នយោបាយ
តុលាការក្រុងភ្នំពេញ ចេញដីកាកោះហៅលោក សៀម ភ្លុក រឿងក្លែងបន្លំស្នាមមេដៃ ដើម្បីបង្កើតគណបក្ស
សាលាដំបូងរាជធានីភ្នំពេញ បានចេញដីកាកោះហៅលោក សៀម ភ្លុក តំណាងស្ថាបនិកគណបក្សបេះដូងជាតិឲ្យចូលតុលាការនៅថ្ងៃទី២២ ខែមីនា ឆ្នាំ២០២២ វេលាម៉ោង៩ព្រឹក ដើម្បីសាកសួរពាក់ព័ន្ធនឹងដំណើររឿងក្លែងបន្លំស្នាមមេដៃយកទៅស្នើសុំបង្កើតគណបក្ស។ នេះបើយោងតាមដីកាកោះរបស់សាលាដំបូងរាជធានីភ្នំពេញចុះថ្ងៃទី២១ ខែកុម្ភៈ តែទើបដល់ដៃសារព័ត៌មាននារសៀលថ្ងៃសុក្រនេះ។
ដីកាកោះរបស់តុលាការនេះ ត្រូវបានអាជ្ញាធរមានសមត្ថកិច្ចនៃស្នងការដ្ឋាននគរបាលរាជធានីភ្នំពេញយកទៅបិទជាសាធារណៈនៅសាលាសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ នៅរសៀលថ្ងៃទី០៤ ខែមីនានេះ។ លោកសៀម ភ្លុក ត្រូវបានក្រសួងមហាផ្ទៃរកឃើញ និងចោទប្រកាន់ថា បានក្លែងបន្លំស្នាមមេដៃសមាជិក ដើម្បីយកទៅដាក់ស្នើសុំចុះបញ្ជីគណបក្សបេះដូងជាតិនៅក្រសួងមហាផ្ទៃ។ ប្រឈមនឹងបញ្ហានេះ ក្រសួងមហាផ្ទៃ បានសម្រេចមិនចុះបញ្ជីឲ្យគណបក្សបេះដូងជាតិទេ ដោយសារផ្ទុយនឹងច្បាប់ស្តីពីគណបក្សនយោបាយ និងបានប្តឹងទៅតុលាការថែមទៀត។
ភ្លាមៗ លោក សៀម ភ្លុក មិនសុខចិត្តក៏ប្តឹងទៅតុលាការកំពូលប្រឆាំងនឹងការសម្រេចមិនចុះបញ្ជីគណបក្សបេះដូងជាតិរបស់លោកនេះ។ ប៉ុន្តែ តុលាការកំពូលកម្ពុជា បានសម្រេចតម្កល់ទុកនូវសេចក្តីសម្រេចរបស់ក្រសួងមហាផ្ទៃដដែល។ ចំណែក កាលពីថ្ងៃទី០២ ខែមីនា កន្លងទៅថ្មីៗនេះ ក្រសួងមហាផ្ទៃ ក៏បានប្រកាសលុបឈ្មោះ «គណបក្សបេះដូងជាតិ»របស់លោក សៀម ភ្លុក ចេញពីបញ្ជីគណបក្សនយោបាយតែម្តង៕
ដោយ ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ