នយោបាយ
ក្រុមប្រឹក្សាឃុំ សង្កាត់ ពីគណបក្សហ៊្វុនស៊ិនប៉ិច ចូលរួមអនុវត្តការងារយ៉ាងសកម្ម ក្រោយការបោះឆ្នោត
រហូតមកដល់ពេលនេះ ក្រុមប្រឹក្សា ឃុំ សង្កាត់ របស់គណបក្សហ្វ៊ុនស៊ិនប៉ិច ដែលទទួលបានការគាំទ្រជាជំទប់ទី១ ជំទប់ទី២ និងក្រុមប្រឹក្សាឃុំ សង្កាត់ មួយចំនួននោះ បានចូលរួមសហការណ៍បំពេញការងារយ៉ាងសកម្ម ដើម្បីបំរើប្រជាពលរដ្ឋ នៅតាមមូលដ្ឋាន ដោយមិនមានបញ្ហារាំងស្ទះអ្វីនោះទេ នេះបើតាមការបញ្ជាក់ពីអ្នកនាំពាក្យ។
លោក ញឿន រ៉ាដែន អ្នកនាំពាក្យគណបក្សហ្វ៊ុនស៊ិនប៉ិចបានថ្លែងប្រាប់កម្ពុជាថ្មី នារសៀលថ្ងៃទី២២ ខែកក្កដា យ៉ាងនេះថា “បន្ទាប់ពីទទួលបានគាំទ្រ ជាប់ជាជំទប់ទី១ ទី២ និងក្រុមប្រឹក្សាឃុំ សង្កាត់ មួយចំនួនរបស់គណបក្សហ្វ៊ុនស៊ិនប៉ិច អ្នកជាប់ឆ្នោតទាំងអស់គ្នា បានចូលរួមសហការណ៍បំពេញការងារ និងបានអនុវត្តកាតព្វកិច្ចខ្លួនយ៉ាងសកម្ម បំរើបងប្អូនប្រជារាស្ត្រ នៅតាមមូលដ្ឋាន ជាពិសេសប្តេជ្ញាការពារប្រជារាស្ត្រ ឧត្តមប្រយោជន៍ជាតិ ស្របតាមគោលការណ៍ច្បាប់របស់ជាតិ”។
ជាមួយគ្នានោះ គណបក្សហ្វ៊ុនស៊ិនប៉ិច បានថ្លែងអំណរគុណ ដឹងគុណយ៉ាងជ្រាលជ្រៅចំពោះ ការគាំទ្ររបស់ប្រជាពលរដដ្ឋ និងបោះឆ្នោតជូនគណបក្សរាជានិយមមួយនេះជាបន្តបន្ទាប់កន្លងមក។ គណបក្សហ្វ៊ុនស៊ិនប៉ិច ប្តេជ្ញាប្រកាន់ភ្ជាប់នូវមាគ៌ានយោបាយ រួបរួមសាមគ្គីគ្នា ផ្សះផ្សាជាតិ ឯកភាពជាតិ ដើម្បីសន្តិភាព ស្ថេរភាព និងការអភិវឌ្ឍដោយចីរភាព។
គួររំលឹកថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ បានប្រព្រឹត្តទៅកាលពីថ្ងៃទី០៥ ខែមិថុនា ឆ្នាំ២០២២ ដោយមានគណបក្សនយោបាយចំនួន១៧ បានចូលរួម ក្នុងនោះ៖
គណបក្សប្រជាជនកម្ពុជា ទទួលបានសំឡេងសរុបចំនួន៥,៣៧៨,៧៧៣ សំឡេង ស្មើនឹង ៧៤.៣២ ភាគរយ និងទទួលបានអាសនៈចំនួន៩៣.៧៦ អាសនៈ ដោយក្នុងនោះជាប់ជាមេឃុំ ចៅសង្កាត់ចំនួន១៦៤៨ឃុំ សងកាត់, ជំទប់ទី១ចំនួន១៦១៨ និងជំទប់ទី២ចំនួន២៦១។
គណបក្សភ្លើងទៀន ទទួលបានសំឡេងសរុបចំនួន១,៦១០,៥៥៦ សំឡេង ស្មើនឹង ២២.២៥ ភាគរយ និងទទួលបានអាសនៈចំនួន២,១៩៨ អាសនៈ ដោយក្នុងនោះជាប់ជាមេឃុំចំនួន៤ឃុំ , ជំទប់ទី១ ចំនួន២៥ និងជំទប់ទី២ ចំនួន១៣៦០។
ចំណែកគណបក្សហ្វ៊ុនស៊ិនប៉ិច ទទួលបានសំឡេងសរុបចំនួន៩១,៧៩៨ សំឡេង ស្មើនឹង ១.២៧ ភាគរយ និងទទួលបានអាសនៈចំនួន១៩ អាសនៈ , ជំទប់ទី១ ចំនួន៤ និងជំទប់ទី២ ចំនួន១២៕
ដោយ ៖ កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ