នយោបាយ

អនុប្រធានសភារុស្ស៊ីថាត្រូវតែពង្រឹងទំនាក់ទំនងជាមួយកម្ពុជាឱ្យកាន់តែជិតស្និតថែមទៀត

បានផុស

៩ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

អនុប្រធានរដ្ឋសភានៃសហព័ន្ធរុស្ស៊ីថាលោក KARA-OLL Shalban បានលើកឡើងដោយគាំទ្រដល់គំនិតនៃការរៀបចំព្រឹត្តិការណ៍រួមគ្នាអ្វីមួយដើម្បីអបអរនៅលទ្ធផលនៃទំនាក់ទំនងកម្ពុជា-រុស្ស៊ីខួប៧០ឆ្នាំ ខណៈលោកថាទំនាក់ទំនងជាមួយកម្ពុជាត្រូវតែពង្រឹងបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើកឡើងក្នុងជំនួបជាមួយប្រធានសភាកម្ពុជា នៅទីក្រុងកូឡាឡាំពួ ក្នុងឱកាសមហាសន្និបាតអន្តរសភាអាស៊ានលើកទី៤៦ លោក KARA-OOL Shalban បានសំឡឹងមើលការភ្ជាប់ជើងហោះហើរត្រង់ពីមូស្គូមកភ្នំពេញតែម្ដងដើម្បីងាយស្រួលដល់ការភ្ជាប់ទំនាក់ទំនងប្រជាជននិងប្រជាជន។ លោកយល់ស្រកនឹងគំនិតរបស់ប្រធានសភាកម្ពុជាក្នុងការអបអរខួប៧០ឆ្នាំនៃទំនាក់ទំនងរវាងរុស្ស៊ី និងកម្ពុជានៅឆ្នាំ២០២៦ខាងមុខ ប្រទេសទាំងពីរគួរមានការរៀបចំព្រឹត្តិការណ៍រួមគ្នាអ្វីមួយដើម្បីអបអរសាទរនូវសមិទ្ធផលគួរជាទីមោទនៈជាច្រើន ដែលកើតចេញពីចំណង មិត្តភាព ទំនាក់ទំនងដ៏ល្អ យូរអង្វែង និងភាពជាដៃគូនៃប្រទេសទាំងពីរ។

លោក KARA-OOL Shalban ក៏បានអបអរសាទរចំពោះការគំាទ្រគ្នាទៅវិញទៅមករវាងសភាប្រទេសទំាងពីរនៅលើវេទិកាអន្តរជាតិនានា ហើយកម្ពុជានិងរុស្ស៊ី ក៏បានសិក្សាបទពិសោធន៍ពីគ្នាទៅវិញទៅមក ជាច្រើនវិស័យដែរ នៅក្នុងនោះមានការបោះឆ្នោតជាដើម។

ប្រធានរដ្ឋសភាកម្ពុជា សម្ដេចសភាធិបតី ឃួន សុដារី មានប្រសាសន៍ដោយបានថ្លែងអំណរគុណរុស្ស៊ីដែលតំាងពីអតីតសហភាពសូវៀត បានចូលរួមគំាទ្រ ដល់ការស្តារនិងអភិវឌ្ឍន៍សង្គមកម្ពុជាឡើងវិញក្រោយពីថ្ងៃទី៧មករាឆ្នាំ១៩៧៩ រហូតមកដល់ពេលនេះ។ សម្ដេចបានស្នើដល់រុស្ស៊ីជួយជំរុញការវិនិយោគ ពាណិជ្ជកម្ម និងទេសចរណ៍ប្រទេសទំាងពីរឱ្យមានកំណើនបន្តទៀត។ នៅក្នុងនោះសម្តេចក៏បានស្នើដល់រុស្ស៊ី បន្តផ្តល់អាហារូបករណ៍ដល់និស្សិតកម្ពុជាទៅសិក្សានៅសហព័ន្ធរុស្ស៊ីឱ្យបានកាន់តែច្រើនបន្ថែមទៀត ដើម្បីរួមចំណែកអភិវឌ្ឍមូលធនមនុស្សរបស់កម្ពុជា។

ថ្នាក់ដឹកនាំសភាប្រទេសទាំងពីរ បានសន្យាថាបន្តរក្សាការផ្លាស់ប្តូរទស្សនកិច្ច គាំទ្រគ្នាទៅវិញទៅមក និងការពិគ្រោះយោបល់កម្រិតខ្ពស់។

យោងតាមការចុះផ្សាយរបស់រដ្ឋសភាកម្ពុជា៖ «ការពង្រឹងចំណងមិត្តភាពទាំងនេះ នឹងជួយជំរុញការយល់ដឹងគ្នាទៅវិញទៅមក កសាងទំនុកចិត្ត ដែលជាមូលដ្ឋានគ្រឹះសម្រាប់កិច្ចសហប្រតិបត្តិការផ្នែកនីតិប្បញ្ញត្តិកាន់តែរឹងមាំនិងស៊ីជម្រៅ»។

ទំនាក់ទំនងការទូតរុស្ស៊ីកម្ពុជាបង្កើតឡើងនៅថ្ងៃទី១៣ ខែឧសភា ឆ្នាំ១៩៥៦ នៅខែធ្នូ ឆ្នាំ១៩៩១ កម្ពុជាបានទទួលស្គាល់រុស្ស៊ីជាអ្នកបន្តតំណែងស្របច្បាប់របស់សហភាពសូវៀត។ រុស្ស៊ីបានរួមចំណែកយ៉ាងសំខាន់ក្នុងការទប់ស្កាត់ជម្លោះនៅកម្ពុជា រៀបចំកិច្ចព្រមព្រៀងសន្ដិភាពក្រុងប៉ារីស ក៏ដូចជាអ្នកមកចូលរួមរក្សាសន្ដិភាពរបស់អង្គការសហប្រជាជាតិនៅកម្ពុជាពីឆ្នាំ១៩៩១ ដល់ឆ្នាំ១៩៩៣ផងដែរ៕

អត្ថបទដោយ ហ៊ុន សិរីវឌ្ឍន៍

Related Topics:កម្ពុជា-រុស្ស៊ី

ព័ត៌មានអន្ដរជាតិ១២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច២ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៣ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ១ សប្តាហ៍ ago

រដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា