Connect with us

នយោបាយ

គណបក្សឯកភាពជាតិខ្មែរ ប្រកាសគាំទ្រឲ្យថ្នាក់ដឹកនាំកំពូលៗ មានសញ្ជាតិខ្មែរតែមួយ

បានផុស

នៅ

គណបក្សឯកភាពជាតិខ្មែរ នៅថ្ងៃទី១២ ខែតុលា ឆ្នាំ២០២១នេះ បានប្រកាសគាំទ្រចំពោះការធ្វើវិសោធនកម្មរដ្ឋធម្មនុញ្ញ និងច្បាប់ពាក់ព័ន្ធ ដើម្បីកំណត់ឲ្យថ្នាក់ដឹកនាំកំពូលៗ របស់ជាតិ មានសញ្ជាតិខ្មែរតែមួយ។ នេះបើតាមការបញ្ជាក់ពីប្រធានស្តីទី គណបក្សនេះ។

លោកស្រី ឡាក់ សុភាព ប្រធានស្តីទី គណបក្សឯកភាពជាតិខ្មែរ បានថ្លែងប្រាប់កម្ពុជាថ្មីថា យើងចង់បានមេដឹកនាំដែលមានសញ្ជាតិតែមួយ ដែលគិតពីផលប្រយោជន៍ខ្មែរ ការពារផលប្រយោជន៍ខ្មែរ ការពារប្រជាផលប្រយោជន៍ប្រជាពលរដ្ឋខ្មែរ។ លោកស្រីថា អ្វីដែលប្រជាពលរដ្ឋចង់បាន គឺភាពកក់ក្តីពីថ្នាក់ដឹកនាំ និងការរស់នៅជាមួយគ្នា មានសុខ មានទុក្ខជាមួយគ្នា។

បើតាមលោកស្រី ឡាក់ សុភាព ការមានសញ្ជាតិតែមួយ មានផលប្រយោជន៍សម្រាប់ប្រជាជាតិខ្មែរ។ លោកស្រី បានអះអាងថា មេដឹកនាំណាក៏ដោយ ដែលមានសញ្ជាតិពីរ នៅពេលមានបញ្ហាអ្វីមួយ តែងតែរត់ចោលប្រជាពលរដ្ឋ ទុកឲ្យប្រជាពលរដ្ឋខ្មែរ ឬអ្នកគាំទ្ររបស់ខ្លួន មានភាពរងារ រស់នៅដោយឯកា ហើយខ្លួនឯងរត់ទៅសោយសុខនៅឯក្រៅប្រទេស។ លោកស្រីថា ប្រសិនបើច្បាប់នេះ តម្រូវរហូតដល់តំណាងរាស្រ្ត ឲ្យមានសញ្ជាតិតែមួយថែមទៀត ក៏ត្រូវតែធ្វើដែរ ពីព្រោះជាកាតព្វកិច្ចបម្រើប្រជាជាតិខ្មែរ បម្រើផលប្រយោជន៍ខ្មែរ។

លោកស្រី បានអះអាងទៀតថា គណបក្សឯកភាពជាតិខ្មែរ បានដាក់ចិត្ត ដាក់កាយ ដើម្បីបម្រើផលប្រយោជន៍ប្រជាពលរដ្ឋខ្មែរ ដោយមិនរត់ចោលស្រុក ដូចអ្នកនយោបាយផ្សេងៗ នោះឡើយ ហើយលោកស្រីក៏មិនចង់ឃើញប្រវត្តិសាស្រ្តខ្មែរបង្ហូរឈាមគ្នាជាបន្តទៀត ដោយសារតែការលាបពណ៌រវាងខ្មែរ និងខ្មែរនោះដែរ។ យើងក៏មិនត្រូវបណ្ដែតបណ្ដោយឲ្យអ្នកដទៃខ្ចីដៃខ្មែរ ដើម្បីសម្លាប់ខ្មែរនោះដែរ យើងត្រូវតែការពារផលប្រយោជន៍ខ្មែរ រស់នៅរួមសុខ រួមទុក្ខជាមួយគ្នា។

លោកស្រី ឡាក់ សុភាព លើកឡើងទៀតថា នៅក្នុងស្ថាប័នកំពូលកំពូលទាំង ៤នេះ យើងត្រូវតែកំណត់ឲ្យមានសញ្ជាតិតែមួយ។ ការធ្វើដូច្នេះ គឺដើម្បីកុំឲ្យមានបញ្ហាប្រឈមចម្រូងចម្រាស លាបពណ៌គ្នា ពីព្រោះយើងធ្លាប់ឃើញហើយ កន្លងមកនេះ អ្នកនយោបាយមួយចំនួន ដែលកំពុងឋិតនៅក្រៅប្រទេស បានស្រែកជេរហែកហួរប្រទេសខ្លួនឯង ដែលចំណុចនេះមិនខុសពីពាក្យចាស់និយាយថា “ហែកទ្រូងឲ្យក្អែកចឹក” នោះទេ។

ចំណែកសេចក្តីថ្លែងការណ៍ របស់គណបក្សឯកភាពជាតិខ្មែរ បានលើកឡើងថា ក្នុងនាមគណបក្សនយោបាយ និងជាពលរដ្ឋនៃប្រជាជាតិខ្មែរ ដែលត្រូវមានចំណែកក្នុងការការពារ និងទទួលខុសត្រូវ ចំពោះផលប្រយោជន៍ជាតិខ្មែរយ៉ាងពិតប្រាកដ គឺមិនត្រូវលាយឡំផលប្រយោជន៍បុគ្គលនយោបាយ និងផលប្រយោជន៍ជាតិសាសន៍ដទៃឡើយ។ មួយវិញទៀត ដានប្រវត្តិសាស្ត្រខ្មែរ បានបង្ហាញឲ្យពួកយើងយល់ឃើញថា មានតែមេដឹកនាំជាជនជាតិខ្មែរពីកំណើតទេ ដែលតែងតែរស់នៅជាមួយប្រជាពលរដ្ឋខ្មែរ និងការពារប្រជាពលរដ្ឋខ្មែរ និងរួមសុខរួមទុក្ខជាមួយប្រជាពលរដ្ឋជារៀងរហូតមក គឺពុំមានសញ្ជាតិដទៃណាស្រឡាញ់ប្រទេស និងស្រលាញ់ពលរដ្ឋខ្មែរជាងខ្មែរឡើយ។

គណបក្សឯកភាពជាតិខ្មែរ សង្កត់ធ្ងន់ថា «បើទោះបីជាការស្នើបង្កើតច្បាប់សញ្ជាតិតែមួយនេះ ស្ថិតក្នុងសភាពប្រទាញប្រទង់គ្នារវាងអ្នកនយោបាយយ៉ាងណាក៏ដោយ ក៏ថ្នាក់ដឹកនាំគណបក្សឯកភាពជាតិខ្មែរ នៅតែគាំទ្រការស្នើបង្កើតច្បាប់ថ្មីនេះ ព្រោះថា ច្បាប់នេះនឹងមានផលប្រយោជន៍ដល់ជាតិ និងកសាងទំនុកចិត្តយ៉ាងខ្ពស់ ដល់ពលរដ្ឋខ្មែរទាំងមូលលើអ្នកដឹកនាំកំពូលរបស់រដ្ឋ។ យើងខ្ញុំយល់ឃើញយ៉ាងច្បាស់ថា ច្បាប់ថ្មីនេះមិនបំបិតសិទ្ធិសេរីភាពពលរដ្ឋ មិនបំបិតសិទ្ធិនយោបាយ និង មិនធ្វើអោយប៉ះពាល់ដល់សិទ្ធិមនុស្ស ជាសាកលឡើយ។ តែច្បាប់នេះគ្រាន់តែកំណត់ឲ្យបុគ្គល អ្នកដឹកនាំស្ថាប័នជាតិកំពូលទាំង៤នេះ មានការទទួលខុសត្រូវខ្ពស់ និងលះបង់ខ្ពស់ជាងមន្ត្រីថ្នាក់ជាតិធម្មតាតែប៉ុណ្ណោះ»៕

អត្ថបទ៖ កោះកែវ   

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ១ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ១ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ១ ម៉ោង មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ១ ម៉ោង មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម