សន្តិសុខសង្គម

សមត្ថកិច្ចឃាត់ខ្លួនជនភេទទី៣ម្នាក់ក្រោយប្រើកលល្បិចថ្មីជំរិតទារប្រាក់

បានផុស

៥ years មុន

នៅ

ថ្ងៃអាទិត្យ ៥ ធ្នូ ២០២១

ដោយ

ខេត្តបាត់ដំបង៖ លោក ឈឿង គឹមសុង ប្រធានការិយាល័យព្រហ្មទណ្ឌកម្រិតស្រាលនៃស្នងការខេត្តបានឲ្យដឹងថា ករណីខាងលើនេះ ក្រោយបានទទួលពាក្យបណ្តឹងពីជនរងគ្រោះស្របតាមបទបញ្ជាពីលោកស្នងការ និងលោកព្រះរាជអាជ្ញាឲ្យបើកការស៊ើអង្កេត ទើបកម្លាំងជំនាញបានកំណត់អត្តសញ្ញាណជនល្មើសឈានដល់ការឃាត់ខ្លួនជនប្រព្រឹត្ត កាលពីថ្ងៃទី០៣ធ្នូដោយតាមចាប់ខ្លួនដល់ភូមិបាវិត សង្កាត់បាវិត ក្រុងបាវិតស្រុកស្វាយរៀង ដោយមានកិច្ចសហការពីកម្លាំងមូលដ្ឋាននៅទីនោះផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ជនសង្ស័យឈ្មោះ ឈន់ កូរីណា ភេទប្រុស(ភេទទី៣)អាយុ២៤ឆ្នាំរស់នៅភូមិសង្កាត់ដែលត្រូវឃាត់ខ្លួនខាងលើ បានធ្វើសកម្មភាពទៅលើជនរងគ្រោះឈ្មោះ វ៉ា វិត ភេទប្រុសអាយុ២៩ឆ្នាំនៅភូមិបេង ឃុំអន្លង់វិល ស្រុកសង្កែ ខេត្តបាត់ដំបង។

ដោយជនភេទទី៣ននេះ បានប្រើប្រាស់បណ្ដាញសង្គមដែលមានឈ្មោះ«Bona.tamomo»រួចឆាតទៅជនរងគ្រោះខាងលើ ដោយបង្គាប់ឲ្យបើកជាវីដេអូ ដើម្បីមើលអាក្រាតកាយ។ លុះជនរងគ្រោះបើកវីដេអូហើយស្រាតអាក្រាតកាយដូចគ្នា ក៏ត្រូវជនភេទទី៣នេះ ប្រើល្បិចថតរូបទុកដើម្បីជំរិតទារប្រាក់រាប់ពាន់ដុល្លារពីជនរងគ្រោះ។

យោងតាមចម្លើយជនរងគ្រគ្រោះ ដែលសមត្ថកិច្ចបានដកស្រង់បានឲ្យដឹងថា ខ្លួនធ្លាប់ស្គាល់ជនភេទទី៣នេះតាមរយៈបណ្ដាញសង្គម តែមិនបានដឹងថា ជននេះជាភេទទី៣នោះទេខ្លួនស្មានតែមនុស្សស្រីធម្មតា ទើបខ្លួនបានទំនាក់ទំនងជាមួយយ៉ាងផ្អែមល្ហែមតាមបណ្ដាញសង្គមរហូតដល់នាងថតស្រាតឲ្យខ្លួនមើល តាមរយៈឆាតជាវីដេអូ ប៉ុន្តែពេលថតស្រាតម្ដងៗជនភេទទី៣នេះបានបង្គាប់ឲ្យខ្លួនស្រាតផងដែរ។

ប្រភពដដែលបន្តថា លុះចុងក្រោយជននេះ បានថតយករូបអាក្រាតខ្លួនរក្សាទុករួចគំរាមទារប្រាក់ពី៤,០០០ទៅ ៥,០០០ដុល្លារ ជាថ្នូរមិនបង្ហោះរូបជាសាធារណៈ នាំឲ្យខ្មាស់គេ។ ដោយសារតែជននេះប្រើល្បិចបែបនេះហើយ ទើបខ្លួនប្ដឹងទៅសមត្ថកិច្ចឲ្យជួយស៊ើបអង្កេតដើម្បីតាមចាប់ខ្លួន។

បើតាមសម្តីរបស់ជនសង្ស័យឈ្មោះ ឈន់ កូរីណា បានសារភាពប្រាប់សមត្ថកិច្ចថា កន្លងមករូបគេ ពិតជាធ្លាប់បានប្រើល្បិចកលប្រព្រឹត្តបែបនេះមែន។ ហើយស្របតាមការសារភាពរបស់ជនសង្ស័យសមត្ថកិច្ចបានឆែកទូរស័ព្ទរបស់ជននេះ គឺមានរូបភាពអាក្រាតរបស់ជនរងគ្រោះជាច្រើន ដែលបុរសភេទទី៣នេះ ប្រើល្បិចថតបានយកទុកជំរិតទារប្រាក់។

បច្ចុប្បន្នជនសង្ស័យ ក្រោយមន្ត្រីជំនាញសួរនាំបានកសាងសំណុំរឿងបញ្ជូនបុរសភេទទី៣ នេះ ទៅសាលាដំបូងខេត្តរួចរាល់ហើយ នៅថ្ងៃទី៤ខែធ្នូ ដើម្បីផ្តន្ទាទោសតាមច្បាប់៕ សៅ សារិទ្ធ

Related Topics:លោក ឈឿន គឹមសុង