នយោបាយ

ក្នុងរយៈពេលនៃការឃោសនា មានពាក្យបណ្ដឹងចំនួន៥២ ភាគច្រើនប្តឹងដោយសកម្មជនគណបក្សប្រជាជនកម្ពុជា

បានផុស

៦ ខែ មុន

នៅ

ថ្ងៃសុក្រ ៣ មិថុនា ២០២២

ដោយ

ថ្លែងនៅក្នុងកិច្ចប្រជុំជាមួយភាគីពាក់ព័ន្ធ នៅរសៀលថ្ងៃទី០៣ ខែមិថុនា ឆ្នាំ២០២២ នេះលោក ឌឹម សុវណ្ណារុំ សមាជិក គ.ជ.ប បានអះអាងថា ក្នុងរយៈពេលនៃការឃោសនានេះ គិតត្រឹមថ្ងៃទី០២ ខែមិថុនា ម្សិលមិញ គណៈកម្មការឃុំ សង្កាត់ រៀបចំការបោះឆ្នោត (គឃ.សប) ទទួលបានពាក្យបណ្ដឹងចំនួន៥២ ភាគច្រើនប្តឹងដោយសកម្មជនគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ឌឹម សុវណ្ណារុំ ពាក្យបណ្ដឹងចំនួន៥២នោះប្តឹងដោយសកម្មជនគណបក្សប្រជាជនកម្ពុជាចំនួន ៣៣បណ្តឹង, ប្រធានគណបក្សប្រជាជនកម្ពុជាឃុំចំនួន ១បណ្តឹង, បេក្ខជនគណបក្សប្រជាជនកម្ពុជាចំនួន១បណ្តឹង, សកម្មជនគណបក្សភ្លើងទៀនចំនួន ៥បណ្តឹង, ប្រធានគណបក្សភ្លើងទៀនឃុំចំនួន ១បណ្តឹង, សកម្មជនគណបក្សហ្វ៊ុនស៊ិនប៉ិចចំនួន ១បណ្តឹង, ប្រជាពលរដ្ឋចំនួន ៦បណ្តឹង, អាជ្ញាធរចំនួន ១បណ្តឹង, មន្ត្រីរាជការចំនួន ១បណ្តឹង, ចៅសង្កាត់ចំនួន ២បណ្តឹង។

ចំពោះការដោះស្រាយទាំងនោះនៅថ្នាក់ គឃ.សប រួមមាន៖ ផ្សះផ្សាសះជាចំនួន១៤ បណ្ដឹង, ចេញលិខិតជូនដំណឹងចំនួន៦ បណ្តឹង, ដើមបណ្តឹងដកពាក្យបណ្តឹងវិញចំនួន៣ បណ្តឹង, កំពុងដោះស្រាយចំនួន៥ បណ្តឹង, ផ្សះផ្សាមិនសះជាចំនួន២៤ បណ្តឹង។

ដោយឡែកពាក្យបណ្តឹង ដែលត្រូវបានដាក់ចូលទៅកាន់គណៈកម្មការរាជធានី ខេត្ត រៀបចំការបោះឆ្នោត (ជានីតិវិធីបន្តពី គឃ.សប បន្ទាប់ពីដើមបណ្តឹង ឬចុងបណ្តឹងមិនសុខចិត្តនឹងសេចក្តីសម្រេចរបស់ គឃ.សប) មានចំនួន២១បណ្តឹងរួមមាន៖ ប្តឹងដោយសកម្មជនគណបក្សប្រជាជនកម្ពុជាចំនួន១២បណ្តឹង, ប្តឹងដោយបេក្ខជនគណបក្សប្រជាជនកម្ពុជាចំនួន ១បណ្តឹង, ប្តឹងដោយសកម្មជនគណបក្សភ្លើងទៀនចំនួន ២បណ្តឹង, ប្តឹងដោយមេធាវីតំណាងចំនួន ៥បណ្តឹង, ប្តឹងដោយប្រជាពលរដ្ឋចំនួន១បណ្តឹង។

ចំពោះការដោះស្រាយរួមមាន៖ សម្រេចក្រើនរំលឹកចំនួន ៥ បណ្ដឹង, ចេញលិខិតជូនដំណឹងចំនួន៦ បណ្តឹង, សម្រេចព្រមានចំនួន ១ បណ្តឹង, សម្រេចផាកពិន័យ៥លានរៀល ចំនួន ១ បណ្តឹង (ដោយ គធ.ខប ខេត្តកំពង់ចាម) និងកំពុងដោះស្រាយចំនួន៨ បណ្តឹង។

ដោយឡែក ការដាក់ ការទទួល និងការដោះស្រាយបណ្តឹងនៅ គ.ជ.ប បន្ទាប់ពីដើមបណ្តឹង ឬចុងបណ្តឹងមិនសុខចិត្ត នឹងសេចក្តីសម្រេចរបស់ គធ.ខប ហើយបានដាក់ពាក្យបណ្តឹងជំទាស់មកកាន់ គ.ជ.ប មានចំនួន៤ បណ្តឹងក្នុងនោះ៖ ប្រធានគណបក្សភ្លើងទៀនចំនួន ១បណ្តឹង, មេធាវីតំណាងចំនួន ២បណ្តឹង, ប្រជាពលរដ្ឋចំនួន១បណ្តឹង។

ចំពោះការដោះស្រាយបណ្តឹងនៅថ្នាក់ គ.ជ.ប រួមមាន៖ កំពុងដោះស្រាយចំនួន២ បណ្តឹង, សម្រេចលុបចោលការផាកពិន័យចំនួន២ បណ្តឹង គឺលុបចោលការផាកពិន័យឈ្មោះ គង់ រ៉ៃយ៉ា ចំនួន៥,០០០,០០០ រៀល និងរក្សាសិទ្ធិបោះឆ្នោត និងរក្សាឈ្មោះក្នុងបញ្ជីបេក្ខជនគណបក្សភ្លើងទៀនទាំង១៥រូប ហើយសេចក្តីសម្រេចរបស់ គ.ជ.ប គឺជាសេចក្តីសម្រេចចុងក្រោយ និងបិទផ្លូវតវ៉ា៕

ដោយ ៖ កោះកែវ