលរាជធានីភ្នំពេញថា ការបិទខ្ទប់ភូមិដ្ឋានខាងលើនេះ ដើម្បីបង្កា និងទប់ស្កាត់ការឆ្លងកូវីដ១៩ និងបានសុំការយោគយល់ពីបងប្អូនប្រជាពលរដ្ឋទាំងអស់ ដែលត្រូវបានអាជ្ញាធរបិទតំបន់របស់ខ្លួន ដែលពិតជាបានធ្វើឱ្យប៉ះពាល់អារម្មណ៍របស់បងប្អូនជាក់ជាមិនខាន។ ប៉ុន្តែយើងត្រូវតែរួមគ្នាដើម្បីទប់ស្កាត់នូវការរីករាលដាលនៃជំងឺកូវីដ១៩ ហើយបញ្ហាផ្សេងៗ ដែលបងប្អូនប្រជាពលរដ្ឋស្នើមកអាជ្ញាធរ និងកងកម្លាំង នឹងរង់ចាំសហការជាមួយបងប្អូនជានិច្ចចំពោះបងប្អូន ដែលត្រូវការរក្សានូវសន្តិសុខ សណ្តាប់ធ្នាប់ ក៏ដូចជាចង់ទិញអាហារ និងថ្នាំពេទ្យអាជ្ញាធរនឹងសម្រួលជូនបងប្អូនជានិច្ច។

អត្ថបទ៖ ស្រី រ័ត្ន